vastu men ishan disha ki shubhta ka vaigyanik adhar ramavtar sharma ishan kon disha ke svami bhagvan shankar hain. (shankar ityamrah) is disha ke adhishthata devguru brihaspati hai. shiv aur brihaspati donon hi pujya aur kalyankari hain. islie ishan kon ko dharmik drishti se pavitra aur shubh mana gaya hai. dharmik puja-anushthan men kalash rakhne/ sthapan ke liye ishan arakshit hai. kuna, nalkup, pani taink evan puja grah ke liye bhi ishan prashast hai. vastu shastra ke anusar pratyek bhavn/bhukhand men ulte lete hue kalpit vastu-purush ka shir ishan kon men rahta hai, is karan bhi ishan disha shubh hai. vaigyanik drishti se is disha ki shubhta ka karan yah hai ki brahmand ki uttar disha men chunbkiya urja ka pravah prithvi ki taraf nirantar hota rahta hai kyonki prithvi aur manushya donon men lauh tatva vidyaman hai. brahmand ke uttari kshitij ka kendra bindu (kosmik narth sentr) prithvi ke uttari dhruv ke kendra bindu se bhinn hai. iske do karan hain. pahla karan prithvi ki akriti andakar hai jabki antriksh ki akriti golakar hai. dusra karan prithvi apni dhuri (dakshini dhruv ke shunya akshansh evan shunya deshantar jise 90 dakshini akshansh evan 90 purvi-pashchimi deshantar bhi kah sakte hain, kyonki 90 aur shunya akshansh-deshantar ek hi bindu se shuru hote hain) par 23) ansh purva ki or jhuki hui hai. is karan prithvi ka uttari dhruv kendra bindu antriksh ke uttari dhruv kendra bindu se 23.5 ansh purva ki taraf hat kar 66.5 purvi deshantar se yah urja prithvi men pravisht hoti hai jo ishan kon kshetra men parta hai. ishan kon kshetra ki sima mote anuman se 65 se 50 purvi deshantar evan itne hi uttari akshansh mani ja sakti hai. is or se ane vali aur prakritik chunbkiya urja hamesha sakaratmak prabhav rakhti hai. vastu shastra men ishan kon nichi or khali rakhne ke piche yahi udeshya hai ki antriksh se prapt daiviya urja nirbadh gati se bhavan men pravisht ho sake. yah urja bhavan men pravisht hone ke bad kraes -ventileshan siddhant se rnaitya disha se nikal n jave, atah ise rokne ke liye rnaitya kon bhari aur uncha hona avashyak mana gaya hai. bhavan men nivas karne vale vyakti prakritik urja se vanchit rahenge to kai prakar ki sharirik-mansik vyadhiyan utpann ho sakti hain. isi karan bhavan ke ishan aur rnaitya men dosh hona ashubhta ka parichayak hai. naitya disha ishan ke thik samne 90 ansh ki duri par hai.
Kya aapko lekh pasand aaya?
Subscribe