bhavan nirman purnatah vastu shastra sammat ho aisa sanbhav nahin ho sakta. vastu men kuch n kuch dosh avashya hi rah jata hai. jo shastron ke sutron men batlaya gaya hai us prakar badlav avashya karvayen aur kuch badlav sanbhav nahin ho paye, to ya nahin karva pate ho to, ya aur koi dosh ho to ya n ho tab bhi svastik aur ratnadip sthapna bahut hi labhkari siddh hota hai.
ratnadip sthapna ke vishay men mayamatam, mansaram aur aprajit prichcha, samrangan sutradhar, manushyalay chandrika adi prachin granthon men vistarpurvak jankari di gayi hai tatha pratyek granth men alg-alag kram aur vidhi darshayi gai hai. par guruji ma. shri. y. n. maggirvarji ne ratn sthapna aur svastik sthapna ka samanvay karte hue nandi pratishthapna ka bhi antarbhav kiya hai. ham log jo vidhi karte a rahe hain vah ant men di gayi hai, jo mansaram paddhati se sanlagn hai:
mayamatam paddhati:
madhyame padragan tu marichai vidruman matam.. 27 ..
savindre pushparagan tu vaidurya syad vivasvati.
vajramindrajye vidyadindranilan tu mitrake.. 28 ..
rudraraje mahanilan marktan tu mahidhre.
muktapavatse madhyadipurven kramsho nyaset.. 29 ..
mayamatam adhyay :
1. brahma-madhya men manik ratn sthapna.
2. brahm sthan ke bagal men purva disha men marich pad mane munga sthapna
3. brahm sthan ke bagal men agney disha men savindra pad mane pukhraj sthapna.
4. brahm sthan ke bagal men dakshin disha men vivasvan pad men vaidurya (lahsuniya) sthapna
5. brahmasthan ke bagal men nairritya disha men indrajay pad men hira ya sfatik sthapna.
6. brahmasthan ke bagal men pashchim disha men mitra pad mane indranil (nilm) sthapna.
7. brahmasthan ke bagal men vayavya disha men rudrajay pad men mahanil (nilm) sthapna.
8. brahmasthan ke bagal men uttar disha men prithvidhar pad mane panna ki sthapna.
9. brahmasthan ke bagal men ishanya disha men apavats pad men moti ki sthapna adi mayamatam granth men darshaya gaya hai.
aprajita prichch paddhati:
anen kramyogen ratnanyasan tathottamam.
purvadikramyogen ratnadhatvaushdhani ch..
vajrav aid urya m uktashchaind ranilas unilakam.
pushparagan ch gomedan pravalan purvatah kramat..
mayamatam aur mansaram donon granthon ki paddhati se aprajit prichcha paddhati men ratn sthapna karne ka kram alag hai. ismen shuruat purva disha ke madhya men darshaya gaya hai.
1. purva madhya men - vajra - (hira ya sfatik)
2. agney disha men - vaidurya (lahsuniya)
3. dakshin madhya men - moti
4. nairritya men - indranil (nilm)
5. pashchim madhya men - sunil (nilm)
6. vayavya men - pukhraj
7. uttara-madhya men - gomed
8. ishanya men - praval (munga)
9. brahm madhya sthan men - manik
mansaram paddhati 21 :
madhye tu padmaragan tu vajran chaivendrakoshtake.
vidruman chagnikone tu yamye nilan tu vinyaset.. 194 ..
nairitye pushparagan tu pratyadmarakatan kshipet.
gomedkan nyasedvayau saumye mauktikan vinyaset.. 1951 ..
ishe sfatikan nikshipya tattaddevansvanamtah... 195-5..
mansaram adhyay 18 :
1) madhye tu padmaragan tu - brahmasthan - manik
2) vajran chaivendrakoshtake - hira- purva madhya men hira ya sfatik
3. vidruman chagnikone tu- agney men munga
4. yamye nilan tu vinyaste - dakshin madhya men nilm
5. nairritya pushparagan tu - nairritya men pukhraj
6. pratyamrktan kshipet - pashchim madhya men panna.
7. gomedkan nyaseddhayau - vayavya men gomed.
8. saumye mauktikan vinyaset - uttar madhya men moti.
9. ishe sfatikan nikshipya tattaddevansvanamtah sfatik shri, y. n. maggirvarji ne prathmeshtika - (nanda pratishthapna) aur ratn sanskar donon ka samanvay karke ratnadip sanskar banaya hai.
aj kal inton ke kaelam banna band sa ho gaya hai. islie into par shan, shan, san, han likhvakar ya khod kar nanda, bhadra, jaya, rikta aur purna likhva den. sugam paddhati sadhakar mayamatam adhyay 9 men suchit kiye anusar tamrapatra par svastik kor ke (inching) taiyar kiya gaya aur agney disha men tanbe ki plet par shan, shan san han un bij mantra akshar ko is prakar likha gaya hai, ki ek-ek bij akshar jaise nanda, bhadra, jaya, rikta aur purna yah int par likha gaya aisa pratit ho.
isse charon mukhya disha men rakhne vale- svastik ki kami puri hoti hai aur usi prakar nanda, bhadra, jaya, rikta aur purna- bij mantra ke sath sthapna ka samadhan milta hai. yah keval char mukhya disha ke alava sabhi 9 disha men rakhne se sabhi disha ke ratn sthapna ko yogya jagah par yogya asan bhi ban jata hai.
is sthiti men ‘mansar’ paddhati ratnasthapna ka avlanban karke nau jagah 9 svastik jismen un likha hai aur nanda pratisthapna svastik ka avlanban purn navaratn sthapna karane matalab granth men di gayi paddhatinusar agney men prathmeshtika sthapan karne ka shrey prapt hoga aur tamrapatra svastik sthapan ka samadhan hoga.
itna hi nahin sabhi ratn sthapna ke lie svastik ka asan milega. yahan pratyek svastik ke niche chaval ka asan banakar tamrapatra svastik sthan karen aur us disha anusar us grah devta ke bij mantra se abhimantrit karke ratn sthapan karen khasakar som kripa men (uttara) moti, ishanya v purva men sfatik aur varun kappa men panna inka praman thora adhik rakhen, vishesh panna ke upar morpankh tatha moti ke sath thora samudri namak jarur rakhen.
shankhnad aur bijmantra ke sath ratnadip sthapna vidhi karen. uprokt mansaram paddhati men jo darshaya gaya hai, use ham prakritik bhi samajh sakte hain. jaise lal rang agney ka munga agnitatva jise agney men rakha jaye. nilam jo yam bhagvan ka bhi mana gaya hai. islie dakshin men yam kappa nilam ke lie sarvashreshth hai.
pukhraj nairritya men pila rang-prithvi tatva- hara panna pashchim ke varun kappa nilam ke lie sarvashreshth hai. pukhraj nairritya men pila rang-prithvi tatva’ hara panna pashchim ke varun kappa men jo mata lakshmi ka sthan bhi hai. mata lakshmi ji ka ati priya ratn mana gaya hai gomed jo vayavya men.
vayavya kaernar men jo hai mata lakshmi ji ke varun aur kuber ji ke som kappa ke bich hai tatha varun mata ji ke vahan garur ka sthan bhi hai. uttar disha ke som kappa men moti jo kuber ji ka atipriya mana gaya hai tatha ishanya men sfatik lingam jo svayan ishvar hai. vo ish kappa tatha brahm madhya bhag men manik surya devta ka. niche diye gaye bij mantra dvara nanda pratishthapna aur ratnadip sthapna karen.
1. manik - un hran hrin hraun sah suryay namah .
2. sfatik - un dran drin draun sah shukray namah .
3. munga - un kran krin kraun sah bhaumay namah.
4. nilm- un pran prin praun sah shanaishcharay namah.
5. pukhraj - un gran grin graun sah gurve namah.
6. panna - un bran brin braun sah budhay namah.
7. gomed - un bhran bhrin bhraun sah rahve namah.
8. moti - un shran shrin shraun sah somay namah.
9. sfatik lingam - un tryambakan yajamhe sugandhin pushtivardhanam urvarukmiv bandhanan mrityormukshiya mamritat.
uprokt paddhati se nanda pratishthapna aur ratnadip sthapna se vastu ka rakshan in ratnon ke tejovalay se lakshman rekha ki tarah hoga, aur vastu men sakaratmak urja jyada rahegi. khasakar iska parinam vyavsayik vastu men bhi kafi achcha milta hai. grih vastu men vyapar bahut kam hota hai islie iske parinam vyavsayik vastu men jaldi samajh men ate hain.
jis disha men dosh hoga vahan ratnon ki matra barha den aur ekadh ratn jo ham anguthi men dharan karte hain vaise yani thori achchi gunavatta ka ratn nikshepan karen. vidisha vastu ke lie bhi svastik yantra rakhte samay pratham brahm aur dusra purva madhya agney isi tarah pradakshina marg se sthapit karen. are- terhe ya bina akar ke vastu ke lie koshish karen ki chaikor ya aytakar chairsakriti men hi ratnadip sthapit karen jisse kritrim tarike se vastu chaikor ho jati hai aur kate ya barhe hue adhik bhag ke dushparinam apne ap hi kam ho jate hain.
akriti- a- ishanya thora barha hua hai akriti - ba- nairritya barha hua hai. jahan barha hai vahan bhi donon jagh-nairritya vali samagri ki or ishanya vali samagri ki sthapna karen.
jivan men jarurat hai jyotishiya margadarshan ki? abhi bat karen fyuchar point jyotishiyon se!