shvas rog dama apne nam ke anurup hi jan par ban ane vala rog hai. dama kyon hota hai? iske lakshan kya hain? isse bachne ke kya upay hai n?iski sahi upchar vidhi kya hai? janne ke lie parhie yah alekh....
dama sans nali ka bar-bar hone vala rog hai. is rog men vatavaran men maujud vibhinn uttejak padarth sans naliyon ko sanvednshil karte rahte hain jisse ki ve sikur jati hain aur sans lene men kathinai utpann ho jati hai.
dama kis ayu men hota hai:
yah rog kisi bhi ayu men ho sakta hai. parantu bachchon men panch varsh se kam ki ayu men yah rog jyada hota hai. kuch rogi isse chutkara pa lete hain to kuch ko yah jivan paryant satata rahta hai.
is dashak men dama ke rogiyon men 75 pratishat tak barhotri hui hai. akele amerika men hi karib 6 pratishat bachche dama rog se pirit hain. aur shahron ke bachchon men to yah rog karib 40 pratishat tak paya gaya hai. baron men yah rog stri v purush donon ko barabar hota hai.
vansh dar vansh:
agar man ya pita men se kisi ek ko dama rog ho to bachchane ko dama ka khatra 25 pratishat aur agar donon hi rogi hon to 50 pratishat tak ho jata hai.
iske atirikt yah us vyakti ko bhi ho sakta hai jo elarji rog se grast ho, use jukam rahta ho, chinkane ati hon ya sainas ho. tvacha men pitti ya chapaki ke karan bhi yah rog ho sakta hai. vibhinn prakar ke charm rog jaise ekjima, soriyasis adi ke sath bhi yah rog ho sakta hai.
jo mataen garbhavastha ke dauran dha¬umrapan karti hain, unke bachchon ko dama rog ka khatra bahut adhik ho jata hai. shahar men rahne vale bachchon men to yah rog, jaisa ki upar bataya gaya hai, 40 pratishat tak bhi paya gaya hai. shahron men bachche dhul men panpne vale kit aur tilachatte ke mal ke sanpark men ane se ganvon ke mukable jyada dama rog ke shikar ho jate hai.
dama ke anya utprerak karn:
- vatavaran men tej gandh, chirmirahat karne vala dhuan, biri, sigret, va¬hnon, milon adi se niklne vala dhuan ya anya dushit vatavaran.
- thandi hava.
- silai env galiche udyog se jure log.
- kuch davaen, jaise, aispirin salfa evan nsaid adi. kuch khas vyavsayon jaise pashupalan ya murgi palan kendra men karya karne vale.
- paltu janavar jaise billi, kutte athva ghore ityadi.
- patthar torna, ret vyavsay men karya karna.
- gale men fafanudi, vayaral ya anya sankraman hona.
- fulon ke parag kan
- sharirik ya fir mansik tanav.
- kuch khane ki vastuen jaise- anda, mans, machli, madira, chaynij saes, soyabin, kaju, dudh evan dudh se bane padarth, mungfli aur mungfli se bana makkhan ityadi.
dama rog men hone vali rasaynik kriya:
dama rog fefre ki aisi bimari hai, jismen sans ke lene aur chorne men avrodh se sans khinchakar ati hai. sans manspeshiyon ke bharasak prayas ke bavjud fefre men sthit rakt kepilerij men aeksijan tatha karbanadayaeksaid ka samuchit adan pradan nahin hota. natija hota hai sans ka tej-tej chalna ya daura, sans nali ki manspeshiyon ka sikurna, sans nali ki divar men sujan aur balagam ka banna. shuru ki avastha men rogi ko mamuli khansi ya balagam ane jaisa koi lakshan nahin rahta- khas kar daure n hone ki avastha men. jab rogi ko khansi nahin hoti us avastha men bhi balagam ka banna chalu rahta hai. is balagam men jab sankraman ho jata hai tab dama ke daure parne ki ashanka barh jati hai. bina elarji ke dama men rog ki shuruat e is t a i l k a e l i n namak rasayan ka srav hone se hoti hai. is rasayan ki vajah se mast koshikaon se histamin namak rasayan niklta hai. ye mast koshikaen sans nali ki divar men maujud hoti hain. yahi histamin sans nali ki manspeshi ko sikorte tatha usmen adhik balagam paida karte hain, parinam svarup khansi aur khansi ke sath balagam ukhrna jaise lakshan utpann hote hain.
jin bachchon men elarji ke uprant dama rog hota hai, unmen, vatavaran men faile paragakan, ghar men mitti men panap rahe kit, dastamait, tilachatte ki tatti adi ke sans nali men pravesh karte hi rasaynik kriya shuru ho jati hai jiske falasvarup imyunoglobyulin ;pham pauundvhsvainspdeddh atyadhik matra men utpann ho jata hai aur yahi imyunoglobyulin sans nali men maujud mast koshikaon se chipak jata hai. tatpashchat histamin namak rasayan ka srav hota hai. yahi histamin sans nali ki manspeshi ko sikor deta hai. parinam hota hai dama ya fir dama ka daura.
