shraddh paksha-pitar rin mukti marg  

shraddh paksha- pitar rin mukti marg rekha kalpadev kurvit samye shraddhan kule kashchinn sidti. ayuah putran yashah svargan kirtin pushtin balan shriyam.. pashun saukhyan dhanan dhanyan prapnuyat pitripujnat. devkaryadpi sada pitrikaryan vishishyate.. devtabhyah pitrinan hi purvamapyaynan shubham.. -garur puran ‘‘samyanusar shraddh karne se kul men koi dukhi nahin rahta. pitron ki puja karke manushya ayu, putra, yash, svarg, kirti, pushti, bal, shri, pashu, sukh aur dhan-dhanya prapt karta hai. devkarya se bhi pitrikarya ka vishesh mahatva hai. devtaon se pahle pitron ko prasann karna adhik kalyankari hai.’’ shraddh shabd shraddha se bana hai jo shraddh ka pratham anivarya tatva hai arthat pitron ke prati shraddha to honi hi chahie. ashvin krishn paksh ki pratipda tithi se amavasya tak ka samay shraddh ya mahalay paksh kahlata hai. is avdhi ke solah din pitron arthat shraddh karm ke lie vishesh rup se nirdharit kiye gae hain. yahi avdhi pitri paksh ke nam se jani jati hai. pitri paksh men kiye gae karyon se purvajon ki atma ko shanti prapt hoti hai tatha karta ko pitri rin se mukti milti hai. atma ki amrta ka siddhant to svayan bhagvan shri krishn gita men updeshit karte hain. atma jab tak apne parm$atma se sanyog nahin kar leti, tab tak vibhinn yoniyon men bhatkti rahti hai. aur is dauran use shraddh karm men santushti milti hai. shastron men devtaon se pahle pitro ko prasann karna adhik kalyankari kaha gaya hai. yahi karan hai ki devpujan se purva pitar pujan kiye jane ka vidhan hain. shraddhakarm men kuch vieshesh baton ka is varsh shraddh paksh ki shuruat 29 sitanbar 2012 se ho rahi hai. shraddh tithi vivaran nimn hai. purnima tithi-shraddh 29 sitanbar mahalyarambh pratipda tithi shraddh 30 sitanbar (nana-nani ka shraddha) dvitiya tithi shraddh 1 aktubar tritiya tithi shraddh 2 aktubar chaturthi tithi shraddh 4 aktubar panchmi tithi shraddh 5 aktubar shashthi tithi shraddh 6 aktubar saptami tithi shraddh 7 aktubar ashtami tithi shraddh 8 aktubar navmi tithi shraddh 9 aktubr- saubhagyavti shraddh (mata ke shraddha) dashmi tithi shraddh 10 aktubar ekadshi tithi shraddh 11 aktubar dvadshi tithi shraddh 12 aktubar sanyasiyon ka shraddh trayodshi tithi shraddh 13 aktubar chaturdashi tithi shraddh 14 aktubar - shastra-jal agni-vishadi se mritkon ka shraddh. amavasya 15 aktubar chaturdashi tithi men lok chorne valon ka shraddh (sarvapitri shraddha) dhyan rakha jata hai, jaise:- jin vyaktiyane ki samanya mrityu chaturdashi tithi ko hui ho, unka shraddh keval pitripaksh ki trayodshi athva amavasya ko kiya jata hai. jin vyaktiyon ki akal-mrityu (durghatana, sarpadansh, hatya, atmahatya adi) hui ho, unka shraddh keval chaturdashi tithi ko hi kiya jata hai. suhagin striyon ka shraddh keval navmi ko hi kiya jata hai. navmi tithi mata ke shraddh ke lie bhi uttam hai. sannyasi pitrignon ka shraddh keval dvadshi ko kiya jata hai. purnima ko mrityu prapt vyakti ka shraddh keval bhadrapad shukla purnima athva ashvin krishn amavasya ko kiya jata hai. nana-nani ka shraddh keval ashvin shukla pratipda ko kiya jata hai. pitri dosh ke karn: parivar men kisi ki akal mrityu hone se, apne mata-pita adi sammanniya janon ka apman karne se, marne ke bad mata-pita ka uchit dhang se kriyakarm aur shraddh n karne se, unke nirmit varshik shraddh n karne se pitron ka dosh lagta hai. iske falasvarup parivar men ashanti, vansh vriddhi men rukavat, akasmik bimari, sankat, dhan men barakat n hona, sari sukh suvidhaen hote hue bhi man asantusht rahna adi pitri dosh ka karan ho sakta hai. pitri dosh kundli yog: yadi kisi jatak ki kundli men pitridosh hota hai to use anek prakar ki pareshaniyan, haniyan uthani