ngal ke karakatva himmat, shakti, parakram, utsah, bal bhumi, bhai, khat, majja, agni, vidyut, hathiyar, vad-vivad krodh, aham, tanba, tarun avastha adi mangal ke karakatva men ate hain aur apne inhin karakatvon ke karan mangal hamare jivan ke vibhinn pahluon ko niyantrit karta hai jaise- hamara svabhav, svasthya, kariyar, vivah adi. mangal aur svabhav mangal ko parakram aur sahas ka karak mana gaya hai. yadi kundli men mangal svarashi mesh (1) aur vrishchik (8) ya uchch rashi makar (10) men ho to aisa vyakti bahut sahsi aur kisi se dabne vala nahin hota hai aur sadaiv mehanat karne men vishvas rakhta hai.
mangal ke nich rashi kark men hone ya anya prakar kamjor hone se vyakti kuch darpok svabhav ka hota hai. vah larai-jhagron se hamesha dur rahta hai. yadi mangal lagn ko prabhavit kare to aisa vyakti jiddi svabhav ka hota hai. mangal aur svasthya mangal hamare sharir men rakt, pitt ki thaili, manspeshi adi ko niyantrit karta hai. yadi kundli men mangal pirit ho to vyakti ko rakt ki kami ya rakt sanbandhi samasyaen rahti hain, esiditi, hai bi. pi. aur manspeshiyon se juri samasyaen rahti hanai. mangal ke kupit hone se hi fore-fanusi jaisi samasyaen ati hain. striyon ki kundli men mangal pirit hona masik dharm se juri samasyaen bhi deta hai.
mangal aur kariyar yadi janmakundli men mangal balvan ho to vibhinn kshetron men ham age barh sakte hain jaise- ilektrikal injiniyaring, ilektraeniks, sivil injiniyaring, medikal, sivil sarvisej, forsej, sport lain, vidyut vibhag se jure, tanbe se sanbandhit karya adi mangal ke antargat ate hain parantu yadi kundli men mangal kamjor ho to in kshetron men kariyar nahin banana chahiye. mangal aur vaivahik jivan vaivahik jivan ko lekar mangal ka mahatva striyon ki kundli men adhik hota hai
kyonki mangal ko bhi striyon ke mangalya sukh ka karak mana gaya hai. atah yadi stri ki kundli men mangal nichasth ho, trikbhav men ho, shani/rahu se pirit ho to vaivahik jivan men bahut utar-charhav ate hain aur balvan mangal achche mangalyasukh ko dikhata hai. mangal aur manglik dosh manglik dosh ke nam se hamare samaj men bahut bhay vyapt hai aur bahut si bhrantiyan bhi hain. janmakundli ke pahle, chaithe, satven, athven aur barhven bhav men yadi mangal ho to jatak manglik hota hai
parantu iska vaivahik jivan par dushprabhav parega yah ek bhranti hai. do manglik jatkon ke sath men vivah karna unke svabhav, vichar v mansikta ki samantaane ke liye hota hai. manglik dosh ke anek parihar samne ate hain parantu vastavik parihar keval mangal ya shani se hi manna chahiye. mangal aur karj kundli men mangal ka pirit hona bhi karj ki samasyaon se pirit rakhta hai. yadi mangal athven, chathe, barhven bhav men ho,nichasth ho, rahu ke sath ho to aise vyakti ko lanbe samay tak karj ki samasya se jujhna par sakta hai aur asani se ri-pement nahin ho pati. mangal ki anya grahon se yuti mangal $ surya: yadi kundli men mangal aur surya sath men hon to vyakti krodhi v jiddi svabhav ka hota hai. aise jatak ko hai- bi. piki samasya bhi ho sakti hai parantu purusharth karne men age hota hai.
2. mangal $ chandrama: mangal aur chandrama sath hone se vyakti bahut jaldi utsahit ya ati uttejit ho jata hai jisse ati utsah men bahut bar vah apne lakshya se bhatak jata hai.
3. mangal $ budh: mangal aur budh ka yog kundli men hone se vyakti hamesha akramak svabhav ka hota hai. choti-choti baton par bhi bare vivad kar baithta hai. yah svabhav ki drishti se achcha yog nahin hai.
4. mangal $ brihaspati: mangal aur brihaspati ka yog bhi jatak ko kuch ahanvadi banata hai parantu aisa vyakti apne karm aur mehanat ke sath koi samjhauta nahin karta arthat bahut karmath hota hai.
mangal $ shukra: mangal aur shukra ka yog jyotishiya drishti se bahut hanikarak hai. jivan men arthik aur vaivahik paksh ko to bigarta hi hai sath hi yadi is yog par shubh prabhav n ho to jatak ko viprit ling men ati akarshan ki or le jakar charitrik patan ka karan bhi ban sakta hai.
mangal $ shani: mangal aur shani ka yog hone se jatak ko ajivika ke kshetra men anek sangharshashil paristhitiyon ka samna karna parta hai aur ajivika men santoshajanak sthiti nahin ban pati.
mangal $ rahu: mangal aur rahu ka yog achcha nahin hota. kundli ke jis bhav men yah yog banta hai use bigarta hai sath hi aise vyakti ke jivan men shatruta aur durghatanaen bahut hoti hain.
mangal $ ketu: mangal aur ketu ka yog jatak ko bipi. ki samasya de sakta hai, anton se juri samasyaen bhi rahti hain aur yadi yah yog kundli ke athven bhav men ho to pails ki samasya bhi de sakta hai. yadi mangal kundli men pirit ya kamjor hone se samasyaen a rahi hain
to nimn upay avashya karen:
- - un an angarkay namah ka nitya jap karen.
- pratyek manglvar gay ko gur khilayen.
- hanuman chalisa ka path karen.
- gur se bani mithaiyan garibon men banten.
- mah men ek bar majduron ko bhojan avashya karayen.
- pratahkal uthakar sarvapratham dharti mata ko sparsh karke mastak par lagayen.
- ghar ki dakshin disha men diya jalayen.