keval histamin hi nahin, kuch anya rasayan bhi der saber in ige immunoglobulins ke chipkne ke falasvarup utpann hote rahte hain aur inse balagam ka banna, sans nali ka atyadhik sanvednshil rahna, bina ruke chalta rahta hai. ye rasaynik badlav, rogi ko bahut hi mamuli karan se, jaise vayaral sankraman ya mamuli sa mansik tanav ya fir bina kisi karan ke bhi, rog ko banae rakhte hain.
kab daura parne vala hai is bat ka abhas in rogiyon ko, mirgi daure ke rogiyon ki tarah hi ho jata hai. ye lakshan hain- pasina ana, chinken ana, gale men gulguli hona aur uttejit ho jana adi. jinhen elarji rahti hai, unhen ankhon ke charon taraf khujli hoti hai ya fir gale men dhuan ya rassi ke bandhne jaisa anubhav hota hai.
dama rog ke lakshana:
jab mamuli dama ho tab keval khansi hi ekmatra lakshan rahta hai. ya fir jab bachche vyayam karen, dauren bha¬agane, sirhiyan charhane ya thandi hava men jaen tabhi unhen khansi hoti hai. parantu jab dama jyada ho tab sitiyan bajne lagti hain. sans kafi khinchakar ati hai. sans ki manspeshiyan bhi kam karne lagti hain. bar-bar manspeshi ke adhik kam karne se chati dukhne lagti hai. bachcha let nahin pata hai. baithne ya fir age jhukakar baithne se thora aram milta hai.
vayask rogiyon ki sans fulti hai ya khinchakar ati hai, khasakar sans ke chorne men jyada avrodh ata hai aur khansi rahti hai. is rog ke daure jyadatar rat ke samay hi ate hain, vaise ye daure kabhi bhi, kahin bhi par sakte hanai. kisi-kisi rogi ko chati par vajan rakhe hone jaisa abhas hota hai, sath men sukhi khansi bhi ati hai.
yadi dama rog ka ilaj nahin kiya jae, to yah emfaisima namak rog ko janm deta hai. sabse choti sans naliyon men n thik ho sakne vali kshati ho jati hai. chunki barabar jyada hava fefron men rahti hai aur sans lene ke lie jyada kam karna parta hai, islie chati akri hui, pipe ke akar ;thantatamas einchamak bimejaddh ki ban jati hai aur kamar age ko jhuk jati hai.
nidan: dama ka nidan bahut asan hai. stethoskop ;aijmjivebavachamaddh ko chati par rakhakar, sans khinchakar sunne se siti ki avaj sunai pare ;tivdbipaddh to ise dama ka lakshan samjhna chahie. palmonri fankshan janch kar bhi is rog ka pata lagaya jata hai.
palmonri fankshan test ;chnasauv¬dantal thnadabajapavad jmejaddha: is janch se nimnalikhit baton ka pata lagaya jata hai:
1. kitni hava fefre men rah sakti hai.
2. kitni teji se manushya hava ko fefron ke andar aur bahar le ja sakta hai.
3. kitni bari satah se aur asani se hava fefron se rakt men pravesh karti hai.
spairogram ya pi ef ti ;chthjddh, jachane ke dauran ef vi si ;thtabddh ef i vi 1 ;thmta1ddh tatha ef i vi/ ef vi si thmtadhthtabddh adi ko mapa jata hai.
janch ke dauran hi sans nali kholne ki dava, selabyutamol, ya terbuta¬lin dekar is bat ki janch ki jati hai ki sans nali puri tarah khulti hai athva nahin. isse rogi ko kin-kin davaon, inhelar adi ki jarurat paregi yah tay kiya jata hai.
kuch logon men fefre ke ayatan ki janch ;snadah avsnaum jamejaddh bhi karne ki avashyakta par sakti hai.
pik flo mapak : pik flo map dama rogi ke lie thik vaisi hi hai jaisi ki blad preshar ke rogi ke lie raktachap map.
jaise raktachap ki map ke bad hi davaen kam, jyada ya fir badalakar di jati hanai, thik usi prakar pik flon map se bhi davaen kitni prabhavshali hain yah tay kiya jata hai.
kuch anya karan jinke lie pik flo map avashyak hai.
1. kabhi-kabhi isi map dvara hi dama rog ki pushti ki jati hai. keval ek bar ki map nahin balki samy-samay par, pratidin ya prati saptah yah map li jati hai.
2. is map dvara kisi khas vatavaran jaise karyalay, rasoi ya fir faiktari men koi utprerak karan maujud hai ya nahin iska pata lagaya ja sakta hai.
