vadik kal se hi adi dev bhagvan shiv ke shankar, shanbhu, rudra, mahadev, bhole nath adi vibhinn rupon ki upasna ki jati hai. bhagvan shiv ki upasna tantron men bhi varnit hai. panchdevopasna men pramukh shiv, vishnu, surya, shakti evan ganesh ji ki puja ka vidhan hai.
shiv bhagvan panch mukh evan trinetra rup men prasiddh hain. unke ek mukh aur ekadshmukh rup ka pujan bhi kiya jata hai.
shiv upasna dhyan mantra:
dhyayennityan maheshan rajtgirinibhan charuchandravtansan ratnakalpojjvalangan parshumrigvrabhiti hastan prasannam.
padmasinan samantatstutam maragan auvryaghrakrittin vasanan vishvavadyan vishvavandyan nikhilbhyhran panchavaktran trinetram..
mantra:
om namo haray.
om namo maheshay.
om namah shulpanye.
om namah pinakine.
om namah pashuptye.
om namah shivay.
om namo mahadevay.
mitti ki 7 pindiyan bana kar unka pujan ek sath upar varnit saton mantra se karen. iske bad pratyek ka pujan panchopchar vidhi se karte hue saton ka abhishek karen. fir balgneshvar evan kumar kartikey ka bhi pujan karen. pujan ke bad pindiyon ka visarjan kisi nadi, nahar ya talab men kar den.
dhan evan putradi ke lie upar likhit vidhi se bhagvan shiv ka pujan karen. virodhiyon se sandhi ke lie kisi nadi ke donon kinare ki mitti lakar usse shiv ling banakar uska pujan karen. is prayog men shankh, paù sarp evan shuldhari harihar ki murti ka dhyan karna chahie.
pati evan patni men matbhed hone par addhar narishvar shiv ka dhyan kar unki parthiv puja karni chahie jinke charon hathon men kramshah amritkunbh, purnakunbh, pash evan ankush hote hain. ek lakh ki sankhya men shiv ling ki puja karne par moksh prapt hota hai gur ki pindi se ek lakh shiv ling bana kar puja karne par sadhak raja ke saman ban jata hai.
jo striyan gur nirmit ek hajar shiv lingon ki puja karti hain, unhen pati ka sukh tatha akhand saubhagya aur ant men moksh prapt hota hai. navnit nirmit lingon ka pujan karne par sadhak ko abhisht ki prapti hoti hai. yahi fal bhasm, gomay evan balu ke bane lingon ka pujan karne par bhi prapt hota hai. jo sadhak gobar ke bane gyarah lingon ka chah mas tak pratah, madhyahn, sayan aur ardharatri men pujan karte hain, ve dhanvan evan samriddh hote hain.
jo sadhak tin mas tak pratah kal gomay nirmit tin lingon ka pujan karte hain aur un par bhatktaiya tatha bilvapatra charha kar gur ka naivedya arpit karte hain, ve dhanvan evan sanpattishali hote hanai. jo sathi ke chaval ke pisht ka ekadash ling banakar ek mas tak nitya (bina vyavdhan ke) pujan karta hai, use sare papon se mukti mil jati hai.
sfatik ke shiv ling ki puja se sadhak ke sabhi pap dur ho jate hain. tanbe se bane shivling ki puja karne se sadhak ki sabhi manokamnaen puri hoti hain. narmadeshvar ling ke pujan se sari siddhiyan prapt hoti hain tatha sare dukhon ka nash hota hai.
iski puja nityaprati karni chahie. jo log gobar ka shivling banakar kruddh maheshvar ka dhyan karte hue nim ki pattiyon se uska pujan karte hanai, unke shatruon ka shaman ho jata hai. jo log bhagvan shiv ki bhakti men lin ho kar pratidin shiv ling ka pujan karte hanai unke sare pap nasht ho jate hain.
if you are facing any type of problems in your life you can consult with astrologer in delhi