vividh vaivahik samasyaen v samadhan  

prashna: vivah n hona ya deri se hona, vivah ke pashchat jivan sukhi n rahna, talak ho jana ya bina talak ke alag ho jana, vaivahik jivan nitya prati kleshpurn rahna jaisi samasyaon hetu kya vaidik, tantrik, adhyatmik, lal kitab ke upay tatha gharelu totkon ke dvara vaivahik jivan ko sukhamay banaya ja sakta hai? yadi han ! to vistrit jankari den.

stri tatha purush ke madhya ka akarshan, prem, sneh tatha ragatmak sanbandh srishti ke arambh se lekar aj tak vidyaman hai. isi ragatmak akarshan ko vivah namak sanstha ke uday ka karan mana jata raha hai. stri-purush ke madhya sanpark tatha sharirik niktta to adi kal se hi astitva men tha, parantu is sanbandh ko maryadit rakhna hi vivah ka mul uddeshya hai. jahan aranbh men vivah hetu koi ayu sima nahin thi, vahin kalantar men vivah ke lie stri tatha purush ki ayu ka nirdharan kiya gaya. yah nirdharan rajkiya ya shaskiya n hokar samajik tha. vaivahik ayu-sima ka yah samajik nirdharan aj bhi dekha ja sakta hai. kshetra-jati-samuh adi ke adhar par ismen vividhta bhi hai. pratyek mata-pita apne santti ke vivah ke vishay men kafi sajag rahte hain. parantu kafi prayas ke bad bhi jab sabhi yogyataon se purn putra athva putri ke vivah ki sanbhavna kshin hone lagti hai, tab us abhibhavak tatha unki santti ko hone vali pira ka anuman laga pana bhi dushkar hota hai. jabki kuch paristhitiyon men yah dekha gaya hai ki vivah to bari shighratapurvak aur sahjta se ho gaya, parantu vivah ke bad navvivahit dampatti ka jivan kashtaprad tatha kalhpurn ho jata hai. vivah se juri in samast samasyaon ko ham vaivahik vilamb, vivah pratibandh, vaivahik kalah, talak, vaidhavya-vidhurta adi men bant sakte hain.

vaivahik vilanb v pratibandh ke upay-

• agni mahapuran ke 18ven adhyay men varnit gauri pratishtha vidhi ka prayog karen.
• is gandharvaraj mantra ka das hajar jap karen.

‘‘un klin vishvasurnam gandharvah kanyanamdhiptiah labhami devadattan kanyan surupan salankaran tasmai vishvavsve svaha’’.

• purushon ke shighra vivah ke lie adholikhit mantra ka 108 bar jap karen-

‘‘patnin manorman dehi manovrityanusarinim.
tarinin durgasansarsagarasya kulodbhavam..

• kankdhara stotra ka 21 path 90 din tak karen.
• shriramdrbar chitra ka panchopchar pujan ke bad nimnalikhit dohe ka 21 bar jap karen-

‘‘tab janak pai vashishth aysu byah saj sanvari kai.
mandvi shrutikirti urmila kunari lai hankari kai..’’

• adholikhit yantra ko bhojapatra par anar ki kalam aur ashtagandh ki syahi se likhen-
iske bad haldi ki mala se

‘‘un ”hrin han sah’’

mantra ka 1100 jap karen. japkal men til ke tel se prajjvalit dipak jalta rahe. path ke bad shighra vivah ki kamna prakat karen.

is sandarbh men shukravar ko kiya janevala man gauri ka vrat bhi prashast mana gaya hai. nirahar vrat ke bad sayankal panchmukhi dipak jalaen. punah adholikhit mantra ka 108 bar jap karen-

‘‘balarkayutasatprabhan kartle lolambamalakulan malan sandadhatin manohrtnun mandasmitadhemukhim.
mandan mandamupeyushin varyitun shambhun jaganmohinin, vande devmunindravanditpdam ishtarthadan parvatim..’’

• vaivahik vilamb athva pratibandh yogon men shani ki mahatvapurn bhumika hoti hai. atah aisi paristhiti men nimnalikhit mantra ka prayog shighra hi fal deta hai-

‘‘konasthah pinglon babhruah krishno raundro'ntako yamah.
sauriah shanaishcharo mandah pippalashray sansthitah..
etani shani-namani japedashvatthasannidhau.
shanaishcharakrita pira n kadapi bhavishyati..’’

shanivar ko sayankal pipal vriksh ke niche sarson ke tel ka dipak jalaen, aur uprokt mantra ka 36 bar jap karen.

