rup chaturdashi vrat  

rup chaturdashi vrat (5 navanbar 2010 ) pan. brajkishor sharma brajvasi rup chaturdashi vrat kartik krishn paksh chaturdashi ko karne ka vidhan hai. jaisa ki nam se hi vidit hai, yah rup saundarya ko pradan karne vala vrat hai. is din pratah kal suryoday se purva hi jagakar nitya naimittik kriya kalapon ko purnakar bhakt vatsal, vishvarup, kripanidhan, atulit rup saundarya yukt, jagat niyanta, man devki ke hrideshvar vasudev ke praneshvar karoron kamdev ki chavi ko bhi dhul-dhusrit karne vale, karoron-karoron surya ki abha se bhi abhavan bhagvan shrikrishn ke shrichrnon men vinyanavat ho vidhivat sankalpadi kriyaon ko karta hua, navagrahadi devon ka pujan kar yogyogeshvar rup-bal gun, tej-saundarya nidhan manglon ka bhi mangal karne vale, radha rani ke priyatam, yashodanandan, nand ke dulare bhagvan govind ka shodshopchar pujan karen. divya lilaon ka shravn-smaran chintan manan karen. ¬ namo bhagvte vasudevay' mantra ka jap karen v isi mantra se yagya bhi karen. apne hridy-man-buddhi men dusron ke prati shuddh vichar rakhen. dusron ki ninda n kare, to nishchay hi braj ke rasiya, rasikon ke rasik, lilabihari, ras bihari, shri hari bhagvan achyut nishchay hi use atulniya adbhut rup -madhurya pradan karte hain. isi sandarbh men ek sundar katha is prakar haiah- katha : ek samay bharat varsh ki pavitra pavan dhara par sthit hiranyagarbh namak nagar men ek param kripalu, dayalu evan vikaron se rahit bhagavat tattva men lin yogiraj rahte the. unhonne apne man ko ekagra karke ek samay sada sarvada ke lie puran purushottam bhagvan men lin hona chaha. atah v panchon karmendriyan, panchon gyanendriyan, gyarhvan man evan chitt buddhi-ahankar ko ekagra kar samadhi avastha men lin ho gae. samadhisth hue abhi kuch hi divas vyatit hue the ki unke sharir men prarabdh vash kire par gae. balon men chote-chote kiron ne apna nivas bana liya. ankhon ke roon v bhauhon par juen sushobhit hone lagin. is dasha ko prapt hokar yogiraj vichlit ho gaye, dhairya samapt ho gaya tatha bhayanak kashtakari dukhon se pirit rahne lage. dukh nivritti ka samadhan khojte-khojte bhi koi samadhan nahin mil saka. sanpurn deh durgandh se purn ho gaya. ashay vedna se yogiraj chitkar kar uthe. bhagavat kripa se usi samay vahan bhakt vatsal bhagvan vishnu ke param bhakt shri devarshi narad ji harigun gan ki karnapriya madhur dhvani ko vina aur khartal par bajate hue a gae. tab yogiraj ne devarshi munishvar ko sadar premshit pranamakar pucha- he munishreshtha! main shri hari akaran karuna karunalay bhagvan ke chintan men nimagn hona chahta tha, parantu meri yah dasha kyon ho gayi? tab dayanidhan narad ji ne kaha- he yogiraj! pratham to yah kuch prarabdh sanskar ke karan hua, dusra tum chintan karna jante ho parantu deh achar ka palan nahin. isi karan tumhari yah ashobhniya dasha hui hai. tab dinon par daya karne vale devarshi narad ji se yogiraj ne pucha- he bhagavan! deh achar-vichar ka sarvottam sadhan kya hai? is par bhagavat charnarvindon men lin devarshi bole - yogiraj. deh achar se ab tumhen koi labh nahin hai. sarvapratham to tumhen jo main batata hun, use karna. fir deh achar ke bare men samyanusar bataunga. punah thora rukakar harihar bhakt narad ji ne kaha ki jab kartik krishn paksh ki chaturdarshi ka agaman ho, tab tum us din shrikrishn ka dakshata v purn riti se pujan dhyan karna tatha arti kshama prarthana karna. aisa karne se baldhatini putna jaisi mayavi rakshasi ko bhi apna parmdham pradan karne vale janardan bhagvan tum par avashya kripa karenge aur tumhara sharir pahle jaisa hi svasth aur rupvan ho jayega. yogiraj ne rishivar ke batae anusar rup chaturdashi vrat ka niyamanusar palan kiya aur unka sharir pahle jaisa hi ho gaya aur jagat ke jivon ke lie yah chaturdashi ''rup chaturdashi'' ke nam se vikhyat ho gayi. he kripanidhan, pranon ke bhi pran, atmaram, aptakam, purnakam, paripurnavtar bhagvan vasudev ! jaisa apne yogiraj ko svarup pradan kiya, vaisa sabhi ko pradan karna. sharirik asvasthata nivaran v saundarya kosh prapti hetu is vrat ka palan avashya hi karen.