‘‘medhavi banne ke kuch shastrokt achuk evan prabhavshali prayog’’ - shvet durva ki kalam se gorochan se jis balk/balika ki nal bhi n kati gai ho uski jihna par ‘‘un’’ mantra likhne par vah jatak bahut hi buddhiman, gyani tatha vidya ka upasak evan smaran shakti yukt ban jata hai.
- shishu ke janm ke pashchat parivar ke mukhiya ya shishu ke pita ke dvara svarn shalaka ya shvet durva ki kalam se shishu ki jihna par goghrit tatha shahad se ‘‘un’’ mantra likhen to shishu ath varn ki ayu tak apurva medhavi balak banakar, gyan, smaran shakti ki dhani ban jata hai. purva men vidvanon ko parivar men yah prayog bahutayat rup men sanpann kiya jata tha.
- dudhiya bach ko (ayurvedik aushdhi vikretaon ke pas upalabdha) ‘‘un ain namah’’ mantra se das hajar jap kar v siddh kar balak ke gale men bandh den. jab balak barah varsh ka ho jaye to us dudhiya bach ko churn banakar go dugdh ya goghrit v shahad mishrit kar balak ko pilaven to balak apurva vidvan v smaran shakti sanpann ho jata hai. yahi churn ayurved men ‘sarasvatchurna’’ ke nam se prasiddh hai. aushdhi vikretaon se kray kar goghrit 6 masha tatha 1 tola shahad milakar chat kar nitya godugdh ka sevan karne se yahi lakshan utpann ho jate hain. svayan lekhak tatha usko anek mitron ne prayog sanpann kiya v apne balkon ko karaen hain. purn saflta prapt hui hai.
- brahmi, dudhiya bach tatha badam ki giri ko milakar, pis kar pili ya bhuri gay ka ghrit milakar sevan karne se sevanakatrta sanpurn shastron ka gyata ho jata hai. - pratah kal uthakar mukh-shuddhi karne ke pashchat nitya vagishvari mantra ke ek hajar jap karne se chah mah men nishchit alpakrisht vakshakti prapt hoti hai.
- brahmamuhurt uthakar pavitra ho shant svabhav se svayan tatha ichchit gyan ki kalpana (dhyan) karen. nitya pratidin ek varsh is paddhati se jap karne se manushya seachi gai vidhaon ka svami ban jata hai.
- kisi guru se brahma dvara kiye gaye saptakshar ya dvadshakshar tara mantron ko siddh kar shahad yukt khir se havan karne vala manushya vidyaon ka nidhipti (kosh ya khajana) ho jata hai. mantra kisi guru se grahan karna hi shreyaskar hota hai. ‘vidya men badha utpann karne vale tatvon ko dur karne ke achuk prayog’’ - vidya v gyan vriddhi ke lie purva disha men sirhana kar shayan karna chahie.
- kisi bhi ratri ko rat 12 baje balak ki shikha par se kuch bal katakar apne pas rakh len. aisa lagatar panch din karen. iske pashchat ravivar ke din in balon ko jala kar apne pairon se ghar ke bahar jakar unhen ragar den aur vapas a jayen. balak ki sari badhaen jo adhyayan men a rahi hain dur ho jayegi. purn prabhavi prayog hai.
- kartik mas ki shukla paksh ki chaturdashi ke din shankhpushpi ke paudhe ko nimantran de ayen uske bad hast nakshatra ko us paudhe ki jar ghar lakar kut-pis kar goli banakar rakh len, jab shravan mas aye usmen jis din shravan nakshatra pare us din yah goli jis balak ya vyakti ko go-dugdh ko khila di jaye to us vyakti ke vidya men utpann samast badhaen is prakar dur ho jaengi jaise gadhe ke sir se sing. yah chamatkari prayog ajmaya hua hai.
- kisi bhi mas ke rohini nakshatra ke din se praranbh kar agle rohini nakshatra ke din tak 108 bar age die gaye mantra ka jap karen ya rohini nakshatra ke din pratah snanadi kar 41 patte tulsi ke torakar isi mantra ko 108 bar parhakar abhimantrit kar go dugdh ke sath nigal le to sabhi badhaen dur hokar buddhi ka tivra vikas hota hi hai.
mantra is prakar hai- ‘‘un namo devi kamaksha, trishul, rav, hast, padha, pati, garur sarva bharvi tu pritye, samangan tatva chintamni narsin chal kshin koti katyani tal v prasad ke on hin hrin krun tribhavan chaliya chaliya svaha.’’
