janmasthan - saurashtrari gotra - kashyapri pita - suryari mata - chayari bhrata - yamri bahan - yamuna, taptiri vahan - kauari guru - shiv jyotish ek sambhavnaon par adharit anubhvik prayogsiddh vigyan hai jismen manav jivan par grahon ke prabhav ka adhyayan kiya jata hai. yah srishti aniyamitta se nahin balki purnataya yojnabaddh kram se kam karti hai jise kriyanvit karne men grahon ki gurutvakarshan evan agyat brahmandiya shaktiyon ki mukhya bhumika hai.
hamara jivan navagrahon dvara sanchalit hai parantu grahon men shani ko sarvadhik prabhavshali v mahatvapurn mana gaya hai. is kathan ki pushti ke lie yah katha ullekhniya hai - kaha jata hai ki shiv bhakt shani ki mata chaya ne apne garbh men pal rahe shani ki chinta kie bagair bhagvan shiv ki kathor tapasya ki jiske parinamasvarup shani ka rang kala ho gaya. prakash v roshni ke dyotak pita surya ko shani ka kala rang achcha nahin laga aur unhonne shani ko apna putra manne se inkar kar diya. is bat par shani apne pita se naraj ho gaye aur shivaradhna praranbh kar di.
shiv ne unhen vardan diya ki tum sabhi grahon men sabse shaktishali banoge aur tabhi se shani sabhi grahon men sarvashaktiman ho gaye. shani surya putra v yam ke bare bhai hain. shani manushya ko uske shubhashubh karmon ke anusar fal deta hai jabki yam mrityoprant karmon ka fal deta hai. shani ko is srishti ke santulan chakra ka niyamak mana jata hai. ise nyay ka karak islie mana jata hai kyonki yah manushya ko uski galtiyon aur pap karmon ke lie dandit karke manvta ki raksha karta hai.
islie shani ko bhakshak nahin apitu rakshak mana jata hai. falit jyotish men shani ko seva, adhyatm, kanun, kutniti evan rajniti ka karak mana jata hai. shani ka vrishchik rashi men gochr: is varsh 2 navanbar 2014 ko sayan 8ah54 baje shani tula se vrishchik rashi men pravesh karenge. is samay chandrama kunbh rashi, shatbhisha nakshatra ke chaturth charan men rahu ke nakshatra men gochar kar rahe honge. shani ka jatak ke jivan par gochriya prabhav bhav v rashi ke anusar to hota hi hai sath hi ise atisukshm rup se samjhne ke lie shani apki rashi ke lie kis paye v vahan par savar hokar rashi parivartan kar rahe hanai yah adhyayan karna bhi avashyak hota hai.
shani paya vichar: shani ke rashi parivartan ke samay gochar ka chandrama janmakalin chandrama se 1, 6, 11 ho to shani dev apke lie sone ke paye par aur 2, 5, 9 ho to rajat ke paye par, 3, 7, 10 ho to tamra ke paye par v 4, 8, 12 ho to lohe ke paye par rashi parivartan karte hain. is varsh mesh, kanya v kunbh rashi ke jatkon ke lie shani dev sone ke paye par ayenge tatha jatak ke lie kai prakar ke dhan v samriddhi karak banenge. mithun, tula v makar rashi ke jatkon ke lie rajat paye par akar sabhi prakar ke shubh fal v bhautik sukh suvidhaen pradan karenge.
vrish, sinh v dhanu rashi ke jatkon ke lie tamra paye par ane vale shani dev unke lie mishrit (arthat kuch shubh v kuch ashubh) fal lekar ayenge. kark, vrishchik v min rashi ke jatkon ke lie lauh paye par ane vale shani dev dhan hani v vyavsay sanbandhi kathinaiyane ke yog lekar a rahe hain. shani vahan vichar: shani jis vahan par savar hokar rashi men pravesh karte hain uske anusar vah rashi men fal pradan karte hain. shani ke vahan ko janne ke lie janmanakshatra se shani rashi parivartan ke samay chandra nakshatra tak ginen. 9 se adhik ho to 9 ghata den. shesh ke anusar shani ka vahan kramanusar gadha, ghora, hathi, bakra, siyar, sher, kaua, hans v mayur hoga.
shani vibhinn nakshatron se prabhavit jatkon ke lie nimn vahnon par rashi men pravesh karenge jinka prabhav is prakar hoga - janm nakshatra svami vahan fal ashvini, magha, mula ketu sher vijay, labh, saflta bharni, pu. fa., pu. sha. shukra siyar bhay, kasht kritika, u. fa., u.sha. surya bakra viprit,asflta,rog rohini, hast, shravan chandra hathi uÿam bhojan,sukh,labh mrigshira, chitra, dhanishtha mangal ghora sukh, sanpÿia, yatra adrra, svati, shatbhisha rahu gadha duahkh, vad-vivad punarvasu, vishakha, pu. bha. guru mayur sukh evan labh pushya, anuradha, u. bha. shani hans labh, jay, saflta ashlesha, jyeshtha, revti budh kaua chinta, mansik kasht vibhinn rashiyon ke lie gochar fal:
mesh: apke lie agami do varshon ke lie shani ki ashtam dhaiya praranbh hogi jo vyavsayik v sharirik kasht de sakti hai. atah apne adhikari varg se achche sanbandh banane ki cheshta karen tatha nai naukri hath men aye bina krodh vash apni chalti naukri ko n choren.
vrish: vivah hone ki sanbhavnaen banengi. sajhedari, vyapar v naukri men labh hoga. samay uÿam hai parantu jivnsathi ke svasthya ka dhyan rakhen.
mithun: shatru paksh, mukaddama tatha pratiyogita adi men vijay prapt hogi. dhan labh, nai naukri aur naye ghar ki prapti hogi.
karka: santan v shiksha men unnati ke sanket milenge. satte men labh hoga. man-samman, kirti labh v santan ke vivah ke yog hain.
sinh: dhan sampaÿia par vyay, navgrih nirmana/pravesh tatha vahan prapti ke yog bane hue hain.
kanya: apni unnati ke lie vishesh prayasshil v sakriya honge tatha parakram, dhan labh v samajik pratishtha prapt hogi.
tula: shani ki sarhesati ke antim charan men kuch dhan labh v naya karya aranbh hone ke sanket hain parantu mansik chinta v parivarik kalah rahegi.
vrishchik: shani ki sarhesati ka dvitiya charan apki jimmedariyon v man-samman ko barhayega. sharirik kasht dur honge tatha pichle bigre karya suljhenge.
dhanu: apke lie sarhesati ka aranbh hoga jismen sharirik, arthik v mansik pareshaniyan barhengi. dhan hani v ati vyay ke yog banenge islie vyapar men dhan ka nivesh agami do varshon tak sthagit rakhen.
makr: dhan labh hoga, ay ke sadhan barhenge tatha har kshetra men prasiddhi, saflta v samman ke yog hain. purvarddh men vivah v santan labh ke yog shreshth hain.
kunbh: apki naukri, vyapar v rajman men vriddhi, vistar v sthirta ayegi. uÿararddh men vivah v santan labh ke yog hain.
min: shani ki dhaiya se mukt honge. badhaon ka samul nash hoga tatha bhagyonnati ke yog banenge. naya vyavsay aranbh karenge/naukri men unnati hogi.