kisi bhi prakar ke grah dosh se bachne ke raste hain grah ko kisi vastu ke madhyam se sakaratmak banana, grah ko anunay vinay karke, prarthana karke anukul banana. yahi kisi bhi grah ko prasann karne ke ati sugam sadhan hain. agar hamen brihaspati dev ko prasann karna hai to sannyasi, guru, brahman, vidvan tatha shiksha se sanbandhit kam karne vale vyakti ki seva karna, pipal vriksh men dudh mishrit mithe jal ko charhana nishchit labh karta hai. shukra ko prasann karne ke liye brahman ko khir ka bhojan karaen, gayan, vadan karne vale artist, lalit kalakar ko bhojan karaen, gular vriksh ki parikrama shukravar ko karke bhi shukra grah ki shubhta ko prapt kiya ja sakta hai.
shani grah ke lie madhyahn ke samay men urad ke dan ke sath ashay logon ki, viklangon ki sahayta karna, hanuman chalisa ka path, hanuman ji ko chameli ke tel men sindur mila karke chola charhana, bhainse ki seva ke sath-sath bhainse ko tel ka chonk lagakar kale chane khilane se aur shami vriksh ke as-pas tel aur mithe chaval charhane se shani dev prasann hote hain. bhagvan surya dev ki prasannata ke lie ravivar ko suryoday ke samay gehun, gur dan karna, ghoron ko bhojan karane ke sath-sath madar vriksh men jal charhane se aur use pani men dal kar nahane se, pita ki agya palan karne se suryadev ko prasann kiya ja sakta hai.
chandra dev ko prasann karne ke liye chandrama ki roshni men dudh, chaval,chandi ka dan karen. palash ke vriksh ke samne athva palash ki jar samne rakhakar chandra dev ka mantra jap karen. dipreshan ke marijon ki seva karne se bhi chandra dev ki kripa prapt hoti hai. manglvar ko suryoday ke lagabhag ek ghante pashchat mithi vastu ka dan karen. apang logon ki sahayta karen tatha muft davaon ka vitaran karen,sath kam karne vale logane ki madad karen/pan khane vale logon ko athva pan lagane vale ko kattha ka dan karen. budh ki prasannata ke lie suryoday ke lagabhag do ghante bad hari vastuen, sabut mung dan karen. larkiyon, kanyaon, kinnaron ko mitha bhojan, halva puri, bundi ke laddu banten tatha apamarg ke paudhe men jal charhaen.
bahan, bahu, sali in rishton ko achcha rakhen. in sabse budh dev prasann hote hain. rahu grah ki prasannata ke liye sham panch baje se suryast tak kale til, kala kanbal dan dena chahie tatha sarasvati man ki puja karni chahie. matul vriksh ki bhi puja karni chahie, isse rahu grah shubh fal pradan karte hain. durbaropan tatha jangli ghas ke jharu ko jal men pravahit karna chahie. ketu grah ki prasannata ke lie imli mila hua kale safed til, kala safed kanbal, khatti mithi chijen, kela adi vastuon ka dan karen. yahi vastuen brihaspativar ke din suryoday se purva ganesh ji ko charhane ke sath kutte ko bhojan dene tatha kush ke asan par baith karke puja karne se nishchit rup se ketu grah shubh fal dete hain.