jivan jitna kathin hai utna hi saral bhi. jarurat hai to sirf apni aur apne as-pas ki urjaon ko apne anukul karne ki. jivan ke har pahlu men admi ke as-pas ke mahaul ka evan sakaratmak aur nakaratmak vicharon aur urjaon ka uske jivan par atut prabhav hota hai . ek haindlum ki faiktri ke malik jinki faiktri men kul nau mashinen thin aur usmen se sat vibhinn prakar ki takniki ya arthik karnon se band thin.
sajjan apne halat se bahut pareshan the aur pareshaniyan itni ki dilli ke ek bare aspatal se unka mansik ilaj bhi chal raha tha. ve chahte the ki unka ek makan jo hariyana ke panipat shahar men hai, bik jaye taki mansik aur arthik rup se unhen kuch shanti mile. kuch hi din bad un sajjan ne faiktri ka vastu karvaya.
faiktri ka mukhya dvar purva disha ki or hai jo ki shani sanbandhit lohe ki mashinon ke lie bahut jyada upyukt nahin hai. faiktri ki mukhya imarat uttar disha men unchi bani hui hai aur mashinri dakshin bhag men hai lekin dakshini imarat, uttar ki imarat se bahut nichi aur halki hai. bhavan ke agney kon men karigron ke lie taeylet bana hua hai.
nairritya kon, ishan kon se bahut nicha hai. faiktri ka mukhya karyalay faiktri ke mukhya ishan kon par dakshin mukhi sthit hai. malik ka apni gaddi par baithne ke bad mukh ki disha dakshin hai jis karan se unka aur unke sahbhagi (unke pita) ke bich bhi anek karnon ko lekar vaicharik matbhed rahte hain.
vastu ki sabhi trutiyan mano faiktri ke malik evan unke pita ke chehre par, vyapar par aur jivan shaili par jyon ki tyon chapi thin. akhir men ab samay tha badlav ka, nakaratmak se sakaratmak disha ka, nuksan se labh ki or barhne ka. lekin nakaratmak urjaon se nikal kar sab kuch sakaratmak karna itna asan kahan tha. sajjan ke pita ji ne faiktri men kisi bhi tarah ki tor-for ya badlav men asamarthata jatai.
vastuvid ne unhen piramid vastu ki jankari di ki bahut bar aisa sanbhav nahin ho pata ki vyakti vishesh apne sthal par kisi tarah ke kanstrakshanal badlav karaye ya vahan koi fijikal chenj kare islie vastu ke adhunik rup men kuch piramids ka istemal kar ham bina kisi tor-for ke sthan ko vastu ke anukul bana pate hain. parmpita parmeshvar jab apka bhala chahte hain to rasta khud b khud apke samne dikhne lagta hai.
agle hi shubh samay ke anusar unke sthal ka brahmasthan nirdeshit kar usmen nau piramid lagakar sthal ki bhumi ko urjit kar sarva doshon se mukti ka upay kiya gaya. karyalay ke dakshin dvar par protekshan piramid, risepshan par bijnes ko, vyapar ko barhane vala piramid ‘‘bijnes diska’’, baithne ki gaddi par saflta dayak faechryun piramid ‘‘faechryun sit’’ adi kuch piramids ka upyog kar pure sthal ki urja ko vastu ke anukul kiya gaya.
rojana apne grah dosh aur vastu dosh ke nivaran ke lie ‘‘payra fayr’’ piramid diya gaya jisse ki bhavishya ki tarakki evan saflta ke marg prashast hon. aj chalis mashinen usi sthal par safltapurvak unko tarakki evan saflta ki rah par agrasar kar rahi hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!