sanpurn bharatavarsh ka ekmatra suryapradhan navagrah mandir  

sanpurn bharatavarsh ka ekmatra suryapradhan navagrah mandir pan. lokesh jagirdar khargon ke shri navagrah mandir ka sanpurn bharatavarsh men alag aitihasik mahatva hai. yahan mata baglamukhi devi sthapit hain. yah sthan pitanbra grah shanti pith kahlata hai kyonki yahan navagrahon ki shanti ke lie mata pitanbra ki puja archana evan aradhna ki jati hai. navagrah devta ko nagar ke devta v svami ke rup men puja jata hai. islie khargon ko navagrah ki nagri kahte hain. is aitihasak mandir ke nam se prativarsh navagrah mela lagta hai aur mele ke antim guruvar ko navagrah maharaj ki palki yatra nikali jati hai. shri navagrah mandir kunda nadi ke tat par sthit hai. is mandir ki sthapna vartaman pujari v malik ke adi purvaj shri sheshappa sukhavdhani vairagakar ne lagabhag 600 varsh purva ki. sheshappa ji ne kunda nadi ke tat par sarasvati kund, surya kund, vishnu kund, shiv kund evan sitaram kund ka nirman kiya aur unke samip tapasya karke mata pitanbra ko prasann kar anek siddhiyan prapt kin tatha in kundon ke sammukh hi navagrah mandir ki sthapna ki. mandir ke rakhrkhav ki sanpurn vyavastha sheshappa ji ki chathi pirhi ke vanshaj lokesh dattatray jagirdar evan unke parivar ke svamitva v adhipatya men hai. pandit lokesh dattatray jagirdar ke anusar mandir ki sthapna nimnalikhit shlok ke adhar par ki gai hai brahma murari tripurantkari, bhanu shashi bhumisuto budhashch. gurushch shukra shani rahu ketvah sarve graha shanti kara bhavantu.. pandit ji ke anusar mandir men shri brahma ke rup men mata sarasvati, murari ke rup men bhagvan ram tatha tripurantkari ke rup men shri panchmukhi mahadev aur mandir ke garbhagrih men navagrah virajman hain. mandir ke garbhagrih ke madhya men pitanbra grah shanti pith v suryanarayan mandir hai tatha parikrama sthali men anya grahon ke darshan hote hain. pitanbra grahshanti pith men mata baglamukhi devi v siddh brahmastra sthapit hain. suryanarayan mandir men sat ghoron ke rath par savar bhagvan suryanarayan evan siddh ashtadal surya yantra sthapit hai. parikrama sthali men purva disha men budh, shukra, chandra dakshin men mangal, pashchim men ketu, shani, rahu aur uttar men guru grah virajman hain. sabhi grahon ki sthapna dakshin bhartiya paddhati v navagrah doshnashak yantra ke adhar par ki gai hai. sabhi grah apne apne vahan v grah mandal sahit sthapit hain. surya pradhan mandir hone ke karan surya upasna ke mahaparva makar sankranti ke avasar par yahan vishal ayojan hota hai. is mahaparva par pradesh bhar se kafi sankhya men log grahshanti hetu navagrah darshan karne ate hain. manyata hai ki is mahaparva par kiya gaya darshan v pujan vishesh punya, sukh samriddhi aur vaibhav pradayak, sarvakarya siddhi karak, navagrah dosh nivarak, lakshmi v aishvarya pradayak evan grah shanti pradayak hota hai. yahan navagrahon ke sath men unse sanbandhit upasak devtaon ke darshan bhi hote hain jo is prakar hain - grah devta surya bhagvan ram chandra panchmukhi mahadev mangal purvamukhi hanuman budh ganesh guru dattatray shukra lakshmi shani bal bhairav rahu sarasvati ketu nag devta ukt sabhi upasak devta is mandir men virajman hain. in devtaon ki upasna se bhi grah pira ka nivaran hota hai. yahan navagrahon ki shanti ke lie navagrahon ki adhishthatri mata baglamukhi ka pujan hota hai. mandir parisar men grah pira nivarnarth shri navagraheshvar mahadev ke darshan hote hain. visheshtaen: mandir ke tin shikhar tridevon (brahma, vishnu, mahesh) ke pratik hain. mandir men pravesh karne vali sat sirhiyan, sat varon (ravivar se shanivar) ki pratik hain. garbhagrih men utrne ki barah sirhiyan barah rashiyon (mesh se min) ki pratik hain. garbhagrih se vapas upar charhne ki barah sirhiyan barah mahinon (chaitra, vaishakh, jyeshth, asharh, shravan, bhadrapad, ashvin, kartik, margashirsh, paush, magh, falgun) ki pratik hain. yah suryapradhan mandir hai kyonki surya grahon ke raja hain. garbhagrih men uttarayan men pratah samay surya ki kiran surya yantra se hote hue surya rath par gaman karti hai. mandir ke praranbhik darshan brahma, vishnu mahesh ke rup men tatha antim darshan bhi brahma, vishnu, mahesh ke darshan ke sath sanpann hote hain. sabhi navagrahon ke upasak devta yahan par virajman hain. mata baglamukhi ke sthapit hone ke karan yah mandir pitanbra grahshanti pith kahlata hai. is tarah yah mandir sanpurn bharatavarsh ka ekmatra surya pradhan mandir hai. surya pradhan mandir hone ke karan surya upasna ke mahaparva makar sankranti ke avasar par yahan vishal ayojan hota hai. is mahaparva par pradesh bhar se kafi sankhya men log grahshanti hetu navagrah darshan karne ate hain. manyata hai ki is mahaparva par kiya gaya darshan v pujan vishesh punya, sukh samriddhi aur vaibhav pradayak, sarvakarya siddhi karak, navagrah dosh nivarak, lakshmi v aishvarya pradayak evan grah shanti pradayak hota hai.