manushya ki janmakundli men sthit grahon ke vibhinn prakar ke sanyog aur balabal ke adh yayan se vyakti vishesh ke acharan, adarsh aur siddhant ka tatha unse kisi desh ya rajya par parne vale prabhav ka bodh ho sakta hai, aie, janmakundli ke madhyam se pata lagaen ki kaun se grah yog shasak ko krantikari tanashah aur kaun suhriday loktantrik banate hain. dharmik, rajnaitik aur samajik kshetra men manushya ke chintan, darshan aur karyashaili par akashiya grahon ki rashmiyon ke rup men kuch adrishya prernaon ka niyantran hota hai, jisse anek prakar ki vichardharaon jaise - vyaktivad, adarshavad, samajvad, makrsavad, gandhivad aur upyogitavad ityadi ka prasfutan hota hai. manushya ki janmakundli men sthit grahon ke vibhinn prakar ke sanyog aur balabal ke adhyayan se vyakti vishesh ke acharan, adarsh aur siddhant ka tatha unse kisi desh ya rajya par parne vale prabhav ka bodh ho sakta hai, jisse us vyakti ke sakaratmak ya nakaratmak drishtikon men se sarthakata ki upaj ki asha ki ja sakti hai. jyotishiya granthon ke anusar dasham bhav, dashmesh, surya, chandra, mangal, budh, guru aur shani ki balvan avastha men rajnitigyaon ka janm hota hai. inmen sarvapratham dasham bhav aur iske svami ka bal mahatvapurn hota hai, tatpashchat anya grahon ka.
surya aur chandra donon shahi grah hain, jo bali avastha men netritva, adhikar aur satta ke karak hote hain. surya svayan raja hai, jo praniyon ko ann, jal aur prakash ke rup men urja pradan karta hai. chandra man ka karak hone ke karan kisi karya hetu vyakti ke man ko ekagra karta hai. manushya ka man anek bhavnaon ka samudra hai, jismen uski apni pravrittiyan aur ichchaen hoti hain, jinke anusar uski mansikta, vyavharikta aur karya pranali niyantrit hoti hai. islie chandra ke madhyam se manushya ke man ka jyotishiya adhyayan karke uski mansik shakti, pravriÿia aur karyashaili ka bodh ho sakta hai tatha kisi karya hetu uski vigunta, nyunta ya kamiyon ko dur karne ke upay bataye ja sakte hain. nirbal chandra se manushya ka vyaktitva anek mansik vikritiyon jaise chinta, bhay, tanav, dvesh, ishrya ke karan shrihin hota hai, jiska samajik aur rajnaitik vyavastha men koi sthan nahin hain. rajnitigya aur khilariyon ke lie mangal aur rahu ki urja se virodh, dabav aur tanav sahne ki kshamata utpann hoti hai. mangal krur, kshatriya aur yuddhapriya svabhav ka hota hai jiske sang atyachari, uchchrinkhal aur achanak ghatnaon ko utpann karne vala, rahu uddipan ka karya karta hai. jab in donon men se kisi ek ya donon ka sanyog man-karak kisi grah se hota hai to manushya ki vaicharikta ka vidhvansak rup mukhrit hone lagta hai. atah jab kisi vyakti ki kundli ke kendra bhavon men surya, mangal, shani aur rahu men se do ya tin ka samuh ho, to aisi yuti se krantikari vaicharikta ka janm hota hai, jo loktantrik vyavastha ke lie ek abhishap hai, kyonki aise vyakti ugra, ushn, udvign, krodhi, abhimani, kalhkari aur mahatvakankshi svabhav ke hote hain, jiske karan ve rajnaitik kshetra men tanashahi siddh hote hain.
