vaidik jyotish granthon ke anusar chandrama man ka, surya atmabal ka, budh buddhi aur vidya ka, tatha brihaspati gyan ka karak grah hai. kundli men lagn v lagnesh jivan ki rup rekha ko darshata hai. lagn aur lagnesh ke balvan aur shubh prabhav men hone par jatak svasth aur buddhiman hota hai aur apne prayas se jivan men uchch sthan, dhan tatha yash prapt karta hai. vaidik jyotish granthon ke anusar chandrama man ka, surya atmabal ka, budh buddhi aur vidya ka tatha brihaspati gyan ka karak grah hai. kundli men lagn v lagnesh jivan ki ruprekha ko darshata hai. lagn aur lagnesh ke balvan aur shubh prabhav men hone par jatak svasth aur buddhiman hota hai aur apne prayas se jivan men uchch sthan, dhan tatha yash prapt karta hai.
dvitiya bhav vani, dhan v praranbhik shiksha ka sthan hai, jiska naisargik karak brihaspati grah hai. tritiya bhav parakram, mehanat aur prayas ka hota hai, jiska karak mangal grah hai. tritiyesh balvan hone tatha bhav, bhavesh par shubh grahon ki yuti ya drishti hone par vidyarthi mehanat se parhai karta hai aur hatotsahit nahin hota. chaturth bhav man, mata aur gharelu vatavaran darshata hai. balvan chaturth bhav, chaturthesh tatha karak chandrama ki budh v brihaspati se yuti ya drishti hone par jatak ki shiksha sugmtapurvak purn hoti hai. parantu inke pap prabhav v papakatrtari yog men hone se parhai men vighn ate hain aur saflta nahin milti. uchch shiksha ke lie tikshn buddhi avashyak hoti hai. kundli ka pancham bhav mati v buddhi ka sthan hota hai, jiska karak budh grah hai. pancham bhav, panchmesh tatha karak budh par brihaspati ki drishti ya yuti hone par jatak buddhiman hota hai aur vah sarlta se vidya grahan karta hai.
chandrama v budh ke paraspar 3-11 ya 5-9 sthiti hone aur brihaspati se drisht hone par jatak prakhar buddhi hota hai. chandrama aur budh ki pancham ya navam bhav men sthiti tatha brihaspati se drisht hone par jatak vilakshan buddhi vala hota hai aur merit skaelar banta hai. surya ke sath balvan brihaspati ki lagn, dvitiya, tritiya, chaturth ya pancham bhav men yuti se jatak vidvan hota hai. panchmesh, budh v brihaspati ke sath kendra ya trikon bhav men hone par jatak tikshn buddhi hota hai. navam bhav uchch shiksha darshata hai aur brihaspati uska karak hota hai. uchch brihaspati ki lagn ya dvitiya bhav men sthiti hone par jatak apni vidya v gyan se prasiddhi pata hai.
buddhiman yog:
1. lagnesh uchch ka hokar pancham bhav men sthit ho ya vahan drishtipat kare.
2. dvitiyesh svakshetri ya uchch ka hokar kendra, trikon, apni mitra rashi aur shubh bhav men ho.
3. dvitiyesh brihaspati ke sath kendra ya trikon men ho.
4. dvitiyesh uchch ka hokar brihaspati, budh, shukra ya chandrama ke sath kendra ya trikon men ho.
5. balvan chaturthesh kendra, trikon ya ekadash men shubh grah ke sath ya unse drisht ho.
6. budh apni hi rashi men pancham bhav men brihaspati ke sath ya usse drisht ho.
7. balvan panchmesh kendra, trikon ya ekadash bhav men ho.
8. balvan panchmesh budh ya brihaspati se yut ya drisht hokar pancham, navam, dasham ya ekadash bhav men ho.
9. panchmesh aur navmesh ki pancham bhav men yuti ho aur un par shubh grahon ki drishti ho.
