saur mandal men nau grah vidyaman hain jo samast brahmand, jiv evan sabhi kshetron ko prabhavit karte hain. pratyek grah ki apni visheshtayane hain jinmen shani ki bhumika mahatvapurn hai. shani ko duahkh, abhav ka karak grah mana jata hai. janm samay men jo grah balvan hon uske karak tatvon ki vriddhi hoti hai evan nirbal hone par kami hoti hai kintu shani ke fal inke viprit hain. shani nirbal hone par adhik dukh deta hai v balvan hone par dukh ka nash karta hai. atah shani ke do rup hain. yah chintnshil gahraiyon men jane vala yogi, sannyasi evan khoj karne vala grah hai.
dusra jatak ko divaliya kar bhikhari bana deta hai. atah ya to manav ka star uncha le jata hai ya niche gira deta hai, shani jatak ko uske purva janm ke karmon anusar is janm men shubh-ashubh karm anusar fal bhugtne ka samay niyat karta hai. shani sudhrne ka purn avasar dete hue nahin sudhrne par karmanusar dand deta hai. atah shani dev ko nyayadhish ka pad prapt hai. shani ayu karak grah hai. shani jis bhav men baithta hai us bhav ki ayu ki vriddhi karta hai evan ghatata bhi hai. yadi shatru rashi ya nich ka ho to ayu ghatti hai. uchch rashi ya mitra rashi men ho to ayu barhti hai. jaise- chaturth bhav men shani shatru rashi men ho to mata ki, saptam bhav men ho to pati/patni ki ayu ko khatra rahega. shani ka bhumi, bhavan, patthar v lohe se vishesh sanbandh hai. yah inka karak hai. jab shani chaturthesh athva yog karak hota hua balvan ho evan dhandhe ka dyotak ho to adhikansh bhumi ki prapti hoti hai.
shani ka saptam bhav, lagn, lagnesh, dashmesh se sanbandh hone par bhavana/sarak nirman, patthar, siment adi karya men saflta dilata hai. shani adhomukhi grah hai atah bhugarbh men rahne vale padarth loha, koyla, petrol, bhumi v tel ka karak hai. jab shani chaturthesh v dhandhe ka karak ho to inse dhan labh deta hai. shani mrityu se ghanishth sanbandh rakhta hai. atah mrit sharir se prapt hone vale chamre se shani ashtamesh tritiyesh hone par dhandhe ka dyotak hota hai arthat chamra juton ka vyavsay karata hai.
shani rog karak hai. surya-rahu ka prabhav ho to vaidya, chikitsak ka karya athva naukri men saflta dilata hai. jyotish shastra men meshadi rashiyon ko kalpurush men barah rashiyon evan janmakundli ke dvadash bhavon ke anusar rog ke kshetra evan unki pahchan batai gai hai. rashiyon ke svami evan dvadash bhavon ke svami pap grahon se drisht shatru ya nich bhav men honge to sanbandhit angon par sanbandhit rog denge. nav grahon men mukhyatah rog karak grah surya, shani, rahu hai. surya navagrahon men raja evan agni tatva grah hai jo manav sharir sanrchna ka karak hai. surya ka adhikar netra, haddi, hriday, pet evan atma par hai.
.
shani vishesh rog karak grah hai jiske dvara dirghakalin rogon ki utpatti hoti hai. shani vayu tatva grah hai evan vat, kaf, chot, moch, sanghate, pet, majja, durbalata, sukhapan, vayu vikar, ang vakrata, pakshaghat, ganjapan, joron men dard, sukha rog, pindliyon ke rog, charm rog, snayu rog evan mastak rog adi deta hai. koi bhi rog v dosh kasht kisi n kisi grah dosh se kitna hi pirit kyon n ho uska asar jivan men shashthesh, ashtamesh evan shani ki dasha ane par evan anisht bhav ya shani ki sarhesati evan dhaiya ane par hota hai. falit jyotish men rahu ko shani ke saman mana gaya hai.
rahu se pret badha, mirgi, pagalapan, anishchit bhay, vaham, rat ko bhayankar sapne ana, sharir men dard, chot durghatana jaisi ghatnaen hoti hain. atah surya, shani, rahu in tinon grahon se adhishthit rashi ka svami evan dvadshesh ye sab prithktajanak prabhav rakhte hain atah jis bhav par inka prabhav parega jatak ko un bhavon se sanbandhit vyaktiyon, vastuon adi se prithak hona parega. udahrnarth yadi ukt prithktajanak prabhav dvitiya bhav par pade to pati /patni ko tyag dega, talak tak ki naubat a jayegi. dasham bhav par pare to vyavsay/naukri se prithak hone ke karan hani hogi. surya, shani, rahu men se koi bhi do grah jis bhav adi par nich prabhav dal rahe hon to prithkta ho jati hai. in sab dashaon men nishchit fal ki prapti tabhi hoti hai
jabki bhav ke sath-sath ukt bhav ka svami tatha ukt bhav ka karak prithktajanak prabhav men ho. uttarakalamrit ke anusar- bhavat-bhav pateshch karak vashat tat-falan yojntah arthat kisi bhi bhav ka vichar karte samay sanbaddh bhav, uske svami evan uske karak grah par vichar kiya jana avashyak hai. udaharan ke lie kalpurush ki chaturth rashi kark evan janm kundli ke chaturth bhav ke pirit jatak ki janmakundli darshayi ja rahi hai jatak kshay rog se pirit hai jis par surya, shani rahu evan dvadshesh surya ka spasht prabhav hai.