arddhashatabdi purva itli men musolini aur jarmani men hitalar aise do ghrinaspad tanashahi shasak the, jinke lie sanpurn vishva men koi samman nahin hai. inki kundliyon ka jyotishiya vishleshan karne par gyat hota hai ki inke lagn, lagnesh aur chandra par pap grahon ke prabhav hone ke karan in donon ka svabhav krantikari magar ishryalu, pratikari, kalhkari aur yuddhapriya tha, jiske karan ve manviya sahridyta ke pratikul karya karte the. vastavikta yah hai ki kundli men uparyukt grah vinyas se manushya ke andar asim shakti ka sanchar hota hai. asimit shakti se manushya ke acharan ki shalinta, satvikta, sahishnuta, vinamrata aur atmiyata ka ksharan hone lagta hai, jiske karan uski rakshasi pravriÿia prabhavi hone lagti hai. parinamasvarup manushya is shakti ka sadupyog apne antahkaran ki avaj arthat apni pragya aur apne vivek ke anusar nahin kar pata. 31 varsh purva hamen is tathya ka abhas hua tha jab shrimti indira gandhi ne apni saÿaa ko bachaye rakhne ke lie 25 jun 1975 ki ratri men bhartiya prajatantrik pranali ka gala ghont kar apatkal ki ghoshna ki. anek log giraftar kie gae, akhbaron ki svatantrata par pabandiyan lag gai aur virodhiyon ko anek prakar se pratarit kiya gaya. indira gandhi ki kundli men us samay shani-ketu ki dasha chal rahi thi. is kundli men surya aur mangal tatha chandra aur shani ke madhya rashi parivartan yog jahan rajyog karak hai vahin hath yog karak bhi hai. kintu, pancham bhavagat surya-budh ka brihaspati se drishti sanbandh kunthit chetna aur sankuchit mansikta ka nishedh karta hai tatha sarvasmaveshi charitra ka nirman bhi karta hai. atah kuch samay pashchat shani-shukra ki dasha men unhonne apni bhul sudhar kar fir loktantrik vyavastha men vishvas sthapit kiya. sarvarth chintamni, adhyay 8, shlok 16 men varnan hai- agyasthangte suryebhumiputren va yute.
kendranvite tadishepi kruramagyan karoti sah.. ”yadi dasham bhav men surya aur mangal ki yuti ho tatha dashmesh kendra men ho, to aisa manushya krur agya deta hai.“ hamare vichar se kisi bhi kendra bhav - lagn, chaturth, saptam aur dasham bhavagat surya ke sang yadi koi pap grah ho, to manushya krur agya dene vala arthat tanashahi vyavhar karne vala hota hai. pakistan ke rashtrapti parvez musharraf ki kundli 1 men dasham bhavagat svagrihi mangal (ruchak yog) aur lagn bhavagat surya v rahu tanashahi pravriÿia ke karak hain. ye grah unke fauji, neta aur shasak hone ke lie paryapt urja pradan kar rahe hain. kargil yuddh unhin ke karan hua tha aur unhonne hi loktantra ki hatya karke pradhanmantri navaj sharif se loktantrik satta chin li thi. budh, guru aur shukra rajniti ke karak nahin hain, balki rajniti men saflta hetu buddhi, gyan aur vyavharikta se paripurn bhumika taiyar karte hain. hitalar ki kundli 2 men saptam bhavagat surya, mangal mesh rashi men vidyaman hai. mesh rashisth mangal ke karan hitalar ki kundli bhi ruchak yog hetu ek utkrisht udaharan hai, kintu surya, mangal aur mesh rashi ke kshatriya evan agni tatva ke gunon ka lagn par prabhav tanashahi pravriÿia ka dyotak hai. yadyapi hitalar ki kundli men dasham bhavagat shani yogkarak aur loktantrik hai, jo rajya pradata to hai, kintu iska mangal se drishti sanbandh krur aur vidhvansak hai. jar-chetan, charachar aur parmeshvar ka darshan karne vali srishti men tanashahi pravriÿia ka abhas santapkari hai. prachin kal men log raja ko ishvar tulya manakar uski agya ko shirodharya karte the. avagya pap mani jati thi.
ajakal rajya ki satta ka antim srot janta hai, jiske mat se kisi vyakti vishesh ko rajya ya desh ki saÿaa saunpi jati hai. aj ekadhikarvad nahin hai, balki bahulyavad hai, jise loktantra kahte hain. is vyavastha men jo vyakti janta men apna akarshan rakhta hai, prabhav rakhta hai, vyavharkushal hai aur lokhitkari hai, vahi ek din rajya ya desh ka shasak banta hai. aisi vyavastha men shani loktantrik hone ke karan janta v samaj ka pratinidhitva karta hai. islie balvan shani ya shash yog se labdh kundliyon ke vyaktiyon ko desh, rajya aur samaj ke sanrakshan, sanvarghan aur sangathan se sanbandhit samasyaon aur karya kshetra ka sahaj gyan hota hai, jisse ve samaj ki antahchetna men ekaras, ekatmata aur samadar ka bhav prasfutit karne ke nimiÿa ho jate hain. atah jyotishiya aur rajnaitik drishtikon se loktantrik deshon men kisi rajnitigya ke lie shubh shani ka balabal bahut mahatvapurn hota hai. jab kisi vyakti ka svagrihi ya uchch kshetri shani shash yog ke rup men ya shubh grahon se yukt ya drisht hokar balvan hota hai, to vah vyakti vasudhaiv kutunbakam arthat samast sansar ko kutunbavat mante hue loktantrik vyavastha ki avdharnaon, nishthaon aur maulik adhikaron ki raksha hetu chetan hota hai. aise vyakti ke shasnkal men janta ko rajnaitik, samajik, arthik, adhyatmik aur sahityik kshetron men svatantratapurvak karya karne ke avasar prapt hote hain. atah shubh shani vaidh rajnitik vyavastha ka karak hai -aisi vyavastha jise manne ki bhavna logon ke man men ho. brihtjatak adhyay 20, shlok 9 ke anusar- gurusvakrshochchasthe nripti sadrisho grampurpah suvidvanah charvango dinakar samo'nyatra kathitah.. ”jab shani sva, uchch ya guru ki rashi men ho, to jatak anek ganvon par shasan karne vala raja ya raja ke saman vidvan aur sundar angon vala hota hai.