• yogya purohit ke sannidhya men atyant prabhavshali ‘shani-patal kriya’ ka anushthan karaen.

yadi janmang men mangal dosh vidyaman ho aur is karan se vivah men vilamb ho raha ho to adholikhit upay shighra hi fal pradan karte hain- mangal chandika stotra ka 21 path nitya karen-

‘‘raksh raksh jaganmatardevi mangalachandike.
harike vipdan rasheah harshamanglkrike..
harshamangaladakshe ch harshamangldayike.
shubhe mangaladakshe ch shubhe mangalachandike..
mangle manglarhe ch sarvamanglmangle.
sada manglde devi sarveshan manglalye..

’’
• mangalastotra ka nitya 21 bar jap karen.
• saubhagyashtottar shatnam stotra ka path karen.
• mangal yantra ki vidhipurvak sthapna karen.
• yogya purohit ke dvara kanya ka kunbh athva vishnu vivah atyant gopniya tarike se karvaen. gopniyata hi is prayog ke saflta ki kunji hoti hai.
• saundarya lahri (shlok 1-27) ka path karen.
• savitri vrat ka sashraddha anushthan karen.
• sonth, saunf, maulashri ke ful, singarak, malkangni aur lal chandan sam bhag len. ise jal men milakar manglvar ko snan karen.
• bel, jatamansi, lakh ke ful, hinglu, bal, chandan aur muvla aushdhiyon ko pani men milakar manglvar ko snan karen.

  vishesh upay shighra vivah hetu (anubhut)

  shivratri ke din jis mandir men shiv parvati vivah ka anushthan hua ho. kanya vahan jay aur vivah ki puri vidhi ko dekhe. is vivahotsav men ‘laja’ (khil) bhi bikhere jate hain. kanya pratahkal mandir jae aur vahan se in khil ke 11 dane chun kar kha le. shighra vivah ka yog banega.

• ramchritmanas ke shiv parvati vivah prasang ka 11 somvar tak sashraddha path karen.
• shriramjanki ke vivah prasang ka path bhi ashcharyajanak saflta deta hai.
• yadi kalasarp yog ke karan vivah men vilanb ho raha ho to vaidik vidhi se is dosh ki shanti ghar men karvaen. shuddh svarn ke ath nag (savagram prati) banvakar jal men pravah den.

vaivahik kalhpurn jivan se mukti-

in paristhitiyon ko utpann karne vale grahon ki pahchan yogya jyotishi se karvane ke bad uttaradayi grahon ki shanti karvaen.

pati ki avhelna tatha tiraskar se pirit kanyaen adholikhit mantra ka 108 bar jap nitya karen, ashcharyajanak fal shighra hi prapt honge-

‘‘abhitva manujaten dadhami mam vasna.
yashso mam kevlo nanyasa kirtayashchan..
yatha nakulo vichchidya sandadhatyahin punah.
evan kamasya vichchinnan se dhehi vo yaditiah..
ufan klin trayambakam yajamhe sugandhim pativedanam.
urvarukmiv bandhnanmrityormukshiya mamritat klin ufan..’’

sanpurn jap kal men ghi ka dipak prajjvalit rakhen.

shighra faldayak shabar mantra

yadi kisi parai stri athva par-purush ke karan vaivahik jivan vishakt ho raha ho to yah prayog karen-

‘‘om satyanam adesh guru ko, laung-laung mera bhai, inhin laung ne shakti chalai pahli laung rati mati, duji laung joban mati, tiji laung ang marore, chaithi lanaig dou kar jore, charon laung jo meri khay.... ...... ke pas se ............... ke pas a jay, guru ki shakti meri bhakti, furomantra ishvari vacha.’’ char sabut laung len. uprokt mantra ko 108 bar parhakar is laung ko khila den. pahle khali sthan men parastri ya parpurush ka nam ho jabki dusre khali sthan men upasak apna nam rakhen.

ratnadharan v rudraksha

• vaivahik vilanb ke sandarbh men ganesh rudraksh dharan karna chamatkarik fal deta hai.
• vaivahik sukh hetu brihaspati tatha shukra sarvadhik mahatvapurn mane jate hain. jahan vaivahik jivan ke aranbh hetu brihaspati uttaradayi hain vahin shukra shayya sukh v sharirik sukh pradan karte hain. inse sanbandhit shanti upay sukhad vaivahik jivan ki kunji siddh hoti hai.
• vaivahik vilanb v pratibandh adi paristhiti men pila pukhraj (nirdosh) sarhe sat ratti ka len. svarn ki mudrika men banvakar guruvar ke din tarjani anguli men dharan karen.
• sharirik akshamata adi ke karan vaivahik jivan nasht ho raha ho to hira (nyunatam ek kairet) dharan kare.
• gauri shankar rudraksh vidhi-purvak dharan karne se vaivahik jivan ki visangtiyon ka nash sahaj hi ho jata hai.