ek bhartiya sant devrha baba jinki mrityu 1990 men hui, ek aise yogi jinhen .hamsmee lvahap mana jata tha. devrha baba ko khechri mudra par siddhi thi jis karan ve apni bhukh aur ayu par niyantran prapt kar lete the. bharat ke pahle rashtrapti dae. rajendra prasad ke anusar is bat ke pukhta sabut the ki baba ki ayu bahut adhik thi. ilahabad hai kort ke ek bairistar ke anusar unka parivar 7 pidhiyon se baba ka ashirvad leta raha. vah babul ka ped nahin mera shishya hai, n katega, n chanta jayega. pradhanmantri ka karyakram tal gaya, magar ped ko anch n ane di. n umra ka pata, n itihas ka, lekin hardil ajij raha digambar. pura jivan nadi ke kinare machan par hi kat diya. pradhanmantri rajiv gandhi ko mathura ke math ilake men yamuna ke kinare ek sadhu ke darshan karne ana tha. espiji ke sath jila aur pradesh ka suraksha bal tainat ho gaya. pradhanmantri ke agaman aur yatra ke lie ilake ki marking kar li gayi. ala suraksha afsron ne helipaid banane ke lie vahan lage ek babul ke ped ki dal chantne ke nirdesh diye. bhanak lagte hi sadhu ne ek bade pulis afasar ko bulaya aur puch liya- yah ped kyon chantoge. javab mila-piem ki suraksha ke lie jaruri hai. baba- tum yahan apne piem ko laoge aur prashansa paoge, piem ka bhi nam hoga ki vah sadhu santon ke pas jata hai.
lekin iska dand to is bechare ped ko hi bhugtna hoga. vah mujhse is bare men puchega to main use kya javab dunga. nahin, yah ped nahin chanta jaega. prashasan men hadkanp mach gaya. afsron ne apni majburi batayi ki dilli se aye ala afsron ne yah faisla liya hai, islie ise chanta hi jaega. ab kuch nahin ho sakta. aur fir, pura ped to katna hai nahin, keval uski kuch dal kati jaegi. magar sadhu tas se mas nahin hua. bola - yah ped hoga tumhari nigah men, mera to sabse purana shishya hai. din rat mujhse batiyata hai. yah ped nahin katega. udhar afsron ki ghigghi bandhi hui thi. sadhu ka dil pasij gaya. bole- aur agar yah karyakram tal jae to. tayshuda karyakram ko tal pane men afsron ne bhi asamarthata vyakt kar di. akhirkar sadhu bola- jao chinta mat karo. tumhare pi. em. ka karyakram main kainsil kara deta hun. aur, ashcharya ki do ghante bad hi pi. em. afis se rediyogram a gaya ki pi. em. ka program tal gaya hai. kuch hafton bad rajiv gandhi vahan aye, lekin is bar vah ped nahin chanta gaya. yah the devrha baba. n umra ka pata aur n andaja. n kapda pahnna aur na bhojan karna. unhen n to kisi ne khate dekha aur n hi pani pite. shauchadi ka to saval hi nahin. han, din men char-panch bar ve nadi men sidhe utar jate the aur pratyakshadarshi batate hain ki adha-adha ghanta tak ve pani men rahte the.
is par uthi jigyasaon par unhonne shishyon se kaha main jal se hi utpann hun. unke bhakt unhen daya ka mahasmundra batate hain. aur apni yah sanpatti baba ne mukt hast se lutai. jo bhi aya, baba ki bharpur daya lekar gaya. vitaran men koi vibhed nahin. varshajal ki bhanti baba ka ashirvad sab par barsa aur khub barsa. manyata thi ki baba ka ashirvad har marj ki dava hai. kaha jata hai ki baba dekhte hi samajh jate the ki samne vale ka saval kya hai. divya drishti ke sath tej najar, kadak avaj, dil khol kar hansna, khub batiyana baba ki adat thi. yaddasht itni ki dashkon bad bhi mile vyakti ko pahchan lete aur uske dada-pardada tak ka nam v itihas sab bata dete, kisi tej kanpyutar ki tarah. han, balishth kadkathi bhi thi. lekin deh tyagne ke samay tak ve kamar se adha jhuk kar chalne lage the. khyati itni ki jarj pancham jab bharat aya to apne pure lav lashkar ke sath unke darshan karne devriya jile ke diyara ilake men mail ganv tak unke ashram tak pahunch gaya. darasal, inglaind se ravana hote samay usne apne bhai se pucha tha ki kya vastav men indiya ke sadhu sant mahan hote hain. prins filip ne javab diya- han, kam se kam devrha baba se jarur milna. yah san 1911 ki bat hai. jarj pancham ki yah yatra tab vishvayuddh ke mandra rahe mahaul ke chalte bharat ke logon ko bartaniya hukumat ke paksh men karne ki thi.