“isi prakar faldipika adhyay 8, shlok 24 men kaha gaya hai - dasham bhavagat shani se jatak mantri ya raja ya uske saman dhani, shurvir aur prasiddh hota hai. kisi desh ya rajya ke shasak ka uddeshya apni janta ka samajik, bhautik aur arthik kalyan hota hai, jismen sarvasadharan ka jivan star uchch ho. ye sabhi shukra pradhan gun hain. manushya men man, buddhi aur atma ka vas hota hai, jo use naitik aur adhyatmik sukh ki or prerit karte hain. pap grahon se mukt aur brihaspati jaise shubh grah se yukt ya drisht shani ki prerna se sattasin vyakti ki antahchetna, duradarshita aur samadar ki bhavna jagrat hoti hai, jisse samaj ka dharmik, charitrik aur naitik rup se poshan hota hai. shani kal-karkhane aur udyogon ka pratik hai, islie shani pradhan shasak desh ke udyogon ke sanvardhan hetu prerit hota hai. is prakar shani kisi desh men aisa vatavaran paida karta hai, jismen logon ki adharbhut avashyaktaon ki purti ho, sarvangin vikas ho, amir-garib ka bhed aur asprishyata ki bhavna samapt ho tatha desh ki shakti ka vikanedrikaran ho. yahi sachcha loktantra hai. bangladesh ke janmadata shekh mujiburrahman ne pakistani tanashahon ke viruddh loktantravadi avaj buland ki. unhonne apni jan ki parvah n karte hue rashtrapti yahya khan ki tanashahi fauj ka bhartiya fauj ke sath milakar mukabla kiya, jisse ek loktantrik desh ka udgam hua. unki kundli 3 ke dasham bhavagat balvan shani hai, jiski drishti svagrihi chaturth bhav par hai. chaturth bhav janta ka hai aur dasham bhav shasan ka. donon ke sanbandh se janta ka shasan sthapit ho gaya.
bangla desh aj bhi loktantrik hai, jabki pakistan tanashahon ki giraft men hai. morarji desai ki kundli men navmesh shani aur dashmesh guru uchch rashisth hain tatha pap grahon se mukt hain. ye donon grah dhairya, drirh sankalp aur loktantra ke pratik hain. san 1975 ke apatkalin samay ki tanashahi sahne ke pashchat unhonne pradhanmantri ke rup men ;24 march 1977 - 15 julai 1979ddh loktantrik vyavastha ko majbut kiya. ve satyavadi, shakahari, imandar, karmath aur dharmik vyakti the. isi prakar pan. javahrlal nehru ki kundli men dvitiya bhavagat shani par guru ki drishti hai. svatantra loktantra ki sthapna ke lie unhonne jivan bhar karya kiya. karla makrs ki kundli 5 men lagn bhavagat svagrihi shani se balvan shash yog ban raha hai. kendra men do shubh grah- budh aur shukra vidyaman hai, jinse makrs ek lekhak, patrakar, sanpadak, samajik aur rajnaitik chintak ke rup men prasiddh hue. unke vicharon ko samajvadi aur loktantrik disha mili, jisse unhonne ekadhikarvad aur punjivad ke viruddh bigul bajakar majduron aur kisanon ke hitarth vrihad prayas kie. iske parinam svarup sanpurn vishva men majduron aur kisanon ki bhalai ke lie anek kanun bane. abraham linkan ki kundli 6 men lagnesh shani dasham bhav men balvan hai. unka janm bahut garib ghar men hua tha. pita ashikshit the. lagn bhavagat surya-budh ki upasthiti se unhen pathn-pathan men bahut ruchi thi shayad isilie kashton se bharpur vatavaran men bhi unhonne apni padhai-likhai purn ki. yah grahon ki hi adrishya shakti thi, jo unhen nirantar adarsh chintan aur vicharon se abhibhut karke rajnaitik kshetra ki or prerit kar rahi thi. anttah unhonne amerika ke 16 ven rashtrapti ke rup men 4 march 1861 ko pad bhar grahan kiya aur gulam pratha ko samapt kar samaj ke pichre varg ko loktantrik rup se jine ka adhikar diya.