‘‘avashyamev bhoktavyan kritan karm shubhashubham.’’ arthat janm janmantar men kie hue karmon ka vinash nahin hota, ve avinashi hain. sath hi kaha gaya hai ki ‘‘nabhuktan kshiyate karma’’ arthat bhog ke bina karm ka vinash nahin ho sakta.
anuman ke adhar par punarjanm ko sabit karne hetu ham ek praman lete hain ki fal ko dekhakar atit bij ka anuman kar liya jata hai. tadnusar uttam kul aur adham kul men janm dekhakar purvajanm ka anuman ho jata hai. balkon ke sva. bhav bhi unke purvajanm ko darshate hain.
udahrnarth krishnalila men ek prasang ata hai ki jab shrikrishn mitti uthakar kha rahe the to yashoda maiya ne unse kaha ki kya tu purvajanm men shukar tha jo is tarah mitti ko kha raha hai? vastav men shrikrishn purva ke avtar men shukar hi the. hamare yahan ki nitya nutan chirpuratan ki avdharna bhi to isi par adhrit hai. ye tathya punarjanm siddhant ki pushti karne hetu paryapt hain.
baibil men bhi parva 2 ayat 8-15 men varnit hai ki eliyah nabi ki atma mrityu ke pashchat elosha men a gai. mati parva 11, ayat 10-13 men yuhanna baptisma dene vala hi purva janm men eliyah tha aisa kaha gaya hai.
khud is ke kai aise moaje prasiddh hain jinmen unhonne kisi ke bhitar pravisht shaitan ki atma ko bahar nikala tha. besiliyan, vailentiyan, mashinist, saimenist, mainichiyan adi isai dharm ki aisi shakhaen hain jo aj bhi punragan ko manti hain. gautam buddh ke bare men kaha gaya hai ki unhen apne purva ke 5000 janmon ki smriti thi.
shastron men kaha gaya hai ki jab mastishk men rami hui pran avayu netramarg se bahar niklti hai tab uska purnajanm manvyoni men hota hai v use purvajanm ki smriti bani rahti hai. aj bhi ae din akhbaron, patrikaon adi men bachchon ki purvajanm ki smriti ki khabren ati rahti hain. aisi khabren keval hinduon men athva bharatavarsh men hi nahin balki sanpurn vishva v prayah har majahab men sunne ko milti hain.
udaharan aarth nekati unlkaskiron namak balak kahta tha ki purva janm men uski hatya kar di gai thi. usne apne katil ka nam bhi bataya tha. dilli se prakashit ek dainik samachar patra men 20/12/57 ko chape ek samachar ke anusar 75 varshiya vyavsayi vishvanbhrnath bajaj ki 16 tarikh ko mrityu ho gai parantu fir vah ji uthe v usi samay ek anya vyakti ka pranant ho gaya.
dakshin afrika ke pritoriya shahar men janmi joy namak bachchi ko apne 9 purva janmon ki smriti thi. joy ke kathnon ki pushti vaigyanikon ne bhi ki. punarjanm ke sath-sath yoniprivartan, masalan stri se purush, larke se gau, gau se punah larka adi ki khabren bhi yadakda sunne ko milti rahti hain.
samachar patra ‘aj’ men to ek bar gul mohammad namak purva janm ke pakke namaji ke ek hindu balak ke rup men janm ki khabar bhi ai thi. frans, itli, japan, amerika adi anek deshon men punarjanm ki kai ghatnaen samne a chuki hain. vaigyanikon ne jab in ghatnaon par shodh kiya to inhen satya paya.
is prakar punarjanm ka hona siddh hua. kaun kis yoni ko prapt hota hai? hatya, chori, vyabhichar adi doshon ke karan manushya vrikshadi sthavar yoni ko prapt hota hai. vani se kie gae pap ke karan log pakshi, mrigadi yoniyon men janm lete hain.
man se kie gae papon ke karan chandal yoni ki prapti hoti hai. satvik gun sanpann log devyoni men janm lete hain. rajoguni manav yoni men tatha tamoguni tiryak yoni men janm lete hain.
if you are facing any type of problems in your life you can consult with astrologer in delhi