vaigyanik drishti se vastu urja  

vaigyanik drishti se vastu urja gita mainnam hamne pichle ank men apko vastu men panchatatva, rekhagnit, ankagan iat v rangon ka kya mahatva hai iske bare men bataya tha aur ab vastu men aur kin-kin baton ko dhyan rakhna chahie tatha ham kya kar sakte hain ki jankari denge- hamne apko aprail mah ke ank men jiyopaithik strais ke bare men jankari di thi. manav sharir ke sath-sath yah ghar v sthan ke lie bhi bahut hanikarak nakaratmak urja hai. is urja ka kendra bindu ghar ke jis kshetra men adhik prabhavshali hota hai us sthan se sanbandhit pareshaniyan us ghar ke sadasyon men bani rahti hain. kanedra bindu ka arth hai jahan purva se pashchim v uÿar se dakshin jane vali lainen ek-dusre ko katti hain. pichle ank men bataya gaya tha ki jiyopaithik strais kshetra men rahne vale manushyon men lailaj bimariyan payi jati hain tatha sharirik v mansik svasthya prabhavit hota hai. yadi jiyopaithik strais ka kendra-bindu apke ghar ke ishan kon (uÿar-purva) men hai to us ghar ke sadasyon ka svasthya thik nahin rahta hai, arthavyavastha thik nahin rahti hai tatha parivrik klesh hota hai. yadi is urja ka kendra-bindu naitya kon (dakshin-pashchim) men hai to us ghar ke malik v uski patni ka svasthya thik nahin rahta hai tatha unka ek-dusre ke sath sanbandh thik nahin rahta hai, lagatar larai- jhagre hote rahte hain. yadi is urja ka kendra-bindu vayavya kon (uÿar-pashchim) men hota hai to us ghar ke bachchon ke sath samasyaen utpann hoti hain, jaise bachchon ka svasthya thik n rahna, parhai thik se n karna, larka aur larki ko naukri milne men pareshani v unkin shadiyon men arachan adi samasyaon ka samna karna parta hai. yadi is urja ka kendra bindu agney kon (dakshin-purva) men hota hai to ghar men striyon ke svasthya par prabhav parta hai aur us ghar ki viÿaiya vyavastha bhi dagmga jati hai tatha dhire-dhire jamapunji bhi khatm hone lagti hai. yadi is urja ka kendra-bindu ghar ke brahmasthan arthat bich men hota hai to us ghar men har prakar ki pareshani arthat svasthya, arthavyavastha parivar sanbandhi samasyaon ka samna karna parta hai. yunivarsal tharmo-skainar ki sahayta se sharir ke sath-sath ghar ki urja ka bhi pata lagaya ja sakta hai ki ghar men kitni sakaratmak v nakaratmak urja ka pravah ho raha hai. skainar ki sahayta se jiyopaithik strens ki lainen tatha uske kendra-bindu ka bhi pata lagaya jata hai tatha us kendra-bindu ka kshetra kitna bara hai yah bhi batate hain. iske sath ketu (nigetiv altra vaylet) aur rahu (nigetiv infra raid) adi nakaratmak tarangon ka bhi pata laga sakte hain. yunivarsal tharmo-skainar ki sahayta se aisi nakaratmak urja ke bare men bhi bataya jata hai jo apki sharirik v mansik urja ko khatm kar rahi hai. arthashastra vastu ka arth men keval panchatatva par adharit ya akariya vastu bataya hai tatha ajakal vastu karne vale keval ghar men kichan kahan hai, shauchalay kahan hona chahie, iske dvara vastu vivechan karte hain jo ki 20 pratishat logon ko hani panhuchati hain. nakaratmak urjaen 80 pratishat tak hani pahunchati hain islie jab bhi ap apne ghar ka vastu dikhayen to in sabhi baton ko dhyan men rakhte hue vastu karvayen tatha vastu men yantra adi ka prayog kaise karna chahie, iski jankari hona bhi bahut avashyak hai. fengshui: ajakal vastu men fengshui ka mahatva bahut barh gaya hai. fengshui men ham kisi nishchit jagah par urja se sanbandhit vastu rakhakar vahan