vakri shani- kejrival v modi ke lie afat .. vakra krura mahakruraah, vakra shubha mahashubhaah.. jab krur grah vakri hote hain to ve ati krur arthat mahapapi ho jate hain. isi prakar yadi shubh grah vakri ho jaen to ve mahashubh hokar vishesh shubh faldayi ho jate hain. vakri shani 2 march se 21 julai 2014 14 march se 2 agast 2015 vakri guru 7 navanbar 13 se 6 march 2014 9 disanbar 2014 se 8 aprail 2015 8 janvri 2016 se 9 mai 2016 guru ka rashi pravesh mithun 3 mai 2013 kark 19 jun 2014 sinh 14 julai 2015 kanya 11 agast 2016 tula 12 sitanbar 2017 shani ka rashi pravesh vrishchik 2 navanbar 2014 dhanu 26 janvri 2017 vrishchik 21 jun 2017 dhanu 26 aktubar 2017 rajnitigyaon ke lie shani ki sarhesati vishesh labhdayak siddh hote hue dekhi gayi hai parantu sarhesati ke samay chandrama ke ekadam upar shani ke a jane se iska shubh prabhav kam ho jata hai. yadi shani chandrama ke piche hai aur vakri hai to shubhfldayak hota hai. yadi shani chandrama ke age hai aur vakri hai to ashubh faldayak hota hai.
gochar ke margi shani ki janmarashi par drishti ho to shubh parinam milte hain aur vakri shani ki drishti se ashubh parinam milte hain. kejrival ke lie chathe bhav men shani v rahu ke gochar ne 2014 ke chunav men jit dilakar inhen mukhyamantri banaya. 14 farvri 2014 ko inhonne mukhyamantri ke pad se tyagapatra de diya. 2 march 2014 se 21 julai 2014 tak shani ke vakri hone par rajniti ke kshetra men inki pakar kamjor hui aur inki imej ko dhakka laga parantu 2 navanbar 2014 ko jaise hi shani vrishchik rashi men aya to is margi shani ki janmakalin chandrama par drishti parne se inhen chunavi samar men shreshthatam saflta mili. 14 march se 2 agast 2015 tak shani vakri hokar janmakalin chandrama par drishti dalega aur yah samay inke lie kathinaiyon se bhara hua hoga. guru ke vakri hone se kejrival ko vishesh labh milta hai. 7 navanbar 2013 se 6 march 2014 ke samay men vakri guru ke chalte inhen satta prapt hui.
punah 9 disanbar 2014 se 8 aprail 2015 men vakri guru ke chalte ye punah sattarurh huye. inki janmapatri men nich ke mangal ki v nich ke shani ki chathe bhav par drishti tatha rahu ki chathe se chathe bhav men sthiti ke falasvarup inhen apne shatruon ko nasht karke janta ke chaturth bhav par chaturthesh ke sath shubh grahon ka jamavra apar jan samarthan jutane men sahayak hota hai. isi karan chathe bhav par margi shani, rahu v guru ke sanyukt gochriya prabhav se ye 2014 ke chunavi samar men vijyi hokar sattarudh ho paye. tatpashchat vakri guru v margi shani se inhen 2015 men punah satta prapt hui. 8 aprail 2015 ke bad jab guru vakri nahin hoga aur shani 14 march se vakri hone ja raha hai islie agami samay kathinaiyon se bhara hua hoga. inki kundli men janta ka chaturth bhav vishesh bali hai islie chaithe bhav par guru ka gochar inhen 2 agast 2015 ke pashchat shani ke margi hone ki sthiti men inki rashtriya star par shreshthatam pahchan banegi aur ye ek rashtriya neta ke rup men ubhrenge.
narendra damodar das modi ke kes men shani ke 2 march se 21 julai 2014 tak vakri hone ki sthiti men inhen satta v vishesh samman mila kyonki sarhesati ke samay gocharasth shani janmakalin chandrama se piche tha v piche ki or hi ja raha tha. parantu 2 navanbar 2014 ke bad shani ke chandrama ke ekadam upar ane par modi ka rajnitik kshetra men ekaek patan ho gaya aur unka vijay rath ruk gaya. is samay yah gochar janm rashisth chandra v mangal donon ke upar hone se ghatak hua. mangal ki digri 0 hone se is sthiti men yah shani mangal ko pura prabhavit karte hue chandrama ko aur adhik nakaratmak prabhav dene laga. abhi sthiti jas ki tas bani hui hai. 14 march 2015 se 2 agast 2015 tak shani ke vakri rahne par modi ke lie yah nirantar afat karta hi rahega. ab ye chandrama ko punah par karega tatpashchat margi hone ke bad aktubar men punah par karega arthat shani sarhesati ke dauran tin bar inke janmakalin chandrama ko par karta rahega jiske parinamasvarup 10 aktubar 2015 tak inki pareshaniyan charam par rahengi aur rashtriya neta ke rup men inki imej ko nirantar kshati hoti rahegi.
yah spasht kar den ki 2014 men vakri shani modi ji ke lie shubh tha kyonki vah chandrama se dur ja raha tha. ab 2015 men vakri shani kashtakarak hai kyonki chah chandrama ke upar hai v uske as-pas hi ghum raha hai. 10 aktubar 2015 ke pashchat janmakalin chandrama v gocharasth shani men sarhesati ke dauran duri lagatar barhti jayegi aur ye apne khoye hue gaurav ko punah prapt karne men saksham honge. is samay guru v shani ka sanyukt gochriya prabhav raj man ke dasham bhav par bhi parega. shani to margi hoga hi sath hi 8 janvri 2016 se 9 mai 2016 tak guru ke vakri rahne par nishchit rup se ye apne karyon ke karan desh ko pragti ke path par dal payenge. narendra modi ki tarah kiran bedi ki bhi vrishchik rashi hone se sarhesati chal rahi hai aur 2 navanbar 2014 ke bad gocharasth shani chandrama ke thik upar a jane se inki sarhesati ne inhane rajnitik satta to dikhai lekin shani ki chandrama se ati samipta ke karan viprit fal mila aur parinam svarup satta inke hathon se fisal gai.
agami samay men shani ke vakri hone se n keval rajnitik kshetra men modi ko nuksan hoga sath hi inke svasthya par bura prabhav par sakta hai. kejrival ke lie march ka mahina svasthya ki drishti se pratikul hi rahega. parantu guru ka gochar chaturth bhav men hone se inke svasthya men sudhar hoga v inka shugar leval bhi niyantrit rahega. kejrival ki kundli men aktubar 2017 men jab shani vakri hone ke bad margi hokar punah dhanu rashi men pravesh karega to ashtam bhav men ashtam dhaiyya tatha gocharasth guru ke lagn v chandra se chathe bhav men hone se inke svasthya men jabaradast giravat aegi aur us samay inhen apne svasthya ka vishesh dhyan rakhna hoga.