dvadash bhav/kalpurush ang evan sanbandhit rog bhav rashi kalpurush ang sanbhavit rog pratham bhav mesh sir sharir, rang, rup, duahkh-sukh, siradard, mastishk rog, netra rog, apasmar, pitt rog. dvitiya bhav vrish mukh ankh, nak, kan, svar, vani, saundarya, netra, dant, kanth rog, sujan tritiya bhav mithun bhuja, kandhe, shvans nali dama, khansi, fefre, shvans sanbandhi rog, kandhe, banhane-hathon men rog, elarji chaturth bhav kark chati, hriday udar, chati, vaksh sthal, hriday rog, jalodar, kainsar, vat rog, udar, gurde ke rog. pancham bhav sinh pet, dil pachan tantra, garbhashay, mutra, pind evan vasti, hriday, asthi, fefrane ke rog. shashth bhav kanya gurde, antriyan ghav, alsar, guda sthan adi anton ke rog, ainthan, dast, gathiya. saptam bhav tula nabhi, guptendriyan jannedriya, guda rog, mutrashay, pathri, madhumeh, rirh ki haddi ke rog. ashtam bhav vrishchik ling, guda, andkosh gupt rog, pira, durghatana, bavasir, kainsar, harniya, rakt dosh rog. navam bhav dhanu janghane, nitanb mansik vriddhi, rakt vikar, gathiya, pakshaghat, ghav, chot. dasham bhav makar ghutne atmavishvas men kami, karm men badha, jorane ka dard, gathiya, charm rog. ekadash bhav kunbh pindliyan pindliyane men rog, snayu durbalatam, hriday rog, rakt vikar, pagalapan. dvadash bhav min charan, pair anidra rog, pairon ke rog, lakva, moch, rajayakshma rog.
shri shani dev ka parichay shani dev ke pita shri suryadev shani dev ki mata shri chaya (suvarna) shani dev ke bhai yamraj shani dev ki bahan yamuna shani dev ke guru shivji shani dev ka gotra kashyap shani dev ki ruchi adhyatm, kanun, kutniti, rajniti shani dev ka janm sthal saurashtra shani dev ka rang shyam krishn shani dev ka svabhav ganbhir, tyagi, tapasvi, hathi, krodhi shani dev ke priya sakha kal bhairav, hanuman ji, krishn ji, budh, rahu shani dev ki rashi makar, kunbh shani dev ka karyakshetra praniyon ka nyaydata shani dev ke nakshatra anuradha, pushya, uttarabhadrapad shani dev ka ratn nilam shani dev ke priya din shanivar, tithi amavasya shani dev ki priya vastuen kali vastuen, kala kapra, tel, gur, urad, khatta, kasaila padarth shani dev ki dhatuen loha, ispat shani dev ka vyapar loha, ispat, siment, koyla, udyog, kal-karkhane, petroliyam, transport, medikal, pres, hardaveyar shani dev ke rog vat rog, shugar, kidni, kushth, pagalapan, tvacha rog nidan shanivar ke din sandhya ke bad, din-hin garib-burhon ko shani ki priya vastuen dan men den aur vrat adi karen.
prabhav sarhe sat varsh mahadsha 19 varsh mukhya darshan sthal shri shingnapur, maharashtra kokila-van, kausi, shanidev mandir, gvaliyar, siddhashakti shanidham mahrauli, shri gita mandir, siddh shanidham vikas nagar, ludhiyana shani mantra un suryaputro dirghadeho vishalakshah shivapriyah. mandchar prasannatma piran hartu me shaniah.. un nilanjan samabhasan ravi putran yamagrajan. chayamartandasanbhutan tan namami shanaishcharam.. shani das nam ¬ konasthay namah ¬krishnay namah ¬ raudratmakay namah ¬ manday namah ¬ shanaishcharay namah ¬pillay namah ¬ yamay namah ¬pinglay namah ¬ babhru namah ¬ sauray namah shani dev ji ki arti jay jay shri shanidev bhaktan hitkari. suraj ke putra prabhu chaya mahtari. jay jay .. shyam ank vakra drisht chaturbhaja dhari. nilambar dhar nath gaj ki asvari.. jay jay .. krit mukut shish rajit dipat hai lilari. muktan ki mala gale shobhit balihari.. jay jay .. modak mishthann pan charhat hain
supari. loha til tel urad mahishi ati pyari.. jay jay .. dev danuj rishi sumirat nar nari.. vishvanath dharat dhyan sharan hain tumhari.. jay jay .. naman vipda, sankat, kasht aur darun dukh bharpur. sarhesati ka samay, bara vikat aur krur.. ishabhajan aur sadupay, harain klesh krur.. shani kripa, sadbhav se rahen duahkh sab dur..