ki urja ko barhate hain. pratyek vastu ka apna ek urja kshetra hota hai aur jis tarah ki urja us vastu se niklti hai vah usi tarah ki urja ko apni tarah akarshit karti hai. islie fengshui men pati-patni ke sanbandh ko achcha banane ke lie lav bard ko rileshnship karnar men rakha jata hai. yah lav bard usi tarah ki urja ek-dusre par bikherti hai islie pati-patni ke vicharon ki urja bhi usi tarah ki ho jati hai jisse unke apsi rishte men sudhar hone lagta hai. islie fengshui men bel adi ko ghar mane lagane ke lie mana kiya gaya hai kyonki ise apne apko barhane ke lie kisi sahare ki avashyakta hoti hai jisse is ghar men rahne vale manushyon men bhi isi prakar urja ka parivartan hone lagta hai aur ve apne apko kamjor samajhakar kar, age barhne ke lie kisi ka sahara dhurhne lagte hain. hamen gharon men sidhe khare rahne vale paudhon ka hi prayog karna chahie jaise baimvu jisse manushya uski urja se prabhavit hokar apne samathrya ke anusar jivan ki kamyabi ko hasil kar saken, bonjai bhi hamen apne gharon ke andar nahin rakhne chahie kyonki inki barhne ki kshamata ko ghata diya jata hai islie yah isi prakar ki urja ko nikalte hain aur manushya ki urja bhi isse prabhavit hoti hai. isi prakar ajakal ham apne gharon men talvar v chaku adi sho-pis ki tarah rakhte hain. ye vastuen bhi nakaratmak urja ekatrit karti hain tatha is urja ke prabhav se ghar men laraiyan adi hone ki sanbhavna rahti hai, ajakal rediyeshan jyada hone karan dhatu (metl) aur chamra (ledr) abhushan ki vastuen jo ham pahnte hain ya sho-pis ki tarah ghar men rakhi rahti hain, nakaratmak urja ko grahan karne lagti hain tatha jab yah 100 pratishat nakaratmak ho jati hain to vah hamare sharir v hamare ghar ki sakaratmak urja ko grahan karne lagti hain, usse savdhan rahna bahut hi avashyak hai. islie apko apne ghar ki urja ka parikshan 6-6 mahine men karva lena bahut hi avashyak hai kyonki jis urja ki apko jarurat nahin hai us urja ki adhikta bhi samasya utpann karti hai. vishesh taur par fengeshui ki vastuon ka prayog karte samay apko yah savdhani rakhni chahie. udaharan ke lie yadi apas men pati-patni ka sanbandh thik chal raha hai aur rileshnship urja ko apne aur barha liya hai to bhi apko samasya ka samna karna par sakta hai kyonki ap apni samathrya ke anusar hi khana kha sakte hain aur yadi apne jyada khana kha liya hai to apko samasya ka samna karna parta hai. islie urjaon ka santulan sahi matra men banta hona chahie. hamen apne gharon men ainon ka prayog bhi bahut savdhani ke sath karna chahie anyatha bahut sari samasyaon ka samna karna parta hai. piramid: ajakal vastu karte samay piramid ka bhi bahut adhik prayog kiya jata hai. piramid ka apna ek mahatva hota hai. hamare sabhi mandir, masjid, gurudvare v girijaghron ki chaten ek piramid ke rup men bani hoti hain tatha inki piramid ki unchai jitni adhik hoti hai utni hi sakaratmak urja inke andar hoti hai tatha piramid ke sabse unche sthan par dhatu (metl) ka prayog karte hain jaise mandir men trishul ya kalash, masjid men chand tatha girijaghron men kraes ka prayog karte hain jiska mukhya karan hota hai ki vah mandir, masjid ke andar jitni nakaratmak urja ho, use unke upar brahmand men bhej den kyonki dhatu se ek achcha urja sanchalan hota hai. mandir, masjid adi men har koi apni pira lekar ata hai aur nakaratmak urja ko mandir men chorakar jata hai. us nakaratmak urja ko piramid brahmand men bhej deta hai. piramid