janmakundli ka pancham bhav buddhi, gyan, kalpana, atindriya gyan, rachnatmak karya, yaddasht evan purvajanm ke sanchit karmon ko darshata hai. yah shiksha ke sankay ka star tay karta hai. janmakundli ka chaturth bhav man ka hota hai. yah is bat ka nirdharan karta hai ki apki mansik yogyata kis prakar ki shiksha men hogi. jab bhi chaturth bhav ka svami chathe, athven ya barhven bhav men ho athva nich rashi men baitha ho aur karak grah (chandrama) pirit ho to shiksha men man nahin lagta hai.
karya kshetra aur shiksha ka chayan shiksha upyogi rahegi athva nahin janmakanudli ka dvitiya bhav vani, dhan sanchay aur vyakti ki mansik sthiti ko vyakt karta hai ki jo shiksha apne grahan ki hai, vah apke lie upyogi hai athva nahin. yadi is bhav par pap grahon ka prabhav ho, to vyakti shiksha ka upyog nahin kar pata hai. jatak ko 20 se 40 varsh ki avastha ke madhya ki grah dasha ke sukshm adhyayan dvara yah samjhna chahie ki dasha aur disha kis prakar ke karyakshetra ka sanket de rahi hai.
mukhya rup se adhikatar vidyarthi ganit, vigyan, kala athva vanijya vishay se hi shiksha grahan karte hain. yadi janmapatrika men pahle inse sanbandhit yogon ko dekh liya jae to inmen se kisi ek vishay ke chayan men asani rahti hai. in vishyon ke chayan se sanbandhit pramukh sthitiyan nimnalikhit hain:
1. ganit: ganit ke karak grah budh ka sanbandh yadi jatak ke lagn, lagnesh athva lagn nakshatra se hota hai to vah ganit vishay men safal hota hai. yadi lagn, lagnesh athva budh bali aur shubh drisht hon to uske ganit vishay men parangat hone ki sanbhavna barh jati hai. shani tatha mangal kisi bhi prakar se sanbandh banae to jatak mashinri karya men daksh hota hai. iske atirikt mangal aur rahu ki yuti, dashamasth budh aur surya par bali mangal ki drishti, bali shani rahu ka sanbandh, chandrama tatha budh ka sanbandh, dashamasth rahu aur shashthasth yurenas adi yog takniki shiksha ke karak hote hain.
2. jiv vigyan: surya ka jal tatva ki rashi men sthit hona, shashth aur dasham bhav bhavesh ke bich sanbandh, surya aur mangal ka sanbandh adi jiv vigyan ya chikitsa kshetra men parhai ke karak hote hain. lagna-lagnesh aur dashm-dashmesh ka sanbandh ashvini, magha athva mul nakshatra se ho to chikitsa kshetra men saflta milti hai.
3. kala: panchm-panchmesh aur is bhav ke karak guru ka pirit hona kala ke kshetra men parhai men badhak hota hai. in par shubh grahon ki drishti parhai puri karvane men saksham hoti hai. papi grahon ki drishti-yuti sanbandh kala ke kshetra men parhai men avrodh utpann karti hai. lagn aur dasham ka shani aur rahu se sanbandh rajnitik kshetra men saflta pradan karta hai. dasham bhav ka sanbandh rajnitik kshetra men saflta pradan karta hai. dasham bhav ka sanbandh surya, mangal, guru athva shukra se ho, to jatak nyayadhish banta hai.
4. vanijya: lagna-lagnesh ka sanbandh budh ke sath-sath guru se bhi ho to jatak vanijya vishay ki parhai safltapurvak karta hai. vaigyanik aur audyogik pragti ke karan vyavsayon tatha shaikshanik vishyon ki sankhya men uttarottar vriddhi hoti ja rahi hai. atah jyotishiya siddhanton ke adhar par grahon ke parasparik sanbandhon ko dhyan men rakhte hue vichar kiya ja sakta hai.
5. injiniyaring ke yog
1. janm navansh athva chandra lagn se mangal chaturth sthan men ho athva chaturthesh mangal ki rashi men sthit ho.
2. mangal ki chaturth bhav athva chaturthesh par drishti ho athva chaturthesh ke sath yuti ho.
3. mangal aur budh ka parasparik parivartan yog ho arthat mangal budh ki rashi men ho aur budh mangal ki rashi men sthit ho.
6. nyayadhish banne ke yog:
1. yadi janmakundli ke kisi bhav men budh, guru athva rahu budh ki yuti ho.
2. yadi guru, shukra tatha dhanesh tinon apne mulatrikon athva uchch rashi men kendrasth athva trikonasth ho tatha surya, mangal dvara drisht ho to jatak nyay shastra ka gyata hota hai.
3. yadi guru aur panchmesh uchch athva svarashi ke hon aur shani tatha budh se drisht hon.
4. yadi lagn, dvitiya, tritiya, navam, ekadash athva kendra men vrishchik athva makar rashi ka shani ho athva navam bhav men guru chandrama ki paraspar drishti ho.
