pratham setupti guh evan rameshvaram gautam patel vri shabh-surya, kanya-chandrama, jyeshth mas, shukla paksh, dashmi tithi, budhvar, hast nakshatra, gar-karan, vyatipat yog tatha anand anandadi yog, is prakar param punyamay das yogon ki sanyukt upasthiti men yajman sitaram ne acharya aur muniyon ke sannidhya men mantrochcharan ke sath sita nirmit balu ke shivling ki pran pratishtha ki, jo rameshvar ke nam se aj bhi prasiddh hai. yuddh purva athva yuddh pashchat hi nahin, apitu ajivan sitaraman rameshvaram ka anushthan karte rahe. shri ramchandra ji ne guh ko ramnathpuram ka pratham ‘setupti’ banakar unka rajyabhishek kiya tha. rajyabhishek ke samay guh jis chattan par baithe the vah ramnath puram ke ramling vilas mahal men aj bhi surakshit hai. samipasth sabhi rajaon ne samudri tatha tatavarti sabhi sthalon par sanpurn adhikar un setupti ko saunp diya tha. shri ramnath svami hi