ke andar jitni sakaratmak urja hoti hai piramid ke upar utni hi nakaratmak urja rahti hai islie prachin samay men mandir, masjid se niche ke star par ghar banaye jate the. misra ke piramid ki unchai bhi bahut jyada hai tatha iske sabse upri hisse par dhatu ka prayog kiya gaya hai, isilie mandir, masjid ke andar itni sakaratmak urja ka abhas hota hai tatha mansik shanti ka anubhav hota hai. vastu men piramid ka prayog karne par hamen turant hi achcha parinam mil jata hai parantu piramid ke upar nakaratmak urja ikatthi hone par lagabhag ek ya do mahine men hi apko urjaon ke asantulan ka abhas hone lagega. piramid ka prayog ghar ke andar nahin karna chahie. ajakal har jagah piramid lagane ko kaha hai plastik ke piramid, rang birange piramid tatha piramid ke andar piramid ka bhi prayog kiya jata hai jo hamen fayda pahunchane ke bajay nuksan pahuncha sakte hain islie apko yah jankari honi chahie ki piramid ko kahan aur kis tarah lagana chahie. vastu ke antargat yantron ka bhi apna mahatva hai. yantra rekhagnit se sanbandhit hote hain kyonki yantra banate samay adhikatar trikon ya golakar chihnon ka prayog karte hain jo ki agni aur pani ki kanpn-shakti hai. vibhinn prakar ke golakar aur trikon ka sanyojan banakar ye yantra taiyar kiye jate hain jo ki vibhinn prakar ki kanpan shakti ya urja utpann karte hain. jaise ki ganpti yantra vighn badhaon ko dur karne ke lie lagaya jata hai kyonki is yantra ki kanpan shakti is prakar ki hoti hai ki vah vighnata utpann karne vali urja ya kanpan shakti ko samapt karti hai. isi prakar ghar men lakshmi-yantra ka prayog ham isi prakar ki urja ko barhane ke lie karte hain. jis prakar hamne fengshui men bataya hai ki apko jis prakar ki kanpan shakti ko ghar men utpann karna hai, usi prakar ki kanpn-shakti utpann karne vali vastuon ka prayog karna chahie jisse us prakar ki kanpan shakti apke sharir aur apke ghar ke andar adhik pravah karegi. ham apne gharon men kai prakar ke yantra rakh dete hain jaise kisi guru ji ne diya hai ya apko kahin se mila hai. ham usko le jakar apne puja sthal par rakh dete hain. jo kanpan shakti us yantra ya puja ki anya chijon se utpann ho rahi hai vah ek-dusre ki urja ke sath samahit kar kabhi-kabhi nakaratmak bhi ho jati hai tatha kabhi-kabhi avashyakta se adhik sakaratmak urja ka pravah hone lagta hai jo donon hi sthiti men hanikarak hai. pahle samay men yantra tanbe se banate the tatha unki sahi tarike se dekhbhal v safai rakhi jati thi. tanbe ki dhatu jab hari-hari hone lagti hai to usmen bane yantra rupi akar ki urja khandit ho jati hai aur vah urja ya kanpn-shakti ka sanchar nahin kar pati hai. isi prakar dhatu se ek achcha sanchalan hone ke karan vah nakaratmak urja hi apne andar ikattha kar leta hai tatha 100 pratishat nakaratmak hone par vah sakaratmak urja ka shoshan karne lagta hai, islie jahan tak sanbhav ho sake, hamen dhatu se bane yantron ka prayog nahin karna chahie tatha hamen yah bhi gyat hona chahie ki kaunsa yantra kis disha aur kis sthan par lagane par adhik se adhik labhkari siddh ho sakta hai. parha likha hone ke karan hamen pata hona chahie aur achchi tarah samjhna chahie ki aisi nakaratmak urjaen kahan se a rahi hain aur inka kya karan ho sakta hai yunivarsal tharmo skainar urja ko pahchanta hai islie iske dvara ham yah pata laga sakte hain ki hamen fengshui ki vastu kahan rakhni hai tatha piramid aur yantra kahan par lagane hain. kramash...