sip kachua ek shant svabhav ka dirghajivi prani hai. sanatan dharm men shri hari ke dashavtaron men kachchap avtar bhi ek hai islie uski puja archana ki jati hai. aur use shubh mana jata hai. sip kachue ko ghar men rakhne se ghar parivar men sukh, sauhard barhta hai paraspar talmel men vriddhi hoti hai.
parivar ke sadasyon men parivar ki suraksha ki bhavna viksit hoti hai. ise apne vyavsay sthal, faiktari, karyalay, adi men rakhne se karya vyavsay men vriddhi hoti hai aur buri najar adi se bachav hota hai. vyapar men ane vali vighn badhaen dur hoti hain. sip kachue ke andar chaval bharakar ghar ki uttar disha men rakhne se dhan ki barakat, ayu dirgh hoti hai aur svasthya thik rahta hai. ise ghar men athva vyavsay sthal men rakhne se vastudosh ki bhi shanti hoti hai.
kisi bhi shubh din, budh, brihaspati ya shukravar ko ise sthapit kar sakte hain. upyog sip kachua ko apne ghar men rakhne se parivar men sukh samriddhi barhti hai. ship kachue ko ghar men rakhakar nitya uske darshan karne se ayu lanbi hoti hai aur sharir svasth rahta hai.
sip kachue ke andar sabut chaval evan haldi bharakar rakhne se dhan ki vriddhi hoti hai. roli men chaval rangakar sip kachue ke andar bharakar rakhne se dhan v yash men vriddhi hoti hai. sip kachua ghar ki dakshin purva disha men rakhne se ghar ke vastu sanbandhi dosh dur hote hain.
dhatu ka kachua: lanbi gardan vala dhatu ka kachua man ki ekagrata ko barhata hai evan vatavaran ko shant aur sukhamay banata hai. jahan dhatu ka kachua hota hai, vahan kai prakar ke rog, dosh adi nasht ho jate hain. kai pauranik kathaon men kachue ko ishvar ka avtar mana gaya hai. atah ise sabhi dharm sanpraday ke log rakh sakte hain.
ise vyavsay sthal, karyalay ya ghar men uttari kshetra men kisi mej adi par rakh sakte hain. jin vyaktiyon ko pratidin anek logon se milna hota hai, ve kachue ko apni mej par rakhakar karya karen, to uttam fal prapt hoga tatha man prasann rahega. yah kachua dhatu hota hai.
is kachue ko karyalay ya adhyayan kaksh men apni mej par rakhakar karya karne se saflta milti hai. parad, kachua, shriyantra: parad, kachua aur shriyantra ka apna vishesh mahatva hai. parad dhatu men kachue ki akriti par bana shriyantra bahut shubh mana jata hai.
kurm prishthiya shri yantra ki puja archana se daridrata ka nash hota hai aur sthir lakshmi ki prapti hoti hai. vyavsay men vriddhi hoti hai. buri najar dosh adi se bhi raksha hoti hai. ghar ke purva-dakshin (agney kon) men sthapit karne se vastu dosh ki shanti hoti hai aur ghar ka vatavaran sukhamay rahta hai.
ise ghar ke purva-uttar men ishan kon men sthapit karke nitya darshan evan pujan karne se lakshmi ki kripa prapt hoti hai. ise ghar, karyalay, faiktari adi men sthapit karne se sukh, samriddhi men vriddhi hoti hai.
if you are facing any type of problems in your life you can consult with astrologer in delhi