shri baglamukhi ki upasna vidhi  

shri baglamukhi ki upasna vidhi da0 bhagvan sahay shrivastav davi durga ki das mahavidyaon men ek ka nam bagula mukhi hai. vedon men inka nam balgamukhi hai. inki aradhna matra se sadhak ke sare sankat dur ho jate hain, shatru parast hote hain aur shri vriddhi hoti hai. baglamukhi ka jap sadharan vyakti bhi kar sakta hai, lekin inki tantra upasna kisi yogya vyakti ke sannidhya men hi karni chahie. devi ke argala stotra ka path karne matra se inki aradhna ho jati hai. sadhak ko pile vastra (bina sile) pahanakar pile asan par baithakar sarson ke tel ka dipak jalakar pili sarson se yagya karna chahie. isse uske sare manorath purn honge aur shatru parast honge. yah maharudra ki shakti hain. is shakti ki aradhna karne se sadhak ke shatruon ka shaman tatha kashton ka nivaran hota hai. yon to baglamukhi devi ki upasna sabhi karyon men saflta pradan karti hai, parantu vishesh rup se yuddh, vivad, shastrarth, mukdme, aur pratiyogita men vijay prapt karne, adhikari ya malik ko anukul karne, apne upar ho rahe akaran atyachar se bachne aur kisi ko sabak sikhane ke lie baglamukhi devi ka vaidik anushthan sarvashreshth, prabhavi evan upyukt hota hai. asadhya rogon se chutkara pane, bandhnmukt hone, sankat se uddhar pane aur navagrahon ke dosh se mukti ke lie bhi is mantra ki sadhna ki ja sakti hai. krit yug men pure sansar ko nasht karne vala tufan utha, use dekh jagat rakshak shri hari bhagvan vishnu chintatur hue aur saurashtra men sthit haridra sarovar ke samip jakar unhonne tapasya ki. unki tapasya se mahatripur sanudri prasann hokar devi bagla ke rup men prakat huin tatha tufan ko shant kiya. inhin ki shakti par tinon lok tike hue hain. vishnu patni sare jagat ki adhishthan brahm svarup hain. tantra men shakti ke isi rup ko ‘‘shri baglamukhi’’ mahavidya kaha gaya hai. vaidik evan pauranik shastron men shri baglamukhi mahavidya ka varnan anek sthalon par milta hai. shatru ke vinash ke lie jo kritya vishesh ko bhumi men gar dete hain, unka nash karne vali mahashakti shri baglamukhi hi hain. shri bagla devi ko shakti bhi kaha gaya hai. satya kali ch shri vidya kamla bhuvneshvari. siddh vidya maheshni trishaktirbagala shive.. mantra maharnav ke anusar is mantra ka ek lakh jap karne se purashcharan hota hai. anya tantra granthon ke anusar purashcharan ke lie sava lakh jap ka vidhan hai. bherutantra ke anusar yah mantra das hajar ke jap se hi siddh ho jata hai. iska jap nitya niyat sankhya men hi karna chahie. jap ka dashansh havan, tarpan aur marjan kar brahman tatha kanya bhojan karana chahie. purashcharan 21 dinon men sarltapurvak sanpann ho sakta hai. prani ke sharir men ek atharva nam ka pran sutra bhi hota hai. pranrup hone se ham ise sthul rup se dekhne men asamarth hote hain. yah ek prakar ki vayrles teligrafi hai. hajaron yojan dur rahne vale atmiya ke dukh se hamara chiÿa jis paroksh shakti ke madhyam se vyakul ho jata hai, usi paroksh sutra ka nam atharva hai. is shakti sutra ke madhyam se hajarane kimi dur sthit vyakti se sanpark sanbhav hai. dusre atharvagira men abhichar prayog hota hai. iska usi atharva sutra se sanbandh hai. atharva sutra rupi isi mahashakti ka nam balgamukhi hai. upasna: baglamukhi ki sadhna men sadhna ke niyamon ko janna tatha unka palan karna atyant avashyak hai. sadhna kisi pravin guru se diksha lekar hi karni chahie. baglamukhi sadhna ke lie ‘’vir raji’’ vishesh siddhiprada mani gai hai. yadi surya makar rashisth ho, manglvar ko chaturdashi ho to use vir raji kaha jata hai. isi raji men arddharatri ke samay devi shri baglamukhi prakat hui thin. mahavidya baglamukhi ka 36 aksharon ka mantra is prakar hai. pitambar dhari