- surya ya chandra grahan ke parva par nimnalikhit mantra ka 144 bar jap karne se vidya men badha utpann karne vale sabhi karnon ka nash ho jata hai. mantra is prakar hai- ‘un namah shrin shrin ahan bad bad bagvadini bhagvti sasvatyai namah svaha vidyan dehi mamah hrin sarasvati svaha.’’
- is prayog ko shukla paksh ke pratham ravivar se praranbh karna hoga lagatar 21 din tak brahmacharya purvak ka palan v ek samay bhojan karna hoga tatha agralikhit mantra ka 1000 bar jap karna hoga mantra hai
-‘‘un namah bhagvti sarasvati vagvadini mam vidya dehi bhagvti hans-vahini samarurha buddhi dehi-dehi pragya dehi vidyan dehi parmeshvari sarasvati svaha.’’ yah ek atyant prabhavshali prayog hai. ise kai jatkon se karaya gaya v uchit parinam samne aye unki vidya adhyayan ki samast prakar ki badhaen dur huin vah aj achchi uchch shiksha prapt kar rahe hain. kuch log to videsh jakar adhyayan kar rahe hain.
- brahmi ka ras, shvet bach ka kapila gau ka ghrit in tinon ko milakar (sam matra men) kanse ki thali men failakar sharad purnima ki ratri men rakhen tatha uske upar ashtagandh se ‘‘un hrin shrin klin blun vagvadini svaha’’ mantra likhen v ratabhar chandrama ke prakash us thali ko ek unche lakri ke pate par rakhen tatpashchat nitya prati pratahkal iska sevan karne se vidya v buddhi ka tivra vikas hoga.
- ravivar ke pushya nakshatra men brahmi, shatavar, shankhpushpi, arakshara (apamarga), javitri, kesar, malkangni, chitrakmul v mishri ko barabar matra men lekar churn banakar pratahkal adarak ke ras ke sath 21 din tak sevan karne se buddhi ka vikas hota hai.
- sarhe 5 ratti ka aeniks chandi men daen hath ki anamika men tatha baen hath ki anamika men tanbe ka challa shukla paksh men kisi bhi din balak ko dharan karane se vidya men utpann badhaen dur hongi. - shukla paksh ke pratham manglvar ko hanuman mandir men ek jhanda charhayane us par roli, kumkum ya lal chandan se bal buddhi vidya dehu mohi, harhun klesh vikar likh den.
hanuman chalisa ka nitya path karen tatha ek katori men jal men 11 kishmish dal den tatha 1 mala pratidin ‘‘un hanumte nam’’ mantra ka jap karen aisa 20 din karen tatpashchat us jal ko pile aur kishmish khayen. labh prapt hoga. - kristal ke bane kachue ko balak ke sammukh adhyayan ki mej par rakhen sath hi safed chandan ki bani ganesh ya sarasvati ki pratima bhi rakhen. bachche ko purva ya uttara-purva men rakhna chahie. sabhi rukavten dhire-dhire dur hone lagengi.
- sava 5 ratti ka moti aur sava 6 ratti ka munga chandi ki anguthi men jarvakar kramshah choti aur anamika ungli men dharan karayen. - ek hara hakik patthar hath men lekar ‘‘un ain ain un’’ 51 bar uchcharan kar lal vastra men bandhakar kisi bhi majar par charha den. uprokt sabhi prayog shastron men vibhinn tantra granthon men varnit hai. inmen se adhikatar prayog hamare dvara kai jatkon ko sanpann karaye gaye jinka parinam ekadam sahi v satik paya gaya hai.
aj bhi apne balak ya balika ko medhavi banane, achchi vidya prapt karane evan vidya men utpann badhaon ko dur karne ke lie avashya karen taki apko v desh ko achche honhar parhe likhe yuvk-yuvtiyan milen jo desh ko punah sone ki chiriya banane men hamare sahayak hon.