fengshui ke upay pan. jayaprakadga sharma (lal dhage vale) feng shui chin ki vastukla hai, jiska shabdik arth hai hava aur pani. hava aur pani ka sahi santulan hi feng shui hai. hava se sukh ki anubhuti hoti hai aur pani se tripti.
jis prakar bhartiya vastu shastra men prakriti ke panch tatvon-agni, prithvi, vayu, jal aur akash ko mahatva diya gaya hai, usi prakar feng shui men panch tatvon-agni, prithvi, dhatu, jal aur lakri ko mahatva diya gaya hai. lekin donon men mulbhut antar yah hai ki fengshui men bhartiya vastu shastra ke vayu aur akash ki jagah lakri aur dhatu ko liya gaya hai. feng shui ka jo shabdik arth hai- hava aur pani, inmen se hava ka to kahin jikra hi nahin hai. bhartiya vastushastra men hava (vayu) ko bahut mahatva dete hain.
yahan par ham feng shui ka sankshipt parichay dete hue, feng shui ke unhin upayon ka jikra karenge, jinhen bhartiya parivesh men apnaya ja sakta hai. chini vastu shastra ke anusar feng shui ke panch tatvon ko ek-dusre se do tarike se sanbandh kiya gaya hai. pahla hai utpadak chakra v dusra hai vinashak chakra.
feng shui ke mahatvapurn upakaran : bagua : feng shui ke anusar pratyek vastu ek prakar ki urja utpann karti hai, vah urja nakaratmak bhi ho sakti hai aur sakaratmak bhi. yin arthat nakaratmak urja aur yang arthat sakaratmak urja. yin aur yang ek dusre ke purak hain jaise rat aur din, stri aur purush, mrityu aur jivan. kala rang yin ka pratik hai aur safed rang yang ka. ye donon chihn bagua ke madhya men hote hain aur athon dishaon men ath daigram hote hain.
feng shui ke anusar pratyek vastu ek prakar ki urja utpann karti hai, vah urja nakaratmak bhi ho sakti hai aur sakaratmak bhi. yin arthat nakaratmak urja aur yang arthat sakaratmak urja. yin aur yang ek dusre ke purak hain jaise rat aur din, stri aur purush, mrityu aur jivan. kala rang yin ka pratik hai aur safed rang yang ka. ye donon chihn bagua ke madhya men hote hain aur athon dishaon men ath daigram hote hain. yah bagua ki tarah ka hota hai lekin iske bich men yin-yang ke sthan par ubhra hua shisha laga hota hai.
mukhay dvar ke samne kisi bhi prakar ka dvar vedh ya ashubh sthan hone par ise dvar se upar bahar lagaya jata hai. yah dvar ke samne per, khanbha, tuta-futa makan, kura ghar v mandir adi hone par lagaya jata hai jisse nakaratmak urja andar nahin ati. kristal bol : kristal urja vardhak hote hain. yah sakaratmak kirnon ke prabhav ko barha dete hain. yadi ise purva disha men is prakar lagaya jae ki pratah surya ki kirnen is par paren to yah sare ghar ko jagmga deta hai. purva disha men lagane se svasthya labh hota hai. uttara-pashchim disha men lagane se parivar men apas ka prem barhta hai aur apke mitron v sahaykon ki sankhya men vriddhi karta hai.
pashchim men lagane se santan sukh v dakshin pashchim men lagane se dampatya sanbandhon men sudhar hota hai. vind chaim : vind chaim arthat hava se jismen jhankar ho, aisi pavan ghanti ghar v vyapar ke vatavaran ko madhur banati hai. vastu aur feng shui ke panch tatvon ko darshane vali panch rod ki vind chaim shubh mani jati hai. brahm sthan par lagane se svasthya labh v uttar pashchim men lagane se jivan men naye suavasar prapt hote hain. iski avaj madhur v dilakash honi chahie. ise mukhay dvar ke pas bhi lagaya ja sakta hai, jisse dvar ane vali hava se ismen jhankar ha lafing buddha : hanste hue buddha ki murti dhan daulat ke devtaon men se ek mani jati hai. isse ghar men sanpannata, saflta aur samriddhi ati hai.
ise ghar men ya vyaparik sthal men is prakar lagana chahie, jisse yah lage ki yah dhan lekar ghar ke andar ki taraf a rahe hain. yah murti shayan kaksh tatha bhojan kaksh men nahin rakhni chahie. droingrum men rakh sakte hain. pith par dhan ki potli lekar andar ate hue lafing buddha sabse uttam mane gaye hain.
tin tang ka mendhak : munh men sikka lie tin tang ka mendhak bhi is prakar hi lagana chahie jisse yah lage ki yah dhan lekar ghar ke andar a raha hai. ise rasoi ya shauchalay men kabhi nahin rakhna chahie. yadi vyaparik sthal par lagana ho to bhi is prakar lagaen ki grahak se dhan lekar apke pas a raha hai. ise chipa kar bhi rakh ja sakta hai.
dhatu ka kucha : dhatu ka kachua do prakar ka hota hai. ek to kurm prishthiya meru yantra hai. isko puja sthan ya ghar ke uttar disha men rakha jata hai. ise ek plet men pani bharakar usmen rakh diya jata hai. dusra kachua is prakar ka hota hai ki uski pith par dhakkananuma katora bana hota hai. ismen chaval bharakar uttar disha men rakha jata hai in donon hi prakar ke kachuon men yah dhyan rakhen ki iska munh purva ki or ho arthat yah chalakar purva disha ki or ja raha ho. yah ayu ko barhane vala v dhan-samriddhi ko dene vala hai. ise bhagvan vishnu ka kachchap avtar mana gaya hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!