3. dama ki dava inhel karne ke 10 minat bad pik flo mapne se dava puri tarah karagar hai ya nahin, yah tay kiya jata hai aur chikitsak ko dava ki uchit matra dene ya fir dava badlne men asani hoti hai.
4. niyamit rup se map karne aur vishleshan karne se dama ka daura parne se bahut pahle hi is bat ka pata chal jata hai ki dama ka daura parne vala hai.
pik flo map gubbare ko fulane jaisa hi asan hai. ismen mapak men pure jor se tin bar sans ko chorna hota hai, jis bar sabse adhik map ae vah hi sahi map mani jati hai.
rojana do se tin bar iski map li jani chahie. jab chati par bojh mahsus karen, ya gale men dhuan jaisa lage ya koi elarji karne vali khane ki vastu khane ke bad ajib sa lagne lage tab is mapak dvara map kafi upyogi sabit hoti hai.
sans ke ya dama ke daure sadharntya alp samay tak hi rahte hain, parantu kabhi-kabhi kai ghanton athva dinon tak bane rahakar janleva bhi sabit ho sakte hanai. aisi sthiti ko stetas aisthametiks kaha jata hai.
dama ke ganbhir evan janleva lakshana
- jab sunai parne vali sitiyan achanak band ho jaen aur rogi ko sans lene men kathinai bani rahe.
- jab gardan ki manspeshiyan har sans ke sath ubhar aen aur saf-saf dikhai parane.
- jab daure kai ghanton ya dinon tak lagatar chalte rahane.
- tvacha thandi par jae ya fir pasine se tar ho jae.
- rakt men aeksijan ki kami se tvacha pili ya fir halki nili par jae.
aise men kya karen ?
sabse uchit to yah hoga ki najd¬ik ke kisi yogya chikitsak ke pas ya fir najdiki aspatal men jakar paramarsh karen aur uchit injekshan, aeksijan, dava ityadi len. aise rogiyon ke lie adhikatar sans nali par prabhav karne vali davaen, jinhen inhelar ke nam se jana jata hai, sabse adhik karagar hoti hanai.
bachchon men upchar ke lie ek choti mashin ka upyog bhi kiya jata hai, jise nebulaijar kahte hain. ismen dava dalakar uska dhuan bana kar sans nali ko samanya kiya jata hai. tisre prakar ka inhelar, jise sukha paudar inhelar knchnpn kahte hain, bhi in rogiyon ke ilaj hetu istemal men laya jata hai.
dama rog se kaise bachen
dama rogiyon ko nimnalikhit vastuon se dur bacha kar rakhen:
1. pakshiyon ke pankhon se bane takiye
2. galiche
3. dhul pakrne vale parde, fanus, sofa, gadde ityadi.
4. jab ghar, karyalay, mil, sarak par jhadu lag raha ho.
5. fulon ke parag kan
6. khane ki vastuon, jinse airlaji rahti ho.
7 mans, madira, machli anda, dibbaband, anya aise padarth jo erlarji karte hon.
8. atyadhik sharirik tatha mansik tanav.
9. sansadhit khadya padarth ;chtava¬bameemak thvavakaddh jaise fen, biskut, pestri, kek, nudals, bred, karn fleks, bekaras otas ityadi.
10. dibba band padartha
11. kritrim pey padartha
12. chaklet
13. aisakrim ityadi.
14. sinemaghron tatha aisi jaghon se jahan par bhir rahti ho.
15. barfila ya adhik thanda pani ya fal ras.
16. dhumrapan n karen n dhumrapan vale vyakti ke pas baithen.
kya-kya karen
dama ke rogi nimnalikhit upayon se aram pa sakte hain.
1. niyamit pranayam
2. niyamit yogabhyas
3. bhojan men do se tin prakar ke fal khaen. fal ras ki apeksha fal khana shreyaskar rahta hai.
4. adarak ka niyamit sevan avashya karen.
5. chay pini ho to keval adarak, gur, hari chayapatti, ajvayan aur tulsi ke patte vali pien.
6. din men do prakar ki hari sabji khaen.
7. rat ko patte vali sabjiyon ka sag khaen. isse pet halka rahta hai aur bharpur poshak tatva bhi milte hain.
8. khane men pakae hue bhojan ki matra dhire-dhire 5-10 pratishat pratimah ghatakar kachche tatha ankurit bhojan lena shuru karen.
9. adha se ek chammach tak ankurit methi dana bhi len.
10. nirdharit davaen, inhelar adi niyamit rup se lete rahen.
11. gehun ki ghas ya ghas ka ras 30-50 mi. li. pratidin len.
12. jinhen charm rog rahta ho ve 2 gram chirayta aur 2 gram kutki pani men 12-24 ghante kanch ke bartan men bhigokar subah khali pet pien aur tatpashchat 3-4 ghante tak kuch n len. ise pine se pahle barf ko jibh par ragar len.