svapn ya sapne alg-alag vyaktiyon dvara bhinna-bhinn dhang se samjhe jate rahe hain. is ank men ham yah janne ki koeshish karenge ki sapne hote kya hain? kyon ate hain? iska hamare jivan par kya prabhav hai? sammohan upchar men sapnon ka kya mahatva hai? ityadi-ityadi. sapna kya hota hai nind ki avastha men bhramik anubhav jo ki vyakti ko vastavik lagte hain sapne kahlate hain arthat pahla adhar hai ki vyakti nind men hona chahie uski mastishk tarangen delta honi chahie. dusra avayav hai anubhav arthat kuch karna ya hona pratit hota hai jaise vyakti kuch kar raha hai ya kuch hote hue ghatna ka anubhav karta hai aur tisra avayav hai, ki vyakti ko anubhav vastavik lagta hai jabki vah vastavik hone ka bhram matra hota hai. is anubhav men vyakti ka mastishk vastavikta ki tarah shamil hota hai. sapne keval vyakti matra tak hi simit nahin hain balki jiv jantu bhi sapne dekhte hain lekin ham apni charcha keval vyaktiyon tak hi simit rakhenge. sapna ek mansik anubhav hai jismen kabhi-kabhi sharirik kriyaen bhi shamil hoti hain. kabhi-kabhi sapne kisi biti hui ghatna ko dikhate hain, to kabhi-kabhi ane vali baton ko bhi dikhate hain. kabhi-kabhi kuch bhuli bisri yaden sapnon ke madhyam se taja ho jati hain to kabhi-kabhi bahut mahatvapurn jankariyan bhi sapnon men milti hain. kul milakar aisa lagta hai ki sapne vyarth nahin hote arthat sapnon men bahut kuch rahasya chupe rahte hain. kya sapnon ka koi vaigyanik adhar hai ya sapnon men milne vale anubhav hamare kisi kam ke hote hain ityadi anek mahatvapurn baten hain jo ki manav jati hajaron varshon se samjhne ki koshish kar rahi hain. kafi kuch nishkarsh bhi logon ne nikale hain. sapnon ki aitihasik prishthabhumi sapne abhi manav jati ke akarshan ka kendra bane hon aisa nahin hai apitu prachin kal se hi yee jigyasa jagate rahe hain. itihas ya prachin granthon men bhi sapnon se sanbandhit vivaran milte rahe hain. badi prachin katha hai ki raja janak ne sapne men apne apko ek garib bhikhari ke rup men dekha jiska arth unhonne raj purohit se samjha. arthat prachin kal men bhi logon ka vishvas tha ki sapnon men dikhai dene vali ghatnaon ya anubhvon ka hamare vastavik jivan se sanbandh hota hai. yah gyan purohiton ya rishi-muniyon tak hi simit nahin tha balki log bhi apne dhang se inka arth nikalte rahte the. aisa aj bhi hota hai aur duniya ke har kone men hota hai. adhunik kal men anekon manovaigyanikon ne is kshetra men kam kiya hai. sigamand frayad, ek manovaigyanik jo ki aestriya desh ke viyana shahar ke rahne vale the, ne sapnon ke siddhant aur unke mahatva par mahatvapurn karya kiye. frayad ka kahna tha ki hamare man men kai dharatal hote hain jinhen chetan man, avchetan man aur achetan man ke nam se jana jata hai. hamari anekon akankshaen jo puri nahin ho pati hain hamare achetan man men chali jati hain kyonki hamari prabal ichcha un ichchaon ko pura karne ki hoti hai. atah hamara achetan man un ichchaon ko pura karne ka ek rasta talash karta hai aur svapn ko unhanene usi raste ke rup men dekha. frayad ichchaon ko abhav ki ichchaen bhi kahta tha. svapn ki kriya frayad ne svapn ki kriya ko bade asan tarike se samjhaya. unka manna tha ki sapne sanketatmak bhasha ke rup men ate hain. arthat jis rup men dikhai dete hain vah sachchai n hokar kisi aur sachchai ka sanket hota hai. sanket vali bat ham sabhi kafi pahle se hi mante rahe hain. sanket banna islie bhi avashyak hai kyonki asliyat men vah majburi aur nakami ya adhurepan ko dakha sakta hai aur usse nind men vighn pad sakta hai. is prakar sapne nind ke sanrakshak ke rup men bhi kam karte hain. frayad ke ek vidyarthi jinka nam karla yung tha ne bhi sapnon par kafi karya kiya. frayad ne apne dhang se aur yung ne apne dhang se sapnon ke chihnon ke alg-alag arth batae. donon ne un arthon ka prayog karke insani vyavhar ke lie prabhavi dhang se karya kiya. sapne men ek kamjor insan apne se takavar ki