sanatan dharm men shraddh ka bara mahatva hai. shraddh kalp ke anusar mrit pitron ke uddeshya se jo priya bhojya padarth brahman ko shraddha purvak pradan kiye jate hain us anushthan ka nam shraddh hai. katyayan smriti ke anusar pitri karm ka hi dusra nam shraddh hai. siddhantshiromni granth ke anusar chandrama ki udhrva kaksha men pitrilok hai jahan pitar rahte hain. taittariya upnishad 9/6/8/6 ke anusar pitri lok manushya lok se charmachakshuon dvara drisht nahin hai. vivek churamni ke anusar jab jivatma is sthul deh se prithak hota hai us sthiti ko mrityu kahte hain. yah bhautik sharir 27 tatvon ke sanghat se bana hai. sthul panch mahabhut evan sthul karmendriyon ko chorne par arthat mrityu ko prapt ho jane par bhi 17 tatvon se bana hua sharir sukshm vidyaman rahta hai.
jiv marne ke bad bhi mohavash apne ghar ke aspas ghumta rahta hai. pitri puja se dhan, pad, pratishtha prapt hoti hai. jo grihasth kanyagat surya men shraddh nahin karta vah papi hai. shraddh ka samay 11-45 se 12-45 ke bich upyukt hai. shraddh karm se sukshm jiv ko tripti milti hai islie shraddh karya kiya jata hai. ramayan ke anusar sitaji ko dasharath ki mrityu ke bad shraddh ke samay dikhai diye jab shri ram fal-ful se shraddh kar rahe the. bhishm ji se shantnu ji ne pind svayan grahan kiya jab ve pita ko pinddan kar rahe the. shraddh ashvin men kiye jate hain. atharvaved ke anusar sharad ritu men chathi sankranti kanyark men jo abhipsit vastuen pitron ko pradan ki jati hanai vah pitron ko prapt hoti hai.
kanya rashi par jab surya ka pravesh hota hai tab pitar apne satputron ke nikat pahunchte hain. bhartiya sanskriti men tin prakar ke rinon ka varnan hai- dev rin, rishi rin, pitri rin. pitron ke nimit til yukt jal se tarpan, brahman bhojan, agni karan, pinddan ye shraddh ke ang hain vaise shraddhaya diyate yatat shraddham. shraddha se pitron ki santushti aur prasannata ke liye kiye jane vala karya hi shraddh hai. shraddhon ke din satvik pravritti ke karan bhojan shuddh banakar khilayen, kauve ko, gay ko, kutte ko roti den. sare pitri karya dakshin men karen. yadi koi vyakti garib hai, shraddh paksh men brahman ko bhojan nahin kara sakta hai to kisi jalashay par jayen, kamar tak pani men khara hokar anjuli men jau, til evan dudh lekar tarpan karane isse bhi pitri prasann hote hain.
shraddh karne ke adhikari kaun hain- putra, patni, sahodar, bhai adi.
pitri dosh shanti ke upay
- gaya ji men shraddh, pinddan, tarpan karen.
- haridvar pretshila men pitri puja karen.
- badrinath brahm kapali men pinddan, tarpan karen.
- bhagavat katha karayen athva shravan karane.
- gay dan, bhumi dan karane.
- ekadshi ka vrat karen.
- roj gita ka path karen.
- pipal ki puja karen.
- pitri gayatri jap karvayen.
- gay mata ki roj puja karen.
pitri dosh shanti ke lie nimnalikhit stotra ka path karna chahie:
1. vishnu sahasranam
2. gajendra moksha
3. rudrashtadhyayi
4. purush sukta
5. brahm sukta
6. vishnu sukta
7. rudra sukta
10. yam sukta
11. pret sukt pitri puja men dakshin disha mukhya hai, jau, til, kusha, dudh, shahad, gangajal, adi mukhya vastu rakhen. tarpan jarur karane. pitri puja se dhan, santan yash adi ki prapti hoti hai.