parti hai. ghar men kalah, ashanti rahti hai. rog-piraen picha nahin chorti hai. ghar men apsi matbhed bane rahte hain. karyon men anek prakar ki badhaen utpann hoti hai. akal mrityu ka bhay bana rahta hai. sankat, anhoniyan, amangal ki ashanka bani rahti hai. santan ki prapti men vilanb hota hai. ghar men dhan ka abhav bhi rahta hai. anek prakar ke mahadukhon ka samna karna parta hai. pitridosh ke lakshan - ghar men ay ki apeksha kharch bahut adhik hota hai. ghar men logon ke vichar nahin mil pate jiske karan ghar me jhagde hote rahte hain. achchi ay hone par bhi ghar men barakat nahin hoti jiske karan dhan ekatrit nahin ho pata. santan ke vivah men kafi pareshaniyan aur vilanb hota hai. shubh tatha manglik karyon men kafi dikkate uthani parti hai. athak parishram ke bad bhi thora-bahut fal milta hai. bane-banae kam ko bigrte der nahin lagti. shraddh prakar: nitya - yah shraddh ke dinon men mritak ke nidhan ki tithi par kiya jata hai. naimittik- kisi vishesh parivarik utsav, jaise-putra janm par mritak ko yad kar kiya jata hai. kamya-yah shraddh kisi vishesh manauti ke lie krittika ya rohini nakshatra men kiya jata hai. shraddh ke adhikari: pita ka shraddh putra ko hi karna chahie. putra ke n hone par patni shraddh kar sakti hai. patni n hone par saga bhai aur uske bhi abhav men sanpindon ko shraddh karna chahie. ek se adhik putra hone par sabse bara putra shraddh karta hai. putri ka pati evan putri ka putra bhi shraddh ke adhikari hain. putra ke n hone par pautra ya prapautra bhi shraddh kar sakte hain. putra, pautra ya prapautra ke n hone par vidhva stri shraddh kar sakti hai. patni ka shraddh vyakti tabhi kar sakta hai, jab koi putra n ho. putra, pautra ya putri ka putra n hone par bhatija bhi shraddh kar sakta hai. god liya putra bhi shraddh ka adhikari hai. shraddh men mahatvapurn baten - apranh ka samay, kusha, shraddhasthali ki svachchata, udarta se bhojan adi ki vyavastha aur brahman ki upasthiti. shraddh ke lie uchit baten - shraddh ke lie uchit dravya hain - til, chaval, jaun, jal, mul (jaryukt sabji) aur fal. tin chijen shuddhikarak hain- putri ka putra, til aur nepali kambal. tin baten prashansniya hain- safai, krodhhinta aur chain (harbri v jaldabaji) ka n hona. shraddh ke lie anuchit baten - kuch ann aur khadya padarth jo shraddh men prayukt nahin hote-masur, rajma, kodon, chana, kapitth, alsi, tisi, san, basi bhojan aur samudrajal se bana namak. bhains, hirni, untni, bher aur ek khurvale pashu ka dudh bhi varjit hai, par bhains ka ghi varjit nahin hai. shraddh men dudh, dahi aur ghi pitron ke lie vishesh tushtikarak mane jate hain. shraddh kisi dusre ke ghar men, dusre ki bhumi men kabhi nahin kiya jata hai. jis bhumi par kisi ka svamitva n ho, sarvajnik ho, aisi bhumi par shraddh kiya ja sakta hai. shraddh vidhi: subah uthakar snan kar dev sthan v pitri sthan ko gay ke gobar se lipakar v gangajal se pavitra karen. ghar angan men rangoli banaen. mahilaen shuddh hokar pitron ke lie bhojan banaen. shraddh ka adhikari shreshth brahman (ya kul ke adhikari jaise damad, bhatija adi) ko nyauta dekar bulaen. brahman se pitron ki puja evan tarpan adi karaen. pitron ke nimitt agni men gay ka dudh, dahi, ghi evan khir arpit karen. gay, kutta, kaua v atithi ke lie bhojan se char gras nikalen. brahman ko adrpurvak bhojan karaen, mukhshuddhi, vastra, dakshina adi se samman karen. brahman svastivachan tatha vaidik path karen aur grihasth evan pitar ke prati shubhkamnaen vyakt karen. pitri paksh men apne pitron ke nimitt jo apni shakti samathrya ke anurup shastra vidhi se shraddhapurvak shraddh karta hai, uske sakal manorath siddh hote hain, aur ghar, parivar vyavsay tatha ajivika men hamesha unnati hoti hai.