arakshan ka mamla in dinon atyadhik garm hai. koi iska samarthan kar raha hai to koi virodh. jyotish men iska karan bilkul saf hai. yah bat jyotish ke sabhi vidyarthi jante hain ki surya rajshahi ka pratik hai aur shani prajatantra tatha nichle tabke, anusuchit jatiyon, janjatiyon ka pratinidhitva karta hai. shani ki rashiyan makar evan kunbh tatha surya ki rashi sinh hai.
jab-jab shani ka prabhav in rashiyon par parta hai tab tab shani ki sthiti majbut hoti hai. itihas men dekhen to sabse pahle 1918 men madras presidensi men chuninda jatiyon ke lie arakshan lagu hua. tab shani sinh rashi par tha aur kunbh rashi ko purn drishti se dekh raha tha. iske bad 1935 men puna samjhaute ke bad vidhayika men siton ka arakshan diya gaya. us samay shani kunbh rashi men tha tatha sinh rashi ko purn drishti se dekh raha tha.
fir 1979-80 men mandal ayog ne anya pichri jatiyon ke arakshan par tatkalin grih mantri buta sinh ko riport di. us samay bhi shani sinh rashi par vidyaman tha tatha kunbh rashi ko purn drishti se dekh raha tha. 1990 men bharat men vi.pi. sinh ne jab riport manjur ki us samay bhi shani apni makar rashi men tha. iske bad 1993 men jab kendra ki naukriyon men arakshan lagu kiya gaya tab bhi shani kunbh rashi men vidyaman tha tatha sinh rashi ko purn drishti se dekh raha tha.
ab 2006 men arjun sinh kendriya vishva vidyalay, ai. ai em., ai. aiti. adi men mandl-2 lagu kar rahe hain tatha isi varsh 1 navanbar se shani sinh rashi men a raha hai jahan se vah kunbh raish par drishti dalega. shani ka bhraman kal har 30 varshon ke bad ata hai. yah vishesh bat jyotish ke vidyarthi hi achchi tarah samajh sakte hain ki jab bhi shani majbut hota hai to upekshit log majbut hote hanai.
yah shani 1 navanbar se 2008 tak yaha sinh rashi men rahega, islie koi bhi takat arakshan ko rok nahin sakti hai, vah lagu hoga hi. kyonki yadi 15 agast 1947 ka, jis din bharat ajad hua tha, ank dekhen to 1$5$8$1$9$4$7 = 35 arthat 5$3 = 8 ath ka ank ata hai jo shani ka ank hai. atah yahan par shani ki hi pradhanta hai. isi karan garibi hai, netaon ki beimani hai, bina gyan vala vyakti bhi bahut uncha chala jata hai, jatiya sangharsh hai, jansankhya adhik hai.
yah sabhi shani ke desh ke gun dharm hain. aur to aur jab surya shani ki makar rashi men ata hai to apna tej kho baithta hai. yadi bharat ko ek din pahle ya ek din bad ajad kiya jata to bharat ki tasvir hi dusri hoti. vishesh: surya evan shani pita putra hain, kintu donon men param shatruta hai. jahan surya devtaon ka pratinidhitva karta hai vahin shani rakshasi pravritti ka hai.
surya roshni hai shani andhera hai. jab jab surya balvan hota hai, brahman, kshatriya, vaishya ityadi ka bolbala rahta hai. jab shani balvan hota hai tab shudron ka bolbala hota hai.
not: yadi rajshahi ka ant bhi dekhen to un varshon men jinmen rajshahi ka ant hua hai, shani ki prablta thi aur sinh rashi shani se pirit thi. 1947 se 1950 ke bich jab bharat men rajshahi ka ant hua, us samay shani kark rashi men tha tatha makar rashi par uski purn drishti thi.
ab nepal men bhi aisa hi hai shani kark par hai aur makar par, jo shani ki apni rashi hai, purn drishti hai. uski 1919 men rus men bhi yah sthiti thi. purva briten men bhi yahi sthiti thi.