5. yadi shani se saptam bhav men guru ho.
6. yadi surya atmakarak grah ke sath ya uski rashi athva navmansh men sthit ho.
7. yadi saptamesh navam bhav men ho tatha navmesh saptam bhav men sthit ho.
8. yadi tritiyesh, shashthesh, guru tatha dasham bhav balvan ho.
9. chikitsa ke yog jaimini sutra ke anusar chikitsa se sanbandhit grahon men chandra aur shukra ka vishesh mahatva hai. yadi karkansh men chandrama ho aur us par shukra ki drishti ho to jatak rasayan shastra ko janne aur samjhne vala hota hai. yadi karkansh men chandrama ho aur us par budh ki drishti ho to vah vaidya hota hai.
1. jatak parijat ke anusar yadi lagn athva chandrama se dasham sthan ka svami surya ke navansh men sthit ho to jatak aushdhi athva dava se dhan kamata hai. yadi chandrama se dasham bhav men shukra, shani ho to jatak vaidya hota hai.
brihadjatak ke anusar lagn, chandrama aur surya se dasham sthan ka svami jis navansh men ho, uska svami surya ho, to jatak ko aushdhi ke vyavsay men dhan ki prapti hoti hai.
2. faldipika ke anusar surya aushdhi athva aushdhi sanbandhi karyon se ajivika ka suchak hai. yadi dasham bhav men surya ho to jatak lakshmivan, buddhiman aur yashasvi hota hai. jyotish ke adhunik granthon men adhikansh ne chikitsa ko surya ke adhikar kshetra men mana hai aur anya grahon ke yog se chikitsa, shiksha athva vyavsay ke grah yog is prakar batae gae hai:
surya$guru = fijishiyan surya $ budh = paramarsh dene vala fijishiyan surya $ mangal = fijishiyan surya $ shukra $ guru = maitrniti surya $ shukra $ mangal $ shani = veneral surya $ shani = haddi tatha dant sanbandhi surya $ shukra $ budh = kan, nak tatha gala surya $ shukra $ rahu $ yurenas = eksa-re surya $ yurenas = shodh chikitsak surya $ chandrama $ budh = udar chikitsa pachan tantra surya $ chandrama $ guru = harniya apendisait, gaistroentrolaeji surya $ shani (chaturth kark) fefre, ti. biasthama ah surya $shani (pancham kark) = fijishiyan shikshak banne ke kuch yog
1. yadi chandra lagn aur janm lagn se panchmesh budh, guru ya shukra ke sath lagn, chaturth, pancham, saptam, navam athva dasham bhav men sthit ho.
2. yadi chaturthesh chaturth bhav men ho athva chaturth bhav par shubh grahon ki drishti ho athva chaturth bhav men shubh grah sthit ho.
3. yadi panchmesh svagrihi, mitragrihi, uchch rashisth athva bali hokar chaturth, pancham, saptama/ navam athva dasham bhav men sthit ho aur dashmesh ka ekadshesh se sanbandh ho.
4. yadi panchmesh budh-shukra se yut athva drisht ho athva panchmesh jis bhav men ho- us bhav ke svami par shubh grah ki drishti ho athva uske donon or shubh grah baithe hon.
5. yadi pancham bhav men surya-mangal ki yuti ho athva rahu, shukra tatha shani men se koi ek grah pancham bhav men baitha ho aur us par pap grah ki drishti bhi ho, to jatak angreji bhasha ka vidvan athva adhyapak hota hai.
6. yadi budh pancham bhav men apni svarashi athva uchch rashi men sthit ho.
7. yadi dvitiya bhav men guru athva uchchasth surya, budh athva shani ho to jatak vidvan aur suvakta hota hai.
8. yadi guru chandrama, budh athva shukra ke sath shubh sthan men sthit hokar pancham tatha dasham bhav se sanbandh banata hai.
9. surya, chandrama aur lagn mithun, kanya athva dhanu rashi men ho aur pancham evan navam bhav shubh tatha bali grahon se yukt ho.
9. uttam shaikshanik yogyata ke yog
1. guru kendra ya trikon bhav men sthit ho.
2. pancham bhav men budh ki sthiti athva drishti ho ya guru aur shukra ki yuti ho.
3. panchmesh ki pancham bhav men guru athva shukra ke sath yuti ho.
4. guru shukra aur budh men se koi ek kendra athva trikon bhav men ho.
10. shiksha ke abhav ya nyun shaikshanik yogyata ke yog
1. pancham bhav men shani ki sthiti aur uski lagnesh par drishti ho.
2. pancham bhav par ashubh grahane ki drishti athva ashubh grahon ki yuti ho.
3. panchmesh nich rashi men sthit ho aur ashubh grahon se drisht ho. jyotish granthon men sarasvati yog, sharda yog, kalanidhi yog, chamar yog, bhaskar yog, matsya yog adi vishisht yogon ka ullekh hai.
agar jatak ki kundli men inmen se koi bhi yog hota hai to vah vyakti vidvan, anek shastron ka gyata, yashasvi aur dhani hota hai.