grah pira nivaran hetu - shakti upasna pan. prem shankar sharma grah yogon men abhisht aur anisht sthitiyan is shakti ke anukul evan pratikul karnon se hi banti hai, atah adyashakti ki upasna grahon ke anisht parinamon se raksha kar sakti hai.
sabhi logon tatha visheshakar jyotish faladesh dene valon ko to shakti upasna bahut shakti pradan karti hai. adya shakti ki upasna mahakali, mahalakshmi, mahasarasvati, navdurga, dashvidya, gayatri adi anek rupon men ki jati hai. navratri ke samay shakti upasna ka mahatva sabhi bhartiya pauranik granthon men batlaya gaya hai. janm se mrityuparyant ki sthiti ka avlokan karen to shiv sanhar ka karya karte hain tatha shakti ki pradhanta srishti karya ke lie svikari gai hai. vah urja jo gati men nirantrta banae rakhti hai shakti kahlati hai tatha yah vyaktigat tatha laukik samarthya tak vidyaman rahti hai.
book navratri special puja online
jyotish shastra ka adhar grah, nakshatra, rashiyan tatha anant brahmand hai. brahmand men maujud pind, prithvi ke jivan pindon ko apni urja arthat shakti pradan kar gatishil banae rakhte hain. in grah pindon ki shakti manav pindon ko prabhavit karti hai. manav pindon ko jo shakti grah pindon se milti hai, adikal se usi ko adyashakti ke nam se jana jata hai. shakti ke bina prani shav ke saman hota hai. aradhna karne vale aradhkon ne gun-karya-bhed ke karan use mahakali, mahalakshmi aur mahasarasvati kaha hai jabki shakti ek hi hai. brahma, vishnu, mahesh ye saman dharm rup hain. durga saptashati men likha hai. ya
devi sarvabhuteshu shakti rupen sansthita॥
namastasyai namastasyai namastasyai namo namah॥
pratyek manushya men do tarah ki shaktiyan, sharirik evan mansik rup se maujud rahti hain, inhen dhan, rin, shiv-shakti, nar-mada ke nam se jana jata hai. barah rashiyon, navagrahon tatha 28 nakshatron men ye yogatmika tatha kshayatmika shaktiyan maujud rahti hain aur yahi srishti ko nirantrta deti hui hamen pragti ya avnti ka ahsas karati hai. jyotishiya faladesh chahe grah nakshatron (janm patrika) ko dekhakar diya jae athva ank shastra, samudrik shastra ko adhar manakar. donon men hi nirmanatmak tatha sanharatmak shaktiyon ka adhar hota hai. ye hi shiv-shakti svarup mane jate hain. janmakundli men lagn se saptam bhav tak shakti khand hai tatha saptam se lagn tak shiv khand hai.
stri grah purush bhag men tatha purush grah stri bhav men maujud hone par shakti sanpann dekhe gaye hai. grah yogon men abhisht aur anisht sthitiyan is shakti ke anukul evan pratikul karnon se hi banti hai, atah adyashakti ki upasna grahon ke anisht parinamon se raksha kar sakti hai. sabhi logon tatha visheshakar jyotish faladesh dene valon ko to shakti upasna bahut shakti pradan karti hai.
book online nav durga puja this navratri
shakti ko bhartiya puranon, shastron men mahakali, mahalakshmi, mahasarasvati, kali, chamunda shailputri durga adi anek namon se jana jata hai, parantu vastav men yah sab ek hi hai jo apne vibhinn svarupon ko avashyaktanusar dharan karti hain. ham upasna, puja kisi chitra ya pratima ko pratik manakar karte hain, parantu vastavikta yah hai ki vah shakti ham men hi maujud hoti hai.
vishva men hamen jo dikhai deta hai, ham usi ka astitva svikar karte hain jabki vishva men aisi koi vastu nahin hai, jismen koi n koi shakti n ho. vastuon ka anubhav indriyon se hota hai, jabki shakti ka anubhav indriyon se nahin ho sakta jaise ag hamen ankhon se dikhai deti hai, parantu us ag men jalane ki shakti hai yah anubhav vastu ke jalne par hi pata chalta hai. bhavishyavaktaon ko faladesh ke lie ek vishesh parashakti ki avashyakta hoti hai aur vah parashakti, guru kripa, matrikripa, sadhna se hi prapt hoti hai. shakti upasna ke bina inmen saflta kuushmanda skandmata katyayni milna sandigdh hota hai.
bhavishya batlane men tin kal samahit hote hain, bhut, vartaman evan bhavishya. inko bhali-bhanti janne ke lie jyotishi ke pas tin shaktiyan avashya honi chahie. in tin shaktiyon ki sadhna ki jae to bhut, vartaman, bhavishya jyotishi ko pratyaksh dikhai dega. lekin yadi ek hi sadhna safal hoti hai to ek bhag hi pratyaksh dikhai dega.
apne kai bar dekha hoga ki koi bhavishya vakta, bhutkal ki sabhi ghatnaon ko bata deta hai to koi vartaman ko hi satikta se bata pata hai aur yadi koi bhavishya achcha bata pa raha hai to uski bhut-vartaman kal ke faladesh par pakar kamjor ho jati hai, atah safal jyotishi ko adya, madhya tatha parashakti ki sadhna se hi chamatkar sanbhav hai atah shardiya navratra men mahakali, mahalakshmi, mahasarasvati svarup trishaktiyon ki aradhna kar siddhi prapt karni chahie.
vishva men do saptashati prasiddh hai
(1) gita-mokshadayni
(2) durga saptashati-dharm, arth, kam pradata.
durga saptashati ka path karne se tatha brahmacharya palan se kisi bhi prakar ki shakti prapt ki ja sakti hai. ham yahan spasht kar den ki ravan ko parajit karne ki ichcha se bhagvan ram ne navratra kal men shakti ka sanchay kar vijyadshmi ke din ravan ka vadh kiya. mahabharat kal men yuddh se purva bhagvan bhi krishn kalratri siddhidatri ne arjun ko pitambara shakti ki upasna ki prerna di thi.
shardiya navratra prayah kanya-tula ki sankranti par ati hai. navagrah men koi bhi grah anisht fal dene ja raha ho to shakti upasna ek vishesh fal pradan karti hai. shakti upasna men sthapna muhurt se karni chahie taki upasna men koi vighn n ae. surya kamjor ho to svasthya ke lie shailputri ki upasna se labh milega. chandrama ke dushprabhav ko dur karne ke lie kushmanda devi ki vidhi vidhan se navratri men sadhna karen.
mangal grah ke dushprabhav se bachne ke lie skand mata, budh grah ki shanti tatha arthavyastha ke uttarottar vriddhi ke lie katyayni devi, guru grah ki anukulta ke lie mahagauri, shukra ke shubhatva ke lie siddhidatri tatha shani ke dushprabhav ko dur kar, shubhta pane lie kalratri ki upasna sarthak rahti hai.
rahu ki mahadsha ya nichasth rahu (vartaman gochar men rahu nich rashi ka dhanu rashi men bhraman kar raha hai.) hone par brahmacharini ki upasna se shakti milti hai. ketu ke viprit prabhav ko dur karne ke lie chandraghanta ki sadhna anukulta deti hai. is kal (shardiya navratri) men satya man se kiye gaye karya evan vichar shubh fal pradan karte hain. nav durga ke atirikt dash mahavidyaon ki upasna grahon ki shubhta ki abhivriddhi ke uddeshya se bhi ki jati hai.
if you are facing any type of problems in your life you can consult with astrologer in delhi