shani khagoliya aur pauranik, jyotishiya drishtikon  

shani khagoliya aur pauranik, jyotishiya drishtikon acharya avinash sinh surya ki parikrama karne vale grahon men shani ki kaksha shashth hai. surya se shani ki ausat duri 8860 lakh mil hai tatha iska vyas 14000 mil hai. iska ghanatva pani se kam hai. yah akar men bahut bara hai. iska dravyaman brihaspati ko chorakar anya grahon se adhik hai. iski parikrama kaksha lagabhag vriÿaakar hai aur yah krantivriÿa se lagabhag 2)0 ka kon banta hai. iske charane or golakar vritt (valy) hain jo grah ko nahin chute. jab shani uÿari golarddh men hota hai tab valay ka dakshini bhag aur jab dakshini golarddh men hota hai tab uÿari bhag dikhai deta hai. valay ko dekh pana itna asan nahin, sirf krishn paksh ko amavasya ya andheri raton men hi ise dekh pana sanbhav hota hai. vaigyanikon ka manna hai ki shani ke 20 upagrah hain, jabki pahle ke khagolshastriyon ke anusar iske keval 9 upagrah hain. upagrahon ki sahi sankhya ka pata lagana itna asan nahin, kyonki prithvi se shani ke ek taraf ke hi upagrah dekhe ja sakte hain. jo shani ke piche chipe hain, unhen ek hi bari men nahin jana ja sakta. shani ke nakshatra ki parikrama avdhi 29. 5 varsh hai. iska sanyutikal 378 din hai. shani ka vatavaran vayu rup hai, praniyon ke rahne ke anukul nahin hai. shani par nana prakar ke rang chamkte hain. iske vritt ki or nili, madhya men pili aur shesh bhag men safed ret ke kanon ka patta tatha bich-bich men chamatkari bindu dikhai parte hain. shani ka pura vatavaran dhul ke kanon aur gais ke badlon se bhara hai. shani ast hone ke sava mas bad udit, uske sarhe tin mas bad vakri, uske sarhe char mas bad margi aur uske sarhe tin mas bad fir ast hota hai. shani ek sekend men chah mil chalta hai, par uski kaksha bahut bari hai. uska vyas ek karor sath lakh mil se adhik hai, isilie ek parikrama men use sarhe untis varsh lag jate hain. pauranik drishtikon: matsya puran ke anusar shani ki sharir ki kanti indranil mani ke saman hai. inke sir par svarn mukut, gale men mala tatha sharir par nile rang ke vastra sushobhit hain. ye giddh par savar rahte hain. hathon men kramshah dhanush, ban, trishul aur var mudra dharan karte hain. shani ke pita surya aur mata chaya hain. ye krur grah mane jate hain. inki drishti men jo krurta hai vah inki patni ke shap ke karan hai. brahm puran men inki katha is prakar hai. bachapan se shani bhagvan shri krishn ke anurag men rat raha karte the. bare hone par unka vivah chitrarath ki kanya se kar diya gaya. unki patni sati-sadhvi aur param tejasvini thi. ek rat vah ritu-snan karke putra-prapti ki ichcha se unke pas pahunchi, par shani shri krishn ke dhyan men nimagn the. inhen bahya sansar ki sudhi hi nahin thi. patni pratiksha karke thak gai. uska ritu-kal nishfal ho gaya. islie kruddh hokar usne shani dev ko shap de diya ki aj se jise tum dekh loge, vah nasht ho jaega. dhyan tutne par shani dev ne patni ko manaya. patni ko apni bhul par pashchatap hua. kintu shap ke pratikar ki shakti usmen n thi. tabhi se shani devta apna sir nicha karke rahne lage taki inke dvara kisi ka anisht n ho. ek pauranik katha ke anusar ek bar raja dasharath ke jyotishiyon ne unse kaha ki shani grah rohini shakti ke pas pahunch gaya hai. yadi usne shakat ka bhedan kar diya to barah varshon ka akal parega. vashishth ne kaha ki yah prajapti ka nakshatra hai, uska bhed hone se praja jivit nahin rahegi. yah sunakar dasharath maharaj rath par baithakar rohini punj ke pas pahunch gae, jo prithvi se arbon yojan dur hai. sone ke rath par baithe dasharath ne jab dhanush par sanharak astra charhaya, tab bhaybhit shani unke purusharth ki bhuri-bhuri prashansa karne ke bad bola ki ap var mangane. raja ne kaha ki jab tak surya, chandra aur sagar vidyaman hain, ap rohini shakat ka bhedan n karen. shani ne bat man li aur unhen var dekar santusht kiya. jyotishiya drishtikon: shani ek papi grah hai. yah shudra aur napunsak hai. yah svabhav se alsi, chuglkhor, nirdayi, malin veshdhari, cheshtahin, apvitra, bhayanak aur krodhi hai. iske vastra kale hain. shani se prabhavit jatak sharirik taur par lanbe, patle tatha nason se yukt hote hain. unki ankhen bhuri aur gahri tatha snayuen pusht hoti hain. unka rang kala hota hai. jatak ki kundli men ayu, mrityu bhay, apvitrata, duahkh, apman, rog, daridrata badnami, nindit karya, karj, dasta, krishi ke upkrnon, jel yatra v bandhan ka vichar shani se kiya jata hai. kundli men shani ke bali hone par chijen pratikul tatha nirbal hone par anukul hoti hain. shani kundli men bhav 3,6,7,10 ya 11 men sthit ho to shubh fal deta hai. tula rashi men shani 200 par uchch ka aur mesh men 200 par nich ka hota hai. budh, shukra aur rahu iske mitra hain. kunbh rashi ke 00 se 200 ke bich yah mul trikon men kahlata hai. vrish aur tula lagn ki kundli men yah yogkarak mana jata hai jo shubh hai. yogkarak hokar shani jis bhav men sthit hota hai aur jis bhav ko dekhta hai uska shubh fal pradan karta hai. yadi kundli men shani shubhasth ho to jatak ko uchch padon aur unchaiyon par le jata hai. vah nyayadhish tak ho sakta hai. vyavsayi hone ki sthiti men vah bari-bari milon ka malik bhi ho sakta hai. shubh shani se prabhavit jatak dirghayu, pratishthit, dhanvan aur vishal jamin-jaydad ke malik hote hain. samajik aur kalyankari karyon men unki gahri ruchi hoti hai. kundli men ashtam aur dvadash bhavon ka sthir karak grah shani hai. in bhavane men sthit hone par yah shubh aur ashubh donon fal deta hai. iske ashubh hone se jatak ko kai prakar ke sankton ka samna karna parta hai. shani ki sarhe sati men jatak ko vishesh kasht hota hai. dhan-sanpÿia ki hani, vibhinn prakar ke rog adi ke karan grihasth jivan kashtamay hota hai. yahan tak ki jatak ko mrityu tulya kashton ka bhi samna karna par sakta hai. janm rashi se pratham, dvitiya, chaturth, ashtam aur dvadash bhavon men shani ke gochar ke samay ko sarhe sati aur shani ki dhaiya mana jata hai. shani ke ashubh prabhavon ke shaman ke lie mrityunjay ka jap karna aur nilam dharan karna chahie. brahmanon ko til, urad, lohe, tel, kale vastra, nilam, kali gau, bhains, jute, kasturi aur svarn ka dan karna chahie. in upayon ke atirikt shani ke bij mantra un pran prin praun sah shanaishcharay namah ya samanya mantra un shan shanaishcharay namah ka jap karna chahie.