ajakal jaise-jaise sukh-suvidha ke nae-nae sadhan v taknik viksit ho rahe hain, vaise-vaise tarh-tarah ke rog, kitanu evan vayaras bhi paida ho rahe hain. jyotish gyan-vigyan se mansik vikar, sharirik kasht, bhavishya ke dukhon-kashton ki jankari mil sakti hai. grahon ke dushprabhav hi mansik chinta ke karan bante hain aur mansik chinta hi dukhon ka, rog ka karan banti hai.
reki paddhati ka janm sandarbha: japan ne sharirik evan mansik vikaron ko dur karne ke lie ‘reki’ paddhati ko janm diya. ajakal yah paddhati bharat men bhi prachlit hai. halanki yah ‘sparsha-vigyan’ ke rup men bharat men prachin kal se hi prachlit thi, parantu ab bharat men bhi reki ke rup men samjha ja raha hai.
reki ka shabdik artha: gair paranpragat chikitsa pranali ki ek navinatam paddhati ‘reki’ hai. ‘reki’ ek japani shabd hai. ‘re’ ka arth hai sarvavyapi, jiv shakti evan ‘ki’ ka arth hai pran. is prakar reki ka arth hai, ‘sarvavyapi jiv-pran shakti’. is shakti par sabhi praniyon ka saman adhikar hai. parantu reki chikitsa pranali anya paranpragat pranaliyon se bilkul hi bhinn hain. pran urja men nirog shakti kshamata ah reki ke urja marg sharir ke ve chakra (spandan kendra) hain, jinhen jagrit karke sarvavyapi jiv pran shakti ke lie rah banayi jati hai aur jaise hi chakra jagrit vyakti apni hatheli jiv jantu ke kisi ang par rakh dete hain to yah shakti pravahit hokar rogi ke sharir men pravesh karne lagti hai. jis vyakti ke sharir par hatheliyan rakhi jati hain vah apni grahan shakti ke anusar hi pran urja ko prapt karta hai. is prakar pran urja men nirog karne ki adbhut kshamata hoti hai. ‘reki’ koi dharm nahin, sanbandh nahin. ise hiling tach arthat hath lagane se rog mukti paddhati ya rog nivaran vidya kaha jata hai.
urja sancharan svayan chikitsa: reki ke uchch star ke gyata jinhen reki mastar kahte hain, kisi bhi vyakti men urja sanchar karne ki kshamata rakhte hain. reki ka sabse bara prayog-upyog hai- ‘svayan chikitsa’. vyakti kitne bhi tanav men ho, thaka-hara ho jaise hi reki urja prapt karta hai vaise hi adbhut tarotajgi anubhav karta hai.
sukshm sharir men pravesh: sharir men reki ke pravesh karte hi dabi hui manobhavna evan urja pravahit hokar vichrne lagti hai. urja ki sukshm tarangen spandan karti hui svatah sharir ke avashyaktanusar barhti hai. sharir ke kisi ang men asantulan ya avrodh hai, iski use samajh hai. reki usi or gatiman hogi jidhar sthul evan sukshm sharir men bahya urja tarangon ki avashyakta hai. pratyek vyakti apne antrik avyvon ko hi nahin, balki bhautik rup se bhi kshatigrast utkon evan asthiyon ka bhi punarnirman karne ke sath-sath santulan bhi kayam karne men saksham hai.
upchar-gatividhi: sadharntya vyadhiyon ke lie tin dinon ka reki upchar kiya jata hai. purani bimariyon ke lie kam se kam 21 dinane ka upchar avashyak hai. sharir ke sabhi 24 angon par kam se kam tin minat tak hatheliyan rakhna avashyak hai. pahle purn sharir ka upchar karne ke uprant hi sharir ke jis ang par taklif hai, vahan 20-30 minat upchar kiya jana chahie. parantu ayat-sthiti men prabhavit ang ka sidhe upchar kiya ja sakta hai ya chakra santulan kiya ja sakta hai. reki ki urja ek sath donon hi chakra evan antah visthapit granthiyan grahan karti hain.
sharir men pramukh 7 chakra santulan ah manav sharir men sat pramukh chakra hote hain :
sahastra chakra: yah dain ankh, mathe ke upar ke hisse ko niyantrit karta hai.
agya chakra: yah tantrika tantra ko niyantrit karta hai.
hriday chakra: yah dil ko niyantrit karta hai.
vishuddh chakra: yah gale evan fefron ko niyantrit karta hai.
anahat manipur chakra: yah pet, livar evan pittashay ko niyantrit rakhta hai.
svadhishthan chakra: yah janan avyvon ko niyantrit rakhta hai.
muladhar chakra: kidni, bledar aur rirh ki haddi ko niyantrit rakhta hai.
anya chikitsa:
inke alava manav sharir men upchar karne ki 24 sthitiyan aur bhi hoti hain. reki paddhati dvara sharir ke upri char chakra yatha sahastra chakra, agya chakra, vishuddh chakra evan hriday chakron ko shakti se sancharit kiya jata hai. shakti prapt vyakti jaise hi apni hatheliyane ko pirit vyakti ke sharir ke kisi bhi ang par rakh dete hain, reki svatah pravahit hone lagti hai. jis ang par hatheliyan rakhi gai hain ve avashyaktanusar reki shakti khinchne lagti hai. ek bar reki shakti prapt hone ke bad yah jivan paryant bani rahti hai. reki ek ashcharyajanak paddhati hai jisse atmavishvas v atmashakti -atmagyan prapt kiya ja sakta hai. anandamay jivan ki disha men reki upchar ek anokhi anubhuti hai.