hindu shastra ke anusar vivah ek dharmik bandhan hai. ise ek sadharan sanbandh nahin samjhna chahie jaisa ki pashchimi deshon men samjha jata tha aur ab bharat men bhi mahangron men vivah ki paribhasha hi badal gai hai. ajakal bahut se mata-pita aur yuva varg ke log kundli milan men vishvas nahin rakhte aur bina janmapatri milae vivah kar lete hanai. aisa nahin hai ki sabhi vivahon men samasya ati hai parantu bahut se sanbandh bad men kafi dukhdayi ho jate hain kyonki jab tak var-vadhu ka mansik tatva, sharirik tatva, buddhi bhed, dharmik bhed adi ka paraspar mel n ho tab tak keval man ke bandhan ka sanbandh kafi kashtakari ho sakta hai.
jyotish ke anusar bhinna-bhinn rashiyon ke bhinna-bhinn tatva hote hain. yadi agni tatva vale vyakti ka vivah jal tatva vale se kar diya jae to donon ka vaivahik jivan safal hone men sandeh rahta hai. parashar, vashishth, jaimini adi bharat varsh ke prachin rishiyane ne apni divya drishti, anubhav tatha anek prakar se janch vichar kar, manav kalyan ke lie bahut se jyotishi niyam pratipadit kiye hain. jinke apnaye jane par sukhi vaivahik jivan ki adharshila rakhi ja sakti hai.
bahut se vyaktiyon ka tark hai ki kundli milan karne men bahut asuvidha hoti hai, vivah talta rahta hai to yahi kaha jayega ki hamen koi kapra bhi kharidna hota hai to ham pura bajar chan dalte hain, intrnet par sarch karte hain aur kahin dur jana ho to sankoch nahin karte to jivanabhar ke sathi ko dhunrhne ke lie asan sa rasta kyon apnana chahte hain. ‘jyotish ratnakr’ ke anusar hamare rishiyon ne kuch niyam banaye the jo sukhi vaivahik jivan ke lie bahut karagar hain. in niyamon ka sodaharan varnan nimnavat hai:
1. var ke saptam sthan ka svami jis rashi men ho yadi vahi kanya ki rashi ho to vivah uttam hota hai. udaharan kanudli 1 men purush ka saptamesh surya kark rashi men hai tatha mahila ki rashi bhi kark hi hai atah yah vivah kafi safal raha.
2. yadi kanya ki rashi, var ke saptamesh ka uchch sthan ho to vivah shubh hota hai. is kundli men purush ka saptamesh guru hai jiski uchch rashi kark hoti hai. mahila ki rashi kark hi hai. ye dampatti daektar hain tatha inka vaivahik jivan kafi sukhi hai.
3. var ke saptamesh ka nich sthan yadi kanya ki rashi ho to bhi vivah safal hota hai. purush ki kundli men saptamesh shani hai tatha iski nich rashi mesh hi mahila ki janm rashi hai. ye bhi kafi sukhi vaivahik jivan vyatit kar rahe hain.
4. var ka shukra jis rashi men ho vahi rashi yadi kanya ki janmarashi ho to bhi safal vaivahik jivan ka dyotak hai. is udaharan kundli men purush ki kundli men shukra kanya rashi men hai tatha mahila ki rashi bhi kanya hi hai atah in donon ka vaivahik jivan bhi kafi behatar hai yadyapi donon ke bich thore vaicharik matbhed bhi utpann hote rahte hain.
5. var ki saptamasth rashi yadi kanya ki rashi ho to vah vivah achcha hota hai. is udaharan men purush kundli ke saptam bhav men vrishchik rashi hai jo ki mahila ki janm rashi hai. inka vivah bhi atyant safal raha hai tatha jo log inhen jante hain ve yahi kahte hain ki ye donon ek-dusre ke lie hi bane hain.
6. var ka lagnesh jis rashi men ho vahi rashi yadi kanya ki bhi ho to vivah sukhdayi hota hai. is udaharan men lagnesh budh sinh rashi men hai tatha sinh rashi hi mahila ki janm rashi hai. vivahoprant donon kafi sukhi jivan vyatit kar rahe hain.
7. var ke chandra lagn se saptam sthan men jo rashi pare vahi rashi yadi kanya ka janm lagn ho to vivah bahut shubh hota hai. is udaharan men purush ki janm rashi se satvin rashi dhanu hai tatha yahi mahila ki lagn rashi hai. iske karan ika vaivahik jivan kafi safal raha hai.
8. var ki chandra rashi se saptam sthan par jin-jin grahon ki drishti ho, ve grah jin-jin rashiyon men baithe hon un rashiyon men se kisi rashi men yadi kanya ka janm ho to vah vivah bhi uttam hota hai. is udaharan men purush ki janm rashi se satven bhav par rahu ki drishti hai jo ki kark rashi men sthit hai. mahila ki kundli ka lagn kark hai. inke prem vivah se inka jivan har prakar ki khushiyon se bhar diya. uparyukt do niyamon ka vichar kanya ki kundli se bhi hota hai. in ath niyamon men var v kanya ki kundli men ek bhi lagu ho to vivah shubh hoga aur yadi ek se adhik ho to sone men suhaga hoga. iske atirikt hamen sabhi rashiyon ke tatvon ka gyan hona bhi jaruri hai.
mesh, sinh evan dhanu agni tatva rashiyan hain. vrish, kanya, makar prithvi tatva hain. mithun, tula, kanubh vayu tatva tatha kark, vrishchik v min jal tatva rashiyan mani jati hain. jaisa ki ham jante hain jal se ag bujh jati hai. atah jal agni ka shatru hai, agni prithvi ko dagdh kar deti hai parantu vayu agni ki sahayak hai aur agni ko prajjvalit karti hai. prithvi jal se sinchint hokar hari-bhari ho jati hai atah prithvi tatva aur jal tatva men aur vayu tatha agni tatva men paraspar mitrata hai parantu vayu aur agni ka shatru prithvi aur jal hai.
atah vivah karte hue tatvon ka bhi dhyan rakhna chahie. lagn athva rashi donon mane se kisi ek men avashya hi dusre se maitri honi chahie. agar var ki kundli men chandra agni tatva men aur vadhu ki kundli men jal tatva mane hai aur lagn bhi prithvi tatva men hai to unke sanbandhon men mitrata ka abhav hoga. nishkarsha: vaivahik jivan men pati-patni ke madhya achche samanjasya ke lie uprokt niyam tatha rashiyon ke tatvon ka gyan to karagar hai hi sath hi nimnankit char mahatvapurn binduon par bhi vichar karna chahie.
ye char mahatvapurn bindu is prakar hain:
1. kundli men sukhi vaivahik jivan ke yog
2. ashtakut milan
3. manglik dosh milan
4. navansh kundli ka bal in char men se pahla bindu sarvadhik mahatvapurn hai. kyonki yadi var aur kanya ki janm kundliyon men sukhamay vaivahik jivan ke yogon ka abhav hua to kundli milan ke anya pairamitars v is lekh men charchit sutra nirarthak siddh ho jayenge.