bhutva purvashami mukhah sthitiah. lakshmekan jayenmantran haridra granthi malya.. brahmacharyaÿao nityan prachro dhyan tatparah. priyangu kusumenadi pit puspai homyet.. baglamukhi devi ke jap men pile rang ka vishesh mahatva hai. anushthanakarta ko pile vastra pahnne chahie. pile kaner ke fulon ka vishesh vidhan hai. devi ki puja tatha hom men pile pushpon ka prayog karna chahie aur haldi ki ganth ki mala se puja karni chahie. use brahmacharya ka palan karna chahie tatha sadaiv svachch tan aur man se bhagvti ka dhyan karna chahie. jap asan par purvabhimukh baithakar karna chahie. jap se purva asan shuddhi, bhushuddhi, bhutshuddhi, ang nyas, karanyas adi karne chahie tatha pratidin jap ke ant me dashansh hom pile pushpon se avashya karna chahie. jap karne se purva yah dhyan karna avashyak hai. sadhna vidhi: subah snanadi kar svachch pile vastra dharan karen. fir devi ke chitra ko ek chaiki par pila vastra bichakar us par purva ki or mukh karke sthapit kar shodshopchar vidhi se pujan karen. sadhna men vastra, asan, mala, gandh, akshat, pushp, fal adi bhi pile rang ke hone chahie. sadhna kal men bagla yantra ki sthapna bhi avashya karni chahie. yantra ko shiv mantra ‘‘¬ namah shivayah’’ se abhimantrit karna chahie. fir use kisi patra men rakhakar panchamrit, dudh ya shuddh jal aur sugandhit chandan, kasturi se sthapit karen. iske bad nimn gayatri mantra ka uchcharan karte hue yantra ka sparsh kar kushaman se abhimantrit karen. mantra ‘‘yantra rajay vidmahe maha yantray dhimhi tanno yantrah prachodyat.’’ fir devi-devta ki bhav siddh ke lie ashtoÿar shatbar parhen. ashtoÿarshtan devi-devta bhav siddhey.. atm shuddhi tatah kritva shadange devta yajet. tatravahan mahadevi jivanyasan ch karyet.. fir mahadev ji ka avahan karke prananyas karen. sankalpa:- achaman evan pranayam karne ke bad deshkal sankirtan karke baglamukhi mantra ki siddhi ke lie jap sankhya ke nirdesh aur tat dashansh kramshah havan, tarpan, marjan aur brahman bhojan rup purashcharan karne ka sankalp karen. viniyog mantra: ¬ asya shri baglamukhimantrasya nardrishiah trishtupachandah baglamukhi devta inin bijan svaha shaktiah mam akhilavaptaye jape viniyogah. isse usmen pran shakti a jaegi. fir abhisht siddhi hetu uprokt mantra ka jap karen. fir devi ko yatha yogya samagri arpit kar bhakti bhav se pranam karen. is prakar se jo sadhak sadhna karta hai, use sabhi fal prapt ho jate hain hridyadi shadanganyas:- ¬ inin hridyay namah. baglamukhi shirse svaha. sarvadushtanan shikhayai vashat. vachan mukhan padan stambhay kavchay hum. jihnan kilay netratrayay vaushat buddhin vinashay inin ¬ svaha astray fat. ath dhyanam: sudha sagar ke madhya maniyon se jarit mandap men ratnon se bani vedi par svarn sinhasan par devi virajman hain. sinhasan, mandap tatha aspas ka vatavaran sab pitavarn ke hain. man pile rang ke hi vastra, mukut, mala, pitavarn ke hi ratnon se jare svarnabhushan pahne hue hain. unhonne bayen hath men shatru ki jibh aur dahine men mudgar pakar rakha hai. aisi do bhujaon vali devi bhagvti baglamukhi ko namaskar hai. aisa dhyan karke mansopcharon se puja karke pith puja karni chahie. pith adi par rachit sarvatobhadramandal men mandukadi paratatvant pith devtaon ko sthapit karke ¬ man mandukadi paratatvant pith devtambhyo namah mantra se puja karke nav pithashaktiyon ki nimnalikhit mantron se puja karen. purvadyashtasu dikshu ¬ jayayai namah (1) ¬ vijyayai namah (2) ¬ ajitayai namah (3) ¬ aprajitayai namah (4) ¬ nityayai namah (5) ¬ vilasinyai namah (6) ¬ dogdhyai namah (7) ¬ aghorayai namah (8) madhye ¬ manglayai namah (9) iti pith shaktiah pujyet. tatah svarnadi nirmitan yantran tamrapatre nidhay dhritenabhyajya