10. kanedra ya trikon men, shubh rashi men, budh-aditya yog ho aur us par brihaspati ki drishti ho.
dasha-bhukti v gochar vichar: sabhi grah apni bhav sthiti aur balanusar fal apni dasha-bhukti men dete hain. shiksha grahan kal (5-20) mane lagnesh, chaturthesh, panchmesh, budh, brihaspati grah ki dasha-bhukti hona sahayak hoti hai. parantu papi tatha trikesh (6, 8, 12 bhavesh) ki dasha vighnakarak hoti hai. pariksha v parinam ke samay grah gochar shubh ho to jatak achche nanbron se pas hota hai. is samay janm lagnesh tatha navanshesh ka gochar bhi shubh bhav se ho to jatak ka uttam nanbron se pas hona nishchit hota he. brihaspati ka pancham navam bhav se gochar shubh dasha-bhukti ke fal men vriddhi karta hai. parantu shani, rahu v ketu ka lagn, dvitiya, chaturth, pancham bhav v unke bhavesh, budh, chandra v dasha-bhukti grah ke upar se gochar jatak ki saflta sandigdh banata hai.
kuch udaharan kundliyan prastut hai
:gurudev ravindra nath taigor janma: 07-5-1861, 2.51 subah, kolkata inka janm shubh min lagn men hua. min rashi bhi hai. lagnesh brihaspati pancham (vidya) bhav men uchchasth hai. lagnesh aur panchmesh ka rashi vinimay hai. is shubh yog ne unhen kulin, vidvan shishth aur dayalu banaya. buddhikarak budh grah brihaspati se kendra men hai aur uchch atmakarak surya ke sath dvitiya bhav men shubh budh-aditya yog bana raha hai. shukra ke sath hone se ve jagat prasiddh kavi aur pentar bane. unko nobal puraskar se sammanit kiya gaya tha. parantu mangal aur ketu ki chaturth bhav men yuti se parivarik samasyaen rahin.
pancham (vidya) bhav papakartari yog men hone se vidya grahan men avrodh ka samna karna para. stri jatak janma: 17-3-1972, 11ah30 ratri men, bulandashahar (yu. pi.) vrishchik lagn par lagnesh mangal, chaturthesh shani v ketu ki drishti hai. dvitiyesh aur panchmesh brihaspati apni mulatrikon rashi men dvitiya bhav men sthit hai. uski chandrama v shukra tatha dasham bhav par shubh drishti hai. pancham (vidya) bhav men budh-aditya yog hai. saptamesh shukra tatha lagnesh v shashthesh mangal ka rashi vinimay hai. mangal ki dasham bhav par drishti hai.
jatika em. bi. bi. es, em. di. pas kar safal chikitsak hai. saptam bhav men mangal v shani ki yuti par rahu ki drishti hai. ketu navam bhav men hai aur saptamesh shukra, navmesh chandrama ke sath shashth bhav men hone se vaivahik jivan sukhi nahin hai. iske viprit nimn kundli ka avlokan karen.
3. purush: 18-7-1962, 10ah30 subah, dilli kanya lagn hai. lagnesh budh dasham bhav men svarashi ka hai, jiske karan uska pita uchch padadhikari tha. uska bachapan sukhi raha. lagn par koi shubh drishti nahin hai vahin lagnesh budh par vakri brihaspati ki drishti hai. gyankarak brihaspati vakri sthiti men shashth men hai aur papakatrtari yog men hai. dvitiya aur navam bhav ka svami shukra dvadash bhav men pratikul sinh rashi men, papakatrtari yog men hai. us par mangal aur vakri brihaspati ki drishti hai.
pancham (vidya) bhav ka svami shani svarashi men vakri hokar ketu v chandrama ke sath hai. us par rahu v surya ki drishti hai. is prakar lagnesh budh, brihaspati aur dvitiya, chaturth, pancham v navam bhav ke svami grasit hain. chif injiniyar ka putra hone se jatak ko kaenvent skul men shiksha v koching di gai parantu kai prayason ke bad bhi vah sekendri skul pariksha pas nahin kar paya. vah ek praivet farm men selsamain ke bataur karyarat hai.