panigrahan sanskar muhurt  

panigrahan sanskar muhurt vishvanath prasad ‘soni’ manv-srishti men purush aur stri, donon alg-alag ansh hain. kaivalya prapti arthat ekatva men purush svatantra hain parantu stri hamesha purush pane ki apeksha rakhti hai. vah pati men tanmay hokar, prakriti ko, srishti ko chalayman dekhne ke lie, agrasar hoti hai. isilie panigrahan sanskar ko grihasth ashram men dharma-palan hetu pramukh sthan prapt hai. sukhamay dampatya ke nimitt hi muhurt ki shubhta ka vichar kiya jata hai. smriti shastra men purush ka dharm yagya aur nari ka dharm tap mana gaya hai. grah nakshatron ke gochar aur unke balabal ko jivan ka adhar mana gaya hai arthat grahon aur nakshatron ke gochar aur balabal par jivan ka sukhamay ya dukhamay hona nirbhar karta hai. vivah kal men tin balon ko karak kaha gaya hai. pauranik katha ke anusar brahmaji ka vivah isi nakshatra men hua tatha brahma-brahman pujya nahin hue aur brahma ji, shiv-vivah par parvati par mugdh hue. vivah muhurt men tara bal arthat shukra aur brihaspati ki sthiti par vishesh jor diya jata hai. vivah-sagai ke avasar par inka pusht hona sukhi vaivahik jivan ka adhar mana jata hai. var-vadhu ka kundli milan ek alag prakriya hai lekin yahan muhurt par vichar karne men jo sadharan baten hain, unka vivechan prastut hai. vivah muhurt vishleshan men kundli dosh ke atirikt in das pramukh doshon par vichar karna avashyak hai. laÿaa pat yuti veda yamitra van ekargal upagrah krantisamya dagdha tithi. var-vadhu ki kanudliyon ke anurup vidvan jyotishi in par vichar karte hain aur shastranusar alp doshane ke upay bhi batate hain. kuch aise muhurton ka vidhan bhi kiya gaya hai, jinmen vivahadi manglik karya kie ja sakte hain. akshay tritiya, dev prabodhini ekadshi, asharh shukla paksh navmi tatha chaitra shukla paksh navmi (ram navmi) adi aise hi muhurt hain. in muhurton men tara arthat shukra aur guru ke uday tatha ast par vichar karna bhi avashyak nahin hai. agar var ka suryabal kshin ho, to surya ki puja karni chahie. var ki kundli men surya pratham, dvitiya, pancham, saptam ya navam ho to vishesh anushthan kar is dosh ka nivaran kiya ja sakta hai. isi prakar kanya ki rashi se guru upar varnit sthanon par ho to kanya ko brihaspati ki puja aradhna karni chahie. var aur kanya donon ke lie chandra bal ki sthiti men sirf chaithe aur athven bhav men svikara nahin gaya hai. vivah hetu godhuli bela bhi ek shubh muhurt hai. var v kanya ka lagn milan upyukt n ho, vivah muhurt bhi upyukt nahin mil pa rahe hon tatha var aur kanya purnarup se vivah yogya hon, to godhuli bela men vivah kiya ja sakta hai. chanuki is godhuli kal ki avdhi kshin hoti hai atah puri satarkata rakhi jati hai aur vidhi vidhan ka bhi pura dhyan rakha jata hai. muhurton ke alava kuch anya dharm evan vigyan sammat vidhan vidvanon ne vivah ke lie batae hain, jinka sankshipt vivaran yahan prastut hai. var-kanya ka svavarn, svajati ka hona. grah aur nakshatra milan hetu kundli vivechan men pramukh varn, vashya, tara yoni, grahmaitri, gan, bhrikut, nari in ath tatvon par vichar avashyak hai. var aur kanya ka gotra ek nahin hona chahie. kanya ke panigrahan sanskar ke bad sukhamay dampatya jivan ke lie manusmriti men ek shlok hai- vaivahiko vidhiah strinan sanskaro vaidikah smritah. pati seva gurau vaso griharthod.gnipri kriya. vivahoprant striyon ko pati ko guru, pati ke ghar ko gurukul tatha grihkarya ko agnihotra ke saman manna chahie. pati ko yagya, dan, tap, tirthatan, dev pujan adi patni ke sath karna chahie. pati aur patni donon ko ek dusre ki bhavna ka samman karna aur paraspar ek dusre ka ang samjhna chahie. yahi vaivahik jivan sukhamay karne ka adhar hai. agami varsh 2010 men vivah muhurt bahut kam hain. atah is varsh iske abhav men pramukh char tithiyon ka ullekh avashyak hai- akshay tritiya ya arvatij asharh shukla paksh navmi, jise sunam bhi kaha jata hai. chaitra shukla paksh navmi arthat ram navmi dev prabodhini ekadshi jo kartik shukla paksh ekadshi ko hoti hai. panchang evan jyotishiyon ke paramarsh ke bina bhi prayah har varsh asankhya vivah in dinon hote hain. inhen jyotishiya shabdon men abujh save kaha jata hai. sabhi varnon tatha jatiyon men tara (shukra-guru), tribal (surya, guru, chandra) evan muhurton par vichar nahin kiya jata hai. samuhik evan paranpragat vivahon ko in dinon dosh rahit mana jata hai.