tadupri dugdhadharan jaldharan ch datva svachch vastren samprokshya tadupri chandnagurukarpuren pujnarth yantra viliravya. ¬ inin baglamukhi yogpithay namah iti mantren pushpadhasnan datva pith madhye sansthapya pratishthan ch kritva punadhryatva mulen murti prakalpya padyadi pushpantairupcharaiah sampujya devyagyan grahitva avaran pujan kuryat. tadyathaah. iske bad sone se nirmit yantra ko tamrapatra men rakhakar us par ghi ka abhyang karke us par dudh aur jal ki dhara den. tadnantar use svachch vastra se ponchakar uske upar chandan, agarabatti aur kapur se puja ke lie yantra likhen. ‘‘¬ inin baglamukhi yogpithay namah’’ mantra se pushpadyasan dekar pith ke bich sthapit karke uski pran pratishtha karen. fir dhyan kar mul se murti ki prakalpana karen aur padya adi se pushpanjali dan paryant ukt upcharon se puja karke devi se agya lekar avaran puja karen. ityavrnpujan kritvan dhupadi namaskarantan sampujya japan kuryat asya purashcharanan laksh japah champak kusumairdashanshto homah taddashanshen tarpan marjan brahman bhojnani kuryat. evan krite mantrah siddhau bhavti etasminsiddhe mantre mantra prayogan sadhyet. is prakar avaran puja karke dhupdan se namaskar tak puja kar jap karen. champa ke fulon se dashansh hom aur taddashansh tarpan aur marjan kar brahman bhojan karaen. aisa karne se mantra siddh hota hai. is prakar dhyan karke ek lakh jap karen. tadnantar chanpa ke das hajar fulon se hom karke purvokt pith men is devi ki puja karen. is prakar sadhak mantra ko siddh karke devtadi ko stanbhit karen. sadhna pile vastra aur pili mala dharan kar tatha pile asan par baith kar karen. hom pile fulon se aur mantra ka jap haldi ki mala se karen. jap das hajar karen. madhu, ghi aur sharkara mishrit til se kiya jane vala havan (hom) manushyon ko vash men karne vala mana gaya hai. yah havan akarshan barhata hai. tel se sikt nim ke patton se kiya jane vala havan vidvesh dur karta hai. ratri men shmashan ki agni men koyle, ghar ke dhum, rai aur mahish guggal ke hom se shatru ka shaman hota hai. giddh tatha kaue ke pankh, karve tel, bahere, ghar ke dhum aur chita ki agni se hom karne se sadhak ke shatruon ko uchchatan lag jata hai. dub, guruch aur lava ko madhu, ghi aur shakkar ke sath milakar hom karne par sadhak sabhi rogon ko matra dekhakar dur kar deta hai. kamnaon ki siddhi ke lie parvat par, mahavan men, nadi ke tat par ya shivalay men ek lakh jap karen. ek rang ki gay ke dudh men madhu aur shakkar milakar use tin sau mantrane se abhimantrit karke pine se sabhi vishon ki shakti samapt ho jati hai aur sadhak shatruon ki shakti tatha buddhi ka stambhan karne men saksham hota hai. shatruon par vijay adi ke lie baglamukhi yantra ki upasna se barhakar aur koi upasna nahin hai. iska prayog prachinkal se hi ho raha hai. shri prajapti ne inki upasna vaidik riti se ki aur vah srishti ki rachna karne men safal hue. unhonne is vidya ka updesh sankadik muniyon ko diya. fir sanatkumar ne shri narad ko aur shri narad ne yah gyan sankhyayan namak parmhans ko diya. sankhyayan ne bangla tantra ki rachna ki jo 36 patlon men upnibaddh hai. shri parshuram ji ne yah vidya ke rhog batai. maharshi chyavan ne isi vidya ke prabhav se indra ke vajra ko stanbhit kiya tha. shramadgovind pad ki samadhi men vighn dalne vali reva nadi ka stanbhan shri shankracharya ne isi vidya ke bal par kiya tha. tatparya yah ki is tantra ke sadhak ka shatru chahe kitna bhi prabal kyon n ho, vah sadhak se parajit avashya hota hai. atah kisi mukdme men vijay, shadyantra se raksha tatha rajniti men saflta ke lie iski sadhna avashya karni chahie. parantu dhyan rahe, upasna kisi yogya aur kushal guru ke margadarshan men hi karen.