sarhe-sati falit ki kaksha siddhant se shuddhi  

sarhe-sati vishay pravesh jyotishiya shastron men sarhe-sati ka ullekh nahin milta hai kyonki yah ek gochar sthiti hai jismen janmakalin chandrama aur gocharasth shani sammilit hote hain. shastron men iska ullekh n hone ke bavjud bhi iska bolbala isiliye hai kyonki chandrama, man ka karak hone ke sath-sath ek chota evan tivra gati se chalne vala naisargik saumya grah hai aur iske purn viprit shani atyant dhire chalne vale vishal aur naisargik ashubh grah hain. donon ke as-pas ya sath-sath hone se inka paraspar samanjasya nahin ho pata hai aur is karanavash man ko duahkh ki anubhuti hoti hai. kya aisa fal sadaiv nahin milta hai? iski sankshipt charcha is lekh men ki gayi hai. paribhasha: sarhe-sati, sarhe-sat sal ki avdhi hoti hai jisko nimn tin charnon men vibhajit kiya jata hai. jab gochar ke shani, ƒƒ janmakalin chandrama se dvadash bhav (aroham charn) men pravesh karte hain aur us bhav/rashi ko lagabhag dhai varsh ki avdhi men bhogte hain, ƒƒ janmakalin chandrama (janm charn) par gochar karne ki lagabhag dhai varsh ki avdhi, evan ƒƒ janmakalin chandrama se dvitiya (avroham charn) bhav/ rashi ko bhogne ki lagabhag dhai varsh ki avdhi.

ek anya prachlit mat (shri katve ji) ke anusar samay antral ka nirnay, gocharasth shani ki janmakalin chandrama se koniya duri ke adhar par karna chahiye. arthat, gocharasth shani ke janmakalin chandrama se 45 ansh piche hone se shuru hokar 45 ansh age hone tak ki samay avdhi ko sarhe-sati ki avdhi manna chahiye. is lekh men ham, svayan ko, sarhe-sati ki is sankshipt paribhasha tak hi simit rakhte hue age barhte hain. falit drishtikon: brihat parashar horashastram ke ath dashafladhyayah evan ath visheshanakshatradshafladhyayah ke anusar, grah apne svabhav evan svamitva anusar shubh-ashubh fal dete hain. is adhar par, shani bhi kundli anusar shubh ya ashubh hote hain. jaise shani, vrishabh aur tula lagn men yogkarak hote hain ya fir shubhasthanagat hote hue uchch, mul trikon, svarashi, vargottam adi hon to shani jatak ke liye shubh falaprad hote hain. apni shubh sthiti men shani man-buddhi ki ekagrata, adhyatmikta men rujhan, pragti, mukhiya pad, naukri evan vyavsay men dhire-dhire unnati, nyayapriya evan udarvadi drishtikon adi dete hain.

gochar ke niyamon ke anusar, gocharasth shani ki janmakalin chandrama se 12, 1 evan 2 ki sthiti ashubh faldayi hoti hai. parantu, gochar to unhin falon ko pradan kar sakta hai jo kundli men yogon aur dasha dvara nirdharit kiye jate hain. arthat, falit ke samanya niyamon ke adhar par sarhe-sati ke pratyek charan ka alg-alag vishleshan karne ke pashchat hi nishkarsh nikalna chahiye ki kya vah charan shubh hoga ya ashubh. samanyatya, yah kahna uchit hai ki sarhe-sati charan jatak ke liye ashubh nahin hota agar ƒƒ shani, kundli men shubh ho ƒƒ mahadsha aur antardasha shubh ho ƒƒ gocharasth shani bhav men svarashi, uchch rashi, mitra rashi men ho ƒƒ gocharasth shani ka apne nakshatra svami se shubh sambandh ho, jaise vah donon paraspar mitra hon ƒƒ janmakalin chandrama ki sthiti evan bal achcha ho jisse jatak mansik sabal hoga ƒƒ chandrama evan shani par baki grahon ka shubh prabhav (drishti ya yuti) ho sabhi jyotishi uprokt binduon ko dhyan men rakhakar hi falit karte hain. kintu, ek hi paristhiti men falon ki bhinnata bhi dekhi jati hai isko samjhne ke liye ashtakavarg men kaksha ka siddhant hai.

parashar ji ke athashtakavargadhyayah ke anusar jyotish shastra ke do niyam hain, samanya niyam v vishesh niyam. nishchit fal janne ke liye samanya niyam prabhavi hote hain parantu samanya niyam se vishesh niyam sadaiv balvan hota hai. isiliye agar ham apne samanya niyamon dvara nishkarshit fal ki vishesh niyam yani ashtakavarg paddhati se pushti karenge to adhik satikta ayegi kyonki isse parinam men badlav ane ki bhi sanbhavna hoti hai jaise ashubhta men nyunta/adhikta, ashubhta ka sthagan, shubhta men adhikta/nyunta ya shubhta ka sthagan adi. ashtakavarg ashtakavarg paddhati men saton grah (surya, chandrama, mangal, budh, guru, shukra evan shani) evan lagn apni janmakalin sthiti se nishchit bhavon ko shubh rekha (matantar se kuch vidvan rekha ko ashubh aur bindu ko shubh mante hain par ham is lekh men parashar ji ki paddhati ka anusaran kar rahe hain) pradan karte hain. pratyek grah evan lagn ki rekhaon ko sarnibaddh evan niyamabaddh rup men likhne par sabke alg-alag prastarak varg bante hain jo ki kul ath honge. koi grah jab kisi rashi men gocharavash pravesh karta hai to vah us rashi/bhav men ek nishchit raste se hokar gujrta hai. is raste ko ath bhagon men banta gaya hai.

pratyek bhag ko kaksha kahte hain aur pratyek kaksha ka ek nishchit svami hota hai. nimn sarni men kram se kakshayen, kaksha ke bhogansh aur kaksha svami varnit hainah kaksha kram grah sthiti (digri men) kaksha svami 1 0.00 se 3.45 shani 2 3.45 se 7.30 guru kaksha kram grah sthiti (digri men) kaksha svami 3 7.30 se 11.15 mangal 4 11.15 se 15.00 surya 5 15.00 se 18.45 shukra 6 18.45 se 22.00 budh 7 22.00 se 25.45 chandra 8 25.45 se 30.00 lagn athon prastarak sarniyon ka yog karne ke bad jo ek sarni banegi, vah samudayashtak varg kahlayegi. agar grahon evan lagn ki prastarak sarni ke ankon ko kundli rup men likhenge to vah us grah ya lagn ka bhinnashtak varg kahlayega. samanya siddhanton (yog, dasha evan gochr) se jab fal ke shubhashubh evan unki matra ka anuman lag jaye, tab nimn niyamon se shubhashubhta evan matra ki pushti karni chahiye. tinon niyamon ko sadaiv kramshah hi lagana chahiye. ƒƒ samuday ashtakavarg ƒƒ bhinnashtak varg ƒƒ gocharavash grah ki svayan ke prastarak men kaksha (sarhe-sati men shani ka prastark) arthat, samudayashtakavarg sthul rup se shani ki gocharavash bhav sthiti anusar shubhta-ashubhta batata hai.

bhinnashtak varg men usi bhav ke ankon dvara us fal ki sukshm rup se pushti hoti hai aur prastarak varg ki kaksha se us sukshm rup shubh-ashubh fal ki avdhi ka pata chalta hai kyonki ek charan ke dhai varsh men falon ki shubhta aur ashubhta men utar-charhav ho sakta hai. agar samanya niyamon dvara fal ki pushti ho rahi hai to falakathan satik hain aur agar ashtakavarg dvara fal viprit hain to ashtakavarg ke fal ki pradhanta hogi. samuday ashtakavarg brihat parashar horashastram ke ath samudayashtakavargadhyayah ke anusar jis rashi/bhav men 30 se adhik rekha hon to vah shubh falaprad, 25-30 ke bich to madhyam falaprad aur 25 rekha se kam to duahkh falaprad hoti hain. arthat, jab gocharasth shani shubh falaprad rashi/bhav men rahe, tabhi vah shubh fal dene ki kshamata rakhega. tatparya yah hai ki agar sarhe-sati men shani sthit bhav/rashi men 30 se adhik ank hain, bhinnashtak aur prastarak varg ki kaksha ka bhi sahyog hai to shani apne ashubh fal n de payega balki shubhta hi pradan karega.

bhinnashtak varg samudayashtakavarg se nishkarsh nikalne ke pashchat falon ki sukshm pushti ke liye shani ke bhinnashtak varg ka adhyayan karen. ismen yah dekha jata hai ki shani ne apni gocharasth sthit rashi men kitni shubh rekha pradat ki hai. sankshipt narad puran ke purva bhag, dvitiya pad, ashtakavarg kathan ke anusar char se adhik rekha ko shubh mana gaya hai (kuch vidvan apne anubhvanusar shani ke liye 4 rekhaon ko bhi shubh mante hain kyonki shani kul 39 shubh rekha pradat karta hai aur pratyek bhav ka ausat 39/12 = 3.25 hota hai jabki narad puran ya parashar ji ne is prakar ke kisi bhi bhed ka varnan nahin kiya hai). 2.3 prastarak varg dvara kaksha shani ek rashi men lagabhag dhai varsh rahte hain aur bhav pravesh ke bad nishchit ath kakshaon men bhraman karte hain. kaksha men gochar ke niyam ƒƒ jab shani kisi aisi kaksha men gochar karte hain, jis kaksha ke svami ne unhen shubh rekha pradatt ki hai to gochar ki vah avdhi (dinon men ausat avdhi nikalne ke liye shani ek rashi men lagabhag 30 mahine ya 900 din rahta hai aur in 900 din men ath kakshaon se bhraman karta hai. ek kaksha men rahne ka samay = 900/8 = lagabhag 112 din) shubh hoti hai. iske viprit agar shubh rekha pradan nahin ki hai to ashubh parinam hi mil sakte hain.

shani aur chandra ki rashigat sthiti aur anya prabhav, falon ki prablta ko kam ya adhik karte hain lekin shubhta ya ashubhta ka nirnay ashtakavarg ke adhar par hi lena adhik upyogi hota hai. yahan ham ek bat par jor dena chahenge ki ashtakavarg ki is paddhati se keval gochar ke falon ki pushti ki ja rahi hai. udaharan aise anek udaharan hain jinmen jatak ko sarhe-sati ke dauran saflta ke shikhar ki prapti hui aur aise bhi hai jinmen jatak ko kasht mila. jaise, shri javahar lal nehru, shrimti indira gandhi evan shri morarji desai sarhe-sati ke dauran pradhanmantri bane. yahan ham aise udaharan prastut kar rahe hain jo samanya taur par hamare samne ate hain. udahrn-1 jatak vivrn: purush, 11 jan. 1991, 11ah00, loni, gajiyabad. jatak ne 30 mai 2014 ko lekhak se salah mangi thi, jab vah chartard ekauntent pariksha (antim donon grup) ki taiyari kar raha tha. vah mansik taur se kuch bhramit sa tha kyonki ek to atyant kari pariksha aur upar se pas ke pandit ji ne sarhe-sati ki ashubhta ka dar man men baitha diya tha. pandit ji ne kaha tha ki shani jab navanbar 2014 men nich chandrama par gochar karega to vah atyant ashubh hoga aur use kala dhaga bandhte hue kuch upay karne ki salah di.

isse jatak ko apne asafal hone ke asar saf-saf najar ane lage aur vah apna dhyan parhai par kendrit nahin kar pa raha tha. kripya dhyan den ki ham yahan par kundli ke samanya niyamon ki charcha nahin kar rahe hain kyonki vah is lekh ka vishay nahin hai parantu un sabki anukulta dekhne ke pashchat hi ham falon ki prapti ke liye gocharasth parinam ki ashtakavarg se shuddhi kar rahe hain. us jatak ko yah salah diya gaya ki sitambara-14 ke ant se uske liye lagabhag ek sal tak ka samay bahut achcha rahega. use dhairya aur antarmukhi hokar apne karyon par dhyan kendrit karna chahie. usko saflta milne ki sambhavna bahut adhik hai. is falakathan ka nimn adhar tha: sarhe-sati avdhi kram rashi shuru ant charan 1 tula 15 navan.11 15 mai 12 aroham 2 tula 04 ag. 12 02 navan. 14 aroham 3 vrishchik 03 navan. 14 26 jan. 17 janm 4 dhanu 27 jan. 17 20 jun 17 avroham 5 vrishchik 21 jun 17 26 aktu. 17 janm 6 dhanu 27 aktu. 17 23 jan. 20 avroham 15 mai 12 se 04 ag. 12 ki avdhi men shani kanya men the di-1 samudayashtak varg shani ka rekha bhinnashtakavarg shani ka rekha prastarakavarg evan kaksha kaksha/ rashi 1 2 3 4 5 6 7 8 9 10 11 12 yog shani . . . . 4 guru . . . . 4 mangal . . . . . . 6 surya . . . . . . . 7 shukra . . . 3 budh . . . . . . 6 chandra . . . 3 lagn . . . . . . 6 yog 3 3 5 3 1 4 4 5 3 3 1 4 39 dasha-antrdsha kram mahadsha/antardasha dasha avdhi 1 budh / ketu 03 julai 11 se 30 jun 12 2 budh / shukra 30 jun 12 se 30 aprail 15 3 budh / surya 30 aprail 15 se 06 march 16 4 budh / chandra 06 march 16 se 06 agast 17 5 budh / mangal 06 agast 17 se 03 agast 18 6 budh / rahu 03 agast 18 se 02 farvri 21 ƒƒ 30-mai-14 ko shani gocharavash tula men the.

sarvashtak varga: tula men 39 ank, arthat shubh. ƒƒ shani bhinnashtaka: tula men 4 ank, arthat, n shubh n ashubh. ƒƒ shani ki gocharavash sthiti 6/24 thi. arthat vah chandra ki kaksha men the jismen unhen chandra dvara koi rekha prapt nahin hai. isse pareshani aur mansik avsad ke fal ki pushti ho gayi. ƒƒ sitambara-14 ko, shani gocharavash chandra ki kaksha se nikal kar lagn ki kaksha men a rahe the jahan unhen lagn ne shubh rekha pradan ki hui hai jo ashubhta men kami ane ko ingit kar rahi thi. ausatan shani, ek kaksha men lagabhag 112 din rahte hain. arthat, sitambara-14 se samay behatar hona tay tha. ƒƒ navambara-14 men shani ke vrishchik men pravesh hona tha jahan par janmakalin chandrama nich rashi men sthit hain. ƒƒ sarvashtak varg ke vrishchik rashi men 38 rekha hain jo ki shubh hai. ƒƒ bhinnashtak men 5 ank hain jo ki ausat se adhik hain, arthat shubh. ƒƒ prastarak men shani ki pratham kaksha svayan shani ki hi hai aur dvitiya guru ki. donon kakshaon men rekha hain. arthat, navambara-14 se lagabhag ath mahinon men shubh fal prapt hona nishchit hai. uprokt ganna ke adhar par hi yah nishkarsh nikala gaya ki sarhe-sati shikhar men aur nich chandrama ke upar hone ke bavjud jatak ko navambara-14 se lagabhag ath mahine shubh fal hi prapt honge. jatak ne marcha-15 men fon dvara suchit kiya ki usne si.e.-fainal ke donon grup ek hi bar men pas kar liye hain aur vah ab aun-kainpas niyukti shivir men hissa le raha hai. udaharan 2 jatak vivrn: purush, 17-disanbr-1979, 10ah10, alavar. jatak, vyavsay se ek karmakand pandit aur jyotishi hai. sitambara-2014 ko jab unhonne apne naye ghar kharidne ki mithai khilai aur bataya ki unhen sarhe-sati ke bavjud shubh fal prapt ho rahe hain kyonki unhonne uske uparyukt upay kiye hue hain anubhav se agar upay shraddhapurvak kiye jayen to fal ka akara/svarup badal sakta hai ya fir kuch samay ke lie falon ka sthagan ho jata hai. parantu prarabdh ke fal to bhogne hi parte hain). unhonne apna vivaran dete hue vishleshan ka anurodh kiya. unhonne, yah bhi bataya ki vah pashchim dilli ke ek mandir men pujari ke rup men karyarat hain. kundli dekhne ke pashchat, unhen kaha gaya ki navanbr-14 ke pashchat unhen satark rahne ki avashyakta hai kyonki kundli anusar samay pratikul dikhta hai. bat kahi-ansuni ho gayi parantu ek mah purva fon par unhonne ashubh falon ki pushti karte hue bataya ki unka mandir band kar diya gaya hai. kam milne men bahut adhik pareshani ho rahi hai aur mansik aur arthik samasyaon ne gher liya hai. aiye, satarkata bartne ki salah ka vishleshan karte hain:

sarhe-sati avdhi: udahrn-1 se dekhen di 1: lagn samudayashtakavarg shani ka rekha bhinnashtakavarg shani ka rekha prastarakavarg evan kaksha kaksha/ rashi 1 2 3 4 5 6 7 8 9 10 11 12 yog shani . . . . 4 guru . . . . 4 mangal . . . . . . 6 surya . . . . . . . 7 shukra . . . 3 budh . . . . . . 6 chandra . . . 3 lagn . . . . . . 6 yog 3 3 5 3 1 4 4 5 3 3 1 4 39 dasha-antrdsha kram mahadsha/antardasha dasha avdhi 1 budh / shani 22 jan. 12 se 01 disan. 14 2 ketu 01 aktu. 14 se 01 aktu. 21 ƒƒ sitambara-14 men navmesha/lagnesh ki dasha chal rahi thi aur shani gocharavash karm bhav men the. tula rashi men 33 ank aur shani ke bhinnashtak men 5 ank hain, arthat shubh fal ki hi sambhavna thi. ƒƒ gocharavash shani ne 04 navanbar 14 ko vrishchik men pravesh kiya aur usse kuch pahle 01-aktubr-14 se unki ketu ki mahadsha shuru ho gayi thi jo ki dvitiya bhav men virajman hain. brihat parashar ath dashafladhyay shlok 75 ke anusar dusre bhav ka ketu ashubh hota hai. anya kashton ke alava sthanachyuti (sthanabhransh) bhi deta hai.

jatak ka janm chandra kshin, nirbal evan pirit hai. arthat, dasha aur gochar pratikul hain. ab age ashtakavarg se pushti karte hain ki kya yah fal badlenge ya inki pushti hogi? ƒƒ sarvashtak varg men 32 ank, arthat shubh ƒƒ bhinnashtak men 3 ank, arthat ashubh ƒƒ prastarak men shani ki pratham kaksha svayan shani ki hi hai aur usmen shubh rekha hai. guru ki dvitiya kaksha se, jismen shani ne 5-disambar ko pravesh kiya tha, surya ki kaksha samapt hone tak (lagabhag 14 disanbr-15 tak) koi shubh rekha nahin hai. atah falon ke ashubh hi rahne ki prabal sanbhavna hai. ƒƒ sarhe-sati ke tritiya charan men bhi inhen achche parinam milne ki asha kam hai kyonki ashubh dasha, sarvashtak men keval 24 ank (matantar se kai vidvan trikbhav men ausat se kam rekha ko shubh mante hanai. lekhak ke anusar parashar ji ne aisa koi bhed ath samudayashtak vargadhyayah men nahin kiya hai. kam shubh rekha to bhav ko nirbal hi banayengi. han, tulnatmak drishti se dekhen jaise dvadash men ekadash se kam, shashtam evan ashtam men lagn se kam to trik bhav men shubh rekha tulnatmak taur par thik lagta hai) aur bhinnashtak men keval 3 ank hain. parantu, guru ki kaksha se surya ki kaksha tak shubh rekha hone se ashubhta disambara-2017 se disambara-2018 tak kam hi rahegi. nishkarsh sarhe-sati ke vishay men samaj men bahut dar hai aur anekon andhvishvas isse jure hain. anekon jyotishiyon aur lekhkon ne is vishay par likh kar samaj ki bhrantiyon ko dur karne ka suprayas kiya hai. multah gocharasth shani ki, janmakalin chandrama se 12, 1, 2 ki sthiti ashubh to hoti hai parantu kundli anusar iske parinam alg-alag ho sakte hain. atah kisi bhi nishkarsh par pahunchne ke purva kundli ka sahi adhyayan aur gochar parinam ki ashtakavarg dvara shuddhi ati avashyak hai.