usse hui batchit baba ne apne kuch shishyon ko batayi bhi thi, lekin koi bhi us bare men batchit karne ko aj bhi taiyar nahin. daktar rajendra prasad tab rahe honge koi do-tin sal ke, jab apne mata-pita ke sath ve baba ke yahan gaye the. baba dekhte hi bol pade-yah bachcha to raja banega. bad men rashtrapti banne ke bad unhonne baba ko ek patra likhakar kritagyata prakat ki aur san 54 ke prayag kunbh men bakayda baba ka sarvajnik pujan bhi kiya. baba ke bhakton men lalbhadur shastri, javahar lal nehru, indira gandhi, atal bihari vajpeyi jaisi hastiyan bhi thin. purushottam das tandan ko to unhonne rajarshi ki upadhi tak de dali. devrha baba kab, kahan aur kiske yahan janme, koi nahin janta. yah bhi koi nahin janta ki baba ne vastra tyag kar kab diganbar chola apnaya. varishth aipies adhikari shailjakant mishra batate hain ki unki pardadi ke samay tak bhi baba vaise hi the, jaise san 1990 men. han, diyara ilake men rahne ke chalte hi shayad unka nam devrha baba pada hoga. lekin narmada ke amrkantak men anvle ke ped hone ke nate vahan unka nam amlhva baba bhi pad gaya. unka pura jivan machan mane hi bita.
lakdi ke char khanbhon par tiki machan hi unka mahal tha, jahan niche se hi log unke darshan karte the. mail men ve sal men ath mahina bitate the. kuch din banaras ke ramanagar men ganga ke bich, magh men prayag, fagun men mathura ke math ke alava ve kuch samay himalay men ekantvas bhi karte the. khud kabhi kuch nahin khaya, lekin bhaktagan jo kuch bhi lekar pahunche, use bhakton par hi barsa diya. unka batasha-makhana hasil karne ke lie saikdon logon ki bhid har jagah jutti thi aur fir achanak 11 jun 1990 ko unhonne darshan dena band kar diya. laga jaise kuch anhoni hone vali hai. mausam tak ka mijaj badal gaya. yamuna ki lahren tak bechain hone lagin. machan par baba tribandh siddhasan par baithe hi rahe. daktaron ki tim ne tharmamitar par dekha ki para antim sima ko tod niklne par amada hai. 19 tarikh ko manglvar ke din yogini ekadshi thi. akash men kale badal cha gaye, tej andhiyan tufan le ayin. yamuna jaise samundar ko mat karne par utavli thi. lahron ka uchal baba ki machan tak pahunchne laga aur inhin sabke bich sham char baje baba ka sharir spandnrhit ho gaya.
bhakton ki apar bhid bhi prakriti ke sath hahakar karne lagi. barf ki silliyan laga kar baba ke parthiv deh ko surakshit rakhne ka prayas kiya gaya. ab tak desh-videsh tak men baba ke brahmalin ho jane ki khabar fail chuki thi. lekin achanak hi baba ke sir par spandan mahsus kiya gaya ki achanak hi baba ka brahmarandhra khul gaya. unke shishya devdas ne us brahmarandhra ko bharne ke lie fulon ka sahara liya, lekin vah bhar nahin paya. akhirkar do din bad baba ki deh ko usi siddhasn-tribandh ki sthiti men yamuna men pravahit kar diya gaya. mathura men yamuna tire rahne vale devrha baba ko ek chamatkari aur avtari vyakti ke rup men jana jata hai. kaha jata hai ki jun san 1990 men samadhi par jane se pahle is siddh baba ne atyant dirgh jivan jiya tha. pure jivan nirvastra rahne vale baba dharti se 12 fut unche lakdi se bane baeks mane rahte the. vah niche keval subah ke samay snan karne ke lie ate the. baba devrha khud ko bhi ek avtari vyakti kahte the. unka kahna tha ki ve kisi mahila ke garbh se nahin balki pani se avtrit hue the. unhonne pure jivan kuch nahin khaya. kunbh ke samay baba nadi kinare pravas karte the. vahan apne bhakton ke sir par pair rakhakar ashirvad diya karte the. desh ke pahle rashtrapti da. rajendra prasad ne kaha tha ki unke pita jab bachche the to baba ke charnon men puja karte the. us samay bhi baba ki umra kafi adhik thi. baba ke bhakton men rajiv gandhi ka nam bhi shumar tha. yamuna ke kinare vrindavan men nivas karne vale baba devrha 30 minat tak pani men bina sans lie rah sakte the. unko janvron ki bhasha samajh men ati thi. khatrnak jangli janvron ko vah pal bhar men kabu kar lete the.