pitai kar sakta hai, jamin par chalne vala ud sakta hai aur bhi anekon karya aise hain jo sanbhav n hote hue bhi sapne men sanbhav ho jate hain. iska arth yah hua ki sapne dabi hui ichchaon se to sanbandh rakhte hain. lekin sabhi sapne aise nahin hote. kisi sapne men bhautik kriyaen jyada hoti hain to kisi men bhavnatmak kriyaen jyada hoti hain. jab ham sapne men bhagne ya chalne ka anubhav karte hain to vastav men to aisa nahin karte hain. arthat bhautik kriyaon ka vastavik svarup band ho jata hai. lekin hamesha to aisa nahin hota. kabhi-kabhi sapnon men rote ya hanste hain to vastav men bhi vahi anubhav karte hain. sabhi sapnon ko ek mapadand se nahin dekha ja sakta. kuch sapne bar-bar ate hain yani kisi antral ke bad fir se ate hain. kai sapne ekadam anjan jagah se sanbandhit ate hain jinka hamari jankari se koi sanbandh nahin hota. dae. priti sharma ne 2012 men apne anusandhan men paya ki kai sapnon ka pichle janmon se bhi sanbandh hota hai. isi prakar age hone vale karyon ya anubhvon ko bhi kai bar sapnon men ham sabhi kabhi n kabhi dekhte hain. sapnon ke bare men jitna ham jante hain utna rahasya aur badhta jata hai. lekin sapnon ki duniya hai badi vichitra. sapnon ka arth kaise samjhen yah ek bada hi pechida prashn hai jiske bare men ekadam nishchit koi nahin kah paya hai. han bahut kuch to pata lag jata hai. jaise- astavakra ne raja janak ko kaha sapne men bhikhari hona us vakt ki sachchai thi ab ap jagrit avastha men raja ho yah is vakt ki sachchai hai athva bhikhari hona us vakt ka bhram tha aur raja hona is vakt ka bhram hai. frayad ne sapnon ko apne atript anand ko pura karne ka madhyam mana jabki yung ne adhyatmikta ko bhi sapnane se joda. is prakar hamare hindustani samaj men anekon pustaken svapn vigyan ka varnan karti hain. ek udaharan ke rup men kisi ko sapne men ek nag dikhai deta hai to iska arth frayad nag ko purush ling se jodakar nikalte hain. yung iska arth kathinaiyon se ya dushmanon se jodakar nikalte hain aur hindustani prishthabhumi iska arth kundli se jodakar nikalte hain. sapna ek hai aur yahin par uske tin arth dikhai de rahe hain. ye tinon arth tin alg-alag vyaktiyon ke lie sahi ho sakte hain. arthat sapnon ka arth nikalne men bahut jaldabaji nahin karni chahie. arth samay, halat, vyakti aur samajik prishthabhumi men badal sakta hai. thoda samjhne ki avashyakta hai. ham sabhi apna alg-alag achetan ya avchetan man rakhte hain. avchetan man hamare anubhvon, jankariyon safltaon aur asfltaon ka ek stor hai. sabhi ke avchetan man men svayan par vishesh ke anubhav v ichchaen rahti hain to sabhi vyaktiyon ke sapnon ka ek hi arth kaise nikala ja sakta hai? ab saval paida heata hai ki sapnon ke arth ko kaise samjhen aur kaun samjhaye? sapnon ka arth nikalne se pahle kai baten dhyan men rakhna jaruri hai jaise ki kya sapna bhautik kriyaon par adharit tha ya bhavnaon par adharit tha? kya yah sapna kisi samay ki ghatna se sanbandhit hai? kya sapna pichle din ki kisi ghatna ko dikhata hai? sapna nind ki kis avastha men ata hai arthat kya sone ke turant bad aya hai, nind ke madhya men aya hai ya uthne se kuch samay pahle aya hai kyonki alg-alag avasthaon men aye sapnon ka arth alg-alag ho sakta hai. kisi ek din ke ek sapne ko lekar uska arth nikalna hi khatre se khali nahin. har roj subah uthte hi apne sapne ko not kar lena chahie aur upar kahi gai sari baten bhi dhyan rakhni chahie. iske lie hamen ek svapn dayri banani chahie jismen har roj sapnon ko not karna chahie. alag bahut hi kathin saval yah hai ki kya sapne hamen yad rahte hain. kisi ko bhi sare sapne kabhi bhi yad nahin rahte aur yad rakhne ki avashyakta bhi nahin hai. hamen sapnon ka arth svayan nikalna chahie lekin kisi manovaigyanik ke sahyog se. manovaigyanik ya hipnotherepist pura margadarshan karega ki apko kya-kya rikard karna hai tatha apko sapne yad kaise rahenge ityadi.
Kya aapko lekh pasand aaya?
Subscribe