shri sainbaba ka yah bahut hi chamatkarik vrat hai. is vrat ko praranbh karne ke purva hatheli ke akar ka ek naya safed kapra lekar use gali haldi men dubakar sukha len. guruvar ko pratah athva sayan snan karke svachch vastra dharan karen. tatpashchat purva disha ki or svachch kapra bichakar ek asan rakhen evan us par sainbaba ki murti athva chitra sthapit karen. ab sainbaba ko chandn/kumkum ka tilak lagaen, taje fulon ki mala charhaen, dipak jalaen evan agarabatti-dhupabatti bhi lagaen.
in taiyariyon ke pashchat baba ke samne baithakar pahle se taiyar haldi vale sukhe pile pakre men ek sikka rakhakar jis karyasiddhi ke lie vrat rakh rahe hain, us karya ko nirvighn pura karne ke lie sainbaba se sachche dil se prarthana karte hue us sikke ko kapre men lapetakar ganth bandh den. ab asan par virajit sainbaba ke charnon men ise rakh dijie. apne man men samathrya anusar 5, 7, 9, 11 athva 21 guruvar vrat rakhne ka pran karen (mannat manen).
yah sabhi sirf pratham guruvar ko mannat mante samay karna chahie, bad men pratyek guruvar ko vidhi anusar keval vrat katha ka path karna chahie. pratyek guruvar ko vrat aranbh karte samay vrat vali pustak ke mukhprishth evan pratham prishth par die gae sainbaba ke svarup ko pranam karen. tatpashchat baba ki tasvir/murti par kuch fulon ki pankhuriyon ko arpit karte hue shri sain ashtottarashat namavli ka path karen. iske bad shri sainbaba vrat katha ke chah adhyay parhen aur sainbaba ka dhyan karen.
arti dvara katha samapt karen aur prasad ke rup men ghar par banai khichri athva mithai ya fal sabko banten evan svayan grahan karen. is prakar shri sainbaba vrat ki vidhi purn hoti hai. aisa vrat karne se ane vale sabhi vighn dur ho jate hain. jivan men sarlta, sadbuddhi tatha pavitrata a jati hai. ghar se garibi-nirdhanata dur hoti hai. klesh, dukh, dosh adi dur ho jate hain tatha shanti, anand evan ullas ka agaman hota hai. yadi aisa vrat sanpurn shraddha evan vishvas tatha vidhipurvak pujan sahit kiya jaye to arthik-samajik-mansik archnen-badhaen dur hoti hain.
is vrat ka shubh asar, kisi n kisi rup men kam samay men anubhav hone lagta hai. man men apar shanti ka anubhav hota hai. apke dvara pustak prapt karne vala snehijan yadi apki prerna se is vrat ko rakhega to utni hi matra men apki bhagyavriddhi tatha sukh-samriddhi men avashya vriddhi hogi. mane gae guruvar pure hone ke pashchat vidhipurvak evan is pustak men age likhi gai riti dvara udyapan karna chahie.
vrat rakhne ke samanya niyam
1. sain bhakton ko prempurvak tatha shraddha se sainbaba ka vrat rakhna chahie. smaran rakhen ki man men vair rakhakar kabhi bhi sain ke ghar se prapti nahin ho sakti.
2. yah saral vrat sabhi stri-purush yahan tak ki bachche bhi rakh sakte hain.
3. vrat ko shuru karte samay 5, 7, 11 athva 21 guruvar ki mannat rakhni chahie.
4. smaran rakhen ki vrat ke dauran bhukhe n rahen. falahar karke yah vrat kiya ja sakta hai. bhojan mitha, namkin kaisa bhi kiya ja sakta hai. pyaj, lahsun, mans tatha tamsi bhojan ke istemal par rok hai.
5. yah vrat saral hone ke sath hi bahut chamatkari hai. mane gae pratyek guruvar ko vidhipurvak vrat rakhne se ichchit fal ki prapti hoti hai.
6. yah vrat kisi bhi guruvar ko baba ki pratima ya chitra ke samaksh ‘dhup-agarabatti’ kar shuru kiya ja sakta hai. jis karya-siddhi ke lie vrat kar rahe hon, uske lie baba se man hi man pavitra hriday se prarthana karen.
7. sainbaba ka yah vrat kabhi bhi sutak, patak, shraddh ityadi men bhi rakha ja sakta hai.
8. yadi vrat ke dauran kisi guruvar ap yatra par ya bahar (nivas shahar ya ganv ke) hane to us guruvar ko chorakar uske bad ke guruvar ko vrat karen.
9. yadi kisi karanavash kisi guruvar ko vrat n kar paen to us guruvar ko ginti men n lete hue man men kisi prakar ki shanka n rakhte hue agle guruvar se vrat jari rakhen evan mane hue guruvar pure kar vrat ka udyapan karen.
10. ek bar mannat anusar vrat purn karne ke pashchat fir mannat kar sakte hain aur fir vrat kar sakte hain.
vrat ka udyapn
1. mannat ke guruvar pure hone par vrat ka udyapan karna chahie. is din kuch garibon ko bhojan karana chahie evan pashu-pakshiyon ko bhojan dalna chahie.
2. puja ke sikke ko dev sthan par rakhen ya jal men pravahit kar den. vrat karne vale ko jo sukh-shanti v labh prapt hoga, usmen aur vriddhi karne tatha ichchit manokamna ko paripurn karne hetu vratdhari ko chahie ki vah apne snehijnon ko bhi is vrat ka mahatmya samjhaen.
3. jo pustaken bantni hain, unke avaran par shri sain baba ke chitra par tilak lagakar shraddhapurvak apne svajnon ko den.
4. uprokt vidhi se vrat rakhne evan udyapan karne se apki shubh manokamnaen avashya purn hongi yah nishchit janen.
vrat ke fal shri sainbaba ka guruvar vrat rakhne se nimn fal prapt hote hain-
1. putra prapti
2. karya siddhi
3. var prapti
4. vadhu prapti
5. khoya dhan mile
6. jamin-jaydad mile
7. dhan mile
8. sain darshana
9. shanti
10. shatru shant hon
11. vyapar men vriddhi
12. pariksha men saflta
13. pati ka khoya prem mile
14. banjh ko bhi aulad ho
15. ichchit vastu ki prapti
16. yatra yog mile
17. khoya rishtedar mile
18. rog nivarn
19. karya siddhi
20. manokamna purti ityadi.