pareshaniyan dur karne ke upay bharti anand vibhinn prakar ki hastarekhaon se vibhinn prakar ki samasyaon ka pata chalta hai. aiye, is lekh se janen un samasyaon ke nivaran ke liye samyak tatha satik mantramulak upayon ke bare men. yadi apke hath men bhagya rekha khandit ho rahi ho ya bhagya rekha choti ho ya moti ho to aisi bhagya rekha jatak ke vyapar ko panpne nahin deti. vyapar men ghata ya nuksan hota rahta hai partanaraship karne par aise logon ko dhokha hi milta hai. aise jatkon ko vyapar barhane ke lie nimnalikhit mantra prayog karna chahie. jaise- un hrin shrin krin shrin krin shrin kuberay asht lakshmi mam grihe dhanan puray puray namah. prayog vidhi : rat ke samay snan kar safed kapra bichakar us par kuber yantra sthapit kar den aur use jal se snan karvaen, fir kesar v ful se puja karke uske age diya jalao.
fir is mantra ka 1008 bar jap karen v ant men kishmish ka bhog lagaen. is prakar is mantra ka nitya jap karen. jo bhagya rekha apke bhagya men vyaparik rup se rukavat dal rahi hai, aise mantra jap karne se vah rukavat dur hoti najar ayegi. yadi apke hath men rekhaon ka jal hai aur ek rekha dusri rekha ko kat rahi hai, hath sakhat hai aur ap pareshaniyon se ghir rahe hain to ap nimn mantra ka prayog karen. ap shvetark ganpti layen aur lal rang ke asan par budhvar subah shvetark ganpti sthapit karen aur usko tilak karen. chandan ki mala se nimn mantra ka jap rojana karen. mantra - un antrikshay svaha. not : is mantra ka sava lakh jap hona chahie. jab yah sadhna samapt ho jay to budhvar vale din hi bachchon ko mitha khilaen. aisa karne se, jo aye din koi n koi pareshani apko gher rahi hai uska nash hota hai.
yadi hath sakhat hon, anguliyan age ki taraf jhukti hon to aise jatkon ko uchchapad milne men atyant kathinai ka samna karna parta hai. kathinaiyan naukri ya rajnaitik pad ki bhi ho sakti hai. yadi ap uchchapad pana chahte hain to yah mantra prayog karen. trayanan devanan trigunjnitanan tav shive bhavetpuja vatchrnyoryavirchita. tatha hi tvatpado dinmni pithasya nikte sthita hyete sharanmukulit roch samukutaah. prayog : is mantra ko svarn patra par likhakar nitya 1000 bar ke hisab se 54 dinon tak anushthan karna chahie. shahad v nariyal ka bhog lagaen. aisa karne se uchch pad prapt karne ke marg men jo kathinaiyan a rahi hain vah dur hongi. yadi apke hath men mastishk rekha chandra kshetra par jay ya agar mastishk rekha dvibhajit ho aur uski ek shakha chandra kshetra par jae to daybitij hone ka lakshan hai. agar daybitij ne apko gher liya hai to nimn mantra bolte hue upay karen. do chammach methi dana aur ek chammach saunf miks karke rat ko ek kanch ke mag men bhigo den aur subah isko chanakar pani pi len aur yad rakhen ki pani pine se pahle nimn mantra ka 108 bar jap karke hi pani pien. un achyutanand govind namochcharan bheshjat. nashyanti sakla rogaah satyan satyan vadamyaham॥ yadi mastishk rekha par rahu rekhaen a jaen ya mastishk rekha ke niche bhagya rekha a jae to vyakti ka karj nahin utrta hai.
karj utarne ke lie nimnalikhit mantra v upay karen. 1 kilo chaval, 250 gram shakkar v 250 gram ghi tinon ko ek sath milakar mantra- un namo naman chiti mahavirah puro tori asha tu puro mori asha. is mantra ko 108 bar parhakar chiti ke bil par ghar se bahar kisi jagah dalen to karj utrne lagta hai. not-yah prayog tab tak karen jab tak karj n utre. yadi jivan rekha ko moti-moti rekhaen katti hui bhagya rekha v mastishk ko katti hui nikal jaen to aise jatkon ko shatru bahut satata hai chahe vah pratyaksh ho ya apratyaksh. is dosh se bachne ke lie yah upay karna chahie. virvar vale din man bagla mukhi ka yantra sthapit karke nimn mantra ka sava lakh jap karen. mantra- un hrin baglamukhi sarva dushtanam vacham mukham padam stanbhay jivadhya kily-kilay shatru buddhi nashyi hrin un svaha. yadi apki mastishk rekha par ari tirchi rekhaen a rahin to isse smaran shakti kam ho jati hai. is smaran shakti ko thik karne ke lie ganesh ji ko sindur ka chola charhaen, fir chandan ki mala par 40 din tak is mantra ka 1008 bar jap karen. jo sumirat sidhi hoi gannayak karibar badan.
karau anugrah soi budhirasi subhgun sadan. hath men hriday rekha moti, mastishk rekha tuti futi, jivan rekha lahrdar ya moti-patli hone par vyakti ka jivan vipattiyon se ghir jata hai. in vipattiyon ko dur karne ke lie lal chandan ki mala se kul 1 lakh jap 2 mahine tak karen. mantra shanivar se shuru karen . mantra-rajiv nayan dhare dhanusayak. bhagti vipti bhajan sukhdayak. yadi hath naram ho, komal ho aur mahin-mahin rekhaon ka pure hath men jal bana ho to jatak ka sharir tuta-tuta sa rahta hai ya kai bar bukhar ho jae to nimn mantra ka jap karen. mantra- sunu khagpti yah katha pavni. trividh tap bhav bhay davni. is mantra ko somvar ke din se shuru karen v 10 hajar jap karen ya kanse ki katori men jal bharakar is mantra ko 108 bar funkakar rogi ko pilaen. jvar thik hone lagega. yadi apke hath men shani, surya, budh, mangal, ketu, rahu, chandra, shukra, v guru men se koi bhi grah daba ho to sanbandhit grah ke mantra ka sava lakh jap karen aur us grah ko sashakt karen. usse us grah ki shanti hoti hai.