grahon ki charcha ate hi adhikansh logon ka dhyan ‘‘shani’’ ki or hi akarshit hota hai tatha ek bhay ki drishti se ise dekhte hain. jabki satyata isse kahin alag hai kyonki shanidev ko bhagvan shiv ke dvara dandadhikari ka pad mila hua hai ab yadi dandadhikari sabke samne apna komal hriday prastut karenge to apradhiyon ko dand dene men aur manushya dvara kiye gaye galat karm ka dand dene men vyavdhan utpann hoga aur srishti sanchalan badhit ho jayega to shani ka krur ya krodhi svabhav keval galat karmon ko nasht karne ke lie hai
shani ki sarhesati aur dhaiya men manushya ke galat karm ya bhul adi ka fal prapt hota hai yadi sarhesati jivan men n aye to hamare galat karm ke parinam ekatrit hote rahenge jinhen age hamen bhogna parega islie shani ki sarhesati sath ke sath hi parinam dekar galat karmon ko bhasm karti hai aur manushya ko sangharsh ki agni men tapakar paripakvata ki svarg si chamak bhar deti hai. jyotishiya drishti kon: hamare jivan se jure bahut se aham ghatak shani ke antargat ate hain.
yadi hamari kundli men shani pirit ya nirbal sthiti men ho to unse sanbandhit vibhinn samasyaen hoti hain. ajivika: yadi kundli men shani nich rashi men hai trik bhav men hai mangal ya ketu ke prabhav se pirit hai ya purnatah ast ho to aisi sthiti men vyakti sangharsh karne par bhi ajivika kshetra men unnati kar pata. bar-bar kshetra badlne parte hain tatha ajivika men utar-charhav sadaiv ate rahte hain. vyaparik kshetra men: yadi shani kundli men pirit hai to aise vyakti ko lohe, mashinon, purjon, paitrol, koyla, gari, kaimikal adi ke vyapar men unnati nahin hoti atah shani nirbal hone par in vyaparon ko nahin karna chahie.
svasthya ki drishti men: yadi shani nich rashi (mesh) men hai ya chathe, athven barhven bhav men hai ya shashtesh aur ashtamesh se prabhavit hai to aise men vyakti ka pet, pachan tantra sadaiv bigra rahta hai tatha joron ke dard jaise kamar, ghutne kohni adi ki samasya bhi rahti hai iske atirikt balon ki samasya tatha vat rogon se bhi vyakti pareshan rahta hai. janta ke samarthan men: rajniti ke sanbandh men bhi shani ki bhumika hoti hai kyonki shani janta ka naisargik karak hai
atah shani kundli men pirit ho to vyakti ko janta ka samarthan pane ke lie kafi sangharsh karna parta hai. atah kundli men shani balhin ya pirit ho to jivan men bahut si avashyak chijon ka abhav ho jata hai atah jyotish aur srishti sachanlan men shani ki ek aham bhumika hai uprokt sthitiyon men shani ke mantra, pujan, vrat, seva adi karke sthiti ko sudhara ja sakta hai.