jyotish ek prachin vigyan hai jo ki vaidik kal se chala a raha hai. iski apni mahatta hai. jyotish hamare rishi muniyon dvara di huyi aisi vidya hai jo virasat men hamen mili hai, jiska upyog manav kalyan hetu kiya ja raha hai. jyotish ke madhyam se manushya ke jivan men hone vali ghatnaon ke bare men evan ho chuki ghatnaon ke bare men gyat kiya ja sakta hai.
vishnu dharmottar puran men pitamah siddhant ke anusar: veda hi yagyarthamabhipravrittaah kalanupurva vihitashch yagyaah. tasmadidan kalvidhanshastran yo jyotishan ved se ved sarvam.. vedon ka pravartan yagyaon ke samyak sampadan ke liye hua. ve yagya bhi kal ke samyak gyan hone par hi yathavidhi sampann hote hain. yah jyotishshastra kal ka vidhayak hai, atah jo jyotish ko janta hai, vah sab kuch janta hai. is jyotishshastra ko ved ka chakshu (netra) kaha gaya hai. isi karan vedangon men iski mukhyata kahi gayi hai. karn, nasika adi dusre angon se sampann hone par bhi netra rupi ang se hin hone par manushya kuch bhi karne men samarth nahin ho pata hai.
vyakti ka svasthya hi bara dhan hai. uske liye uska svasthya hi uski sampatti hai. bhagvan dvara rachit is sundar kaya ko svasth rakhne ke liye manushya dvara vibhinn tarikon se yogdan diya jata hai. samay ek sa n rahne ke karan paristhitiyan badlti ja rahi hain. pahle sanyukt parivar hote the evan sharirik shram adhik hota tha, parantu aj n to sanyukt parivar hai aur n hi sharirik shram. is adhunik yug men manushya ki jivan shaili mane se sharirik shram kam hota ja raha hai evan mansik shram barhta ja raha hai. vishva bhar men pratiyogitaon ka daur chal raha hai. naukri men utar-charhav, vyavsay men utar-charhav athva berojgari ke bhay se manushya aj har sanbhav mansik pira n chahte huye bhi lene ko taiyar hai. adhikatar samay apni ajivika ko bachane ya sahi rup se chalane mane nikal jata hai jiske chalte dainik jivanacharya puri tarah se bigar chuki hai. ayurved men likha hai ki jo bhi ham khate hain use sharirik shram ke madhyam se jarur pachayen anyatha sharir men rog utpann hona shuru ho jate hain.
is vartaman yug men sharirik shram dhire-dhire kam hota ja raha hai aur manushya ka khan-pan bhi sahi nahin raha hai. kahavat hai jaisa ‘anna’ vaisa ‘man’. jyotish shastra men aise anek grah yog evan grah-sthitiyan varnit hain jisse jatak ke rog ka nirdharan sanbhav hai, kintu vah jis yug men likhe gae the, unmen kuch badlav ho chuke hain. rogon ke kshetra men naye-naye rogon ka pravesh hua hai jiske karan naye rog jaise madhumeh, kainsar adi udbhut hue hain, jinke jyotishiya pariprekshya men gahan adhyayan ki avashyakta hai. isiliye yah avashyak ho jata hai ki rogon ko nirdharit karne vale grah yog evan sthitiyon ko badlte yug men dubara varnit kiya jay. rog shabd vistrit hai jis par adyopant shodh karna ek bar men sanbhav nahin hai. ham yahan madhumeh rog arjit karne vale grahyogon evan grahasthitiyon men guru grah v shukra grah ki bhumika par hi adhyayan kendrit evan simit rakhenge . jyotish men madhumeh rog ko udghatit karne vali grah sthitiyon v yogon ko lekar abhi tak koi shodh karya nahin kiya gaya hai jiske karan spashtata se yah kaha jana kathin hai ki amuk jatak ko madhumeh rog hoga ya nahin.
isiliye yah atyant jaruri hai ki is vishay par shodh kiya jana chahiye. prastavit shodh vishay ‘madhumeh rog men grahon ki bhumika’ ke purn hone par aise grah-yog evan grah sthitiyon ka patakshep ho sakega, jinki vidyamanta janm kundali men hone par yah falakathan kiya ja sakega ki amuk jatak ko madhumeh rog hone ki sanbhavna hai. grah sanbhavnaon ko dhyan men rakhte hue kuch mapadand taiyar kie gae hain jinko alag - alag janm kundaliyon par lagu karke dekha jayega aur nishkarshon ki prapti ki jayegi.
janmakundali men madhumeh ke lie nimnankit mapadand is prakar hain:
1. brihaspati 6, 8, 12 ven bhav mane sthit hon.
2. brihaspati jab nich rashi ka ho.
3. panchmesh (pancham bhav ka svami) 6, 8, 12 men se kisi bhav men sthit ho ya in bhaveshon se yukt ho.
4. chathe bhav men rahu ho ya chathe bhav ko evan brihaspati ko rahu pirit kar raha ho.
5. rahu ki brihaspati ya shukra ke sath yuti ho ya brihaspati aur shukra ko rahu pirit kar raha ho (drishti dvara).
6. brihaspati ashubh v kamjor ho evan rahu ke nakshatra men ho.
7. brihaspati ashubh v kamjor ho evan shani se drisht v uske nakshatra men ho.
8. rahu ashtamesh ke sath yuti bana raha ho vo bhi ashtam bhav, shashth bhav ya dvadash bhav men.
9. guru v shukra ki yuti kisi bhi bhav men ho aur vo lagn, pancham bhav tatha 6, 8 v 12 bhav se sambandh banaye.
10. guru aur shukra ki pancham bhav men yuti ho.
72 pratishat hai. mapadand sankhya - 7 bhi 15 kundaliyon men 34 pratishat tatha mapadand sankhya - 9 kul 12 kundaliyon men payi gayi, jinka pratishat uproktanusar chart men darshaya gaya hai. uprokt nishkarshon ke adhar par mapadand sankhya 1,3,7 evan 9 madhumeh rog ki drishti se asangat pae gae. sabhi mapadandon ko 45 madhumeh rogiyon ki janmakundali par evan 30 gair madhumeh rogiyon ki janmakundali par lagu kar ke dekha hai evan sabhi ankdon ka akalan kar nirnay nikala gaya ki kaun-kaun se mapadand kundali par lagu ho rahe hain. kul anakre madhumeh rog se grast vyaktiyon v gair madhumeh rogiyon ke haine
jinka vishleshan prastut hai-ah
45 madhumeh rog se grast vyaktiyon ki kundali men mapadand sankhya - 1 evan mapadand sankhya - 3 sabse adhik 32 kundaliyon men payi gayi, jo gair madhumeh rogiyon ki janmakundliyon ka vishleshan chitra men darshaye gaye ankron se spasht hai ki madhumeh rog se grast vali janm kundaliyon men pae jane vale mapadand gair madhumeh vale vyaktiyon ki janmakundaliyon men nyunatam paye gaye hanai.
madhumeh rog se grast vali kundaliyon men pae jane vale mapadand sankhya 1, 3, 7, 9 gair madhumeh vale jatkon ki kundaliyon men upalabdh nahin hain.
nishkarsha:
1. p1, p3 sabse mahatvapurn ghatak hain jo madhumeh rog se pirit vyaktiyon ki kundaliyon men upalabdh hanege aur anya vyaktiyon ki kundaliyon men upalabdh nahin hanege. agar kundali men p1, p3 ghatak maujud hain to jatk/ jatika ko madhumeh rog hone ki sanbhavna hoti hai.
2. yadi p1e p3 ghatak kundali men upasthit ho to p7, p9 ghatak ki kundali men upasthiti madhumeh rog hone ki sanbhavna prakat karte hain. sirf p7, p9 ghatak ki kundali men upasthiti madhumeh rog hone ki sanbhavna kam rahti hai. 3. p2, p4, p5, p6, p8, p10 ko najar andaj kiya ja sakta hai.