rudraksh se labh shubhesh sharman jab ham rudraksh ke bare men chintan karte hain to bhagvan shiv ki pratyaksh chavi ankhon ke samne a jati hain. hamare shastron men bhinna-bhinn prakar ke rudrakshon ka varnan hain. sansar men rajsi, tamsik aur satvik rup men pratyaksh fal pradan karne vala rudraksh hi hai. sabhi devi devtaon ke mantron ki sadhna men rudraksha-mala param siddhidayak hain. sabhi prakar ke shaiv sanyasiyon ke liye rudraksh ka dharan karna param kalyankari hai. samanya grahasth se lekar rajsi vyakti tak koi bhi vyakti rudraksh dharan kar sakta hai. ek se chaindah mukhi rudraksh ki upalabdhata aj bhi hain. vaise to sabhi prakar ke rudraksh sahi vidhi anusar dharan karne se labh pahunchate hain. parantu alg-alag mukh ke rudrakshon ka vishisht mahatva hai. atyant durlabh ek mukhi tatha 14 mukhi rudraksh, gauri shankar rudraksh, ganpti rudraksh vishisht fal pradan karte hain. panch mukhi rudraksh ko jal men bhigo ke ratri praryant rakhe gae jal ko sevan karne se uchch rakt chap ka niyantran karta hai. inmen nepal ka gol ek mukhi rudraksh durlabh hi hai jabki parivarik prasannata aur samast sukhon ko pradan karne vala 2 mukhi rudraksha-bhagavan shiv ka bhagvan ke ek vishisht rup arddhanarishvar ka pratik hai. yah sabhi prakar ki vaicharik vishmta ko dur kar grihasthi men stri-purush sanbandhon men sneh paida karta hai. 3 mukhi rudraksh daivik, daihik aur bhautik tinon tapon ko dur karne vala hai. ghor se ghor pap ko dur karne ki kshamata tin mukhi rudraksh men hai. iske dharan karne se sansar ke tinon vishisht dev, brahma, vishnu mahesh prasann hote hain. 4 mukhi rudraksh men purva janmon ke likhit bhagya ko badlne ki kshamata hai. yah shodh karta, lekhak, adhyapak, adi ke lie vishesh faldayi hain. 5 mukhi rudraksh shiksha aur man ki prasannata tatha adhyatmik gyan ka data aur mansik vikaron ko dur karne men chamatkarik labh karta hai. ise pile athva lal reshmi dhage men gale men dharan karna chahie. 6 mukhi rudraksh shatruon par vijay milta hai tatha tantra ki sadhna adi men is rudraksh ka vishesh upyog hai. 7 mukhi rudraksh rojana ki dinacharya men, ritel ke vyapar men faishan se sanbandhit karya, arogyata adi men vishesh labhkari hain. 8 mukhi rudraksh parivar men ek dusre ke viprit buddhi ko parivartit kar sauhard pradan karne vala hai. 9 mukhi rudraksh dharm kshetra man vishesh yogyata pradan karta hai. sahnshilta, karya karne ki kshamata aur dridh ichcha shakti pradan karne vala hai. bhagya sthan ki sabhi prakar ki badhaon ko dur kar shubh fal pradan karta hai. 10 mukhi rudraksh sharir ki vikrit indriyon ko thik karta hai. bhagvan narayan ki prasannata tatha das maha vidyaon ki sadhna men vishesh labhkari hai. samajik pratishtha aur parivar ki nirantar vriddhi karte rahna hi iski visheshta hai. 11 mukhi rudraksh jivan men ay ke sadhnon men vriddhi tatha videsh vyapar men vishesh labhkari hai. isse brahmacharya man vriddhi hoti hai. yah sanyasiyon ke liye vishesh labhkari hai. rogon ko dur karne men vishesh labh karta hai. 12 mukhi rudraksh dharan karne se vyakti jivan men bare-bare vyapar, kal-karkhane aur sabhi prakar ki kirti evan samaj men uncha pad prapt karne men samarth hata hai. 13 mukhi rudraksh jivan men bhautik sukhon ko pradan karna iska mukhya karya hai. vyakti ko saundarya aur kranti pradan karta hai tatha bhog ko bhi barhta hai. 14 mukhi rudraksha: samast prakar ki durghatana, akal mrityu ko dur karta hain. inke dharan karne se nishchit rup se jivan men bhagvan shiv ki sharnagti prapt hoti hai.
Kya aapko lekh pasand aaya?
Subscribe