samudrik shastra aur shani ankur nagauri hath men madhyama anguli ko shani ki anguli kahte hain. madhyama anguli ke thik niche ke sthan ko shani ka kshetra, ya shani ka parvat kahte hain. hatheli men is parvat ka ubhrapan asadharan pravrittiyon ka suchak hai. iske svabhavik gun tantra, ya gupt vidhiyon men ruchi, ekantapriyata, dukhant sahitya, dukhant sangit, jasusi sahitya aur ganbhir vyaktitva hain. madhyama anguli bhagya ki suchak hai. hatheli men bhagya rekha isi parvat par a kar samapt hoti hai. shani parvat yadi unnat, pusht, ya shubh varn se yukt ho, to vyakti satyavadi, dusre ke man ki bat janne vala, paropkari, nyayadhish, jadugar aur tantra men ruchi rakhne vala, galat bat, ya chugli n pasand karne vala, sanpatti, ya jamin-jaydad ka kam karne vala, dhatuon, khanij, lavan, ratn adi se sanbandhit karya karne vala hota hai. agar shani parvat daba hua ho, ya shani kshetra men gaddha pratit ho, to uparyukt gunon men kami a jati hai aur yah apna viprit prabhav dikhana shuru kar deta hai. hatheli men is parvat ka n hona asflta ka suchak hai. samanya rup se ubhra hua shani parvat hi shubh mana gaya hai. yadi yah sundar aur sugthit ho, to ashanti aur duahkh uske pas hi nahin fatkte. bhaagya rekha, athva shani rekha dvara jatak ke jivan par shani ka prabhav jana ja sakta hai. hath men bhagya rekha hatheli men sanpurn, ya doshmukt ho, to jatak apne sanpurn jivan men shani ka shubh prabhav jan sakta hai. hath men bhagya rekha hatheli men sanpurn, ya doshakt ke ho, to jatak ki jivan vritti anishchit hogi aur jivan utar-charhav se paripunr a hoga. bhagya rekha kisi sthan se tuti ho, to jahan par tuti ho, ayu ki us avastha men jatak ko durbhagya aur arthik kshati uthani parti hai. parantu yadi tuti hui rekha ka dusra bhag pahle bhag se piche aranbh ho, to jatak ke jivan men bilkul naya parivartan ata hai. dohri bhagya rekha bhi ek atyant shubh lakshan hai. shani parvat aur shani rekha donon hi jivan men ane vale utar-charhav sanbandhi jankari dete hain. agar hath men bhagya rekha tuti hui hai, kamjor hai aur hath men shani parvat daba aur doshyukt hai, to yah sthiti durbal bhagya ki parichayak hai. aise men shani ke upay karne se labh milta hai.
Kya aapko lekh pasand aaya?
Subscribe