ganbhir vastu dosh hai rasoi ghar men dakshin ka sink pan. gopal sharma pichle dinon bigrti arthik sthiti aur girte svasthya se pareshan ek sajjan ke makan ka vastu nirikshan kiya gaya. sajjan ki arthik sthiti evan svasthya men yah giravat unke is nae makan men ane ke samay se hi shuru ho gai thi. nirikshan ke samay tak vah divaliya hone ki sthiti men a gae the. nirikshan men nimn dosh pae gae- û uttara-pashchim evan dakshin pashchim ke kone kate hue the. dakshin-pashchim ka katna svasthya evan arthik samasyaon ko janm deta hai. uttara-pashchim ke kate hone se mansik tanav barhta hai aur pareshani ke samay kahin se bhi sahayta nahin milti. uttar ki sirhiyan ay men rukavat dalti evan karjadar banati hain. brahmasthan men shauchalay tha. yah ek ganbhir vastu dosh hai jo divaliya tak bana sakta hai. uttara-pashchim aur uttar men mukhya pravesh dvar bhi thik nahin hota. yah mansik tanav evan shatruta ka karan hota hai. rasoighar men bartan dhone ka sink dakshin men tha. yah ek ganbhir vastu dosh hai jiske karan parivar men sadasyon ke bich matbhed evan tanav bana rahta hai. mukhya pravesh dvar donon taraf bane stanbhon se uncha tha, jiske falasvarup kharch par niyantran nahin tha. upar varnit doshon ke nivarnarth nimn sujhav batae gae- dakshin-pashchim evan uttara-pashchim men pargola banane ko kaha gaya taki ghar ki imarat aytakar ho sake. brahmasthan par bane shauchalay ko uttar ki taraf sirhiyon ke nikat karne ko kaha gaya. rasoighar men sink ko pashchim men sthanantrit karne ki salah di gai. sink ka sabse uchit sthan uttar men hota hai, par yah sanbhav nahin tha, atah ise pashchim men karne ke lie kaha gaya. mukhya pravesh dvar ko uttar aur sirhiyon ko uttara-pashchim men banane ki salah di gai. dvar ke stanbhon ko uncha karne aur iske upar dvar se unchi lait lagane ki salah di gai. sabhi sujhavon ko karyanvit karne par ukt sajjan ko kafi had tak labh mila.
Kya aapko lekh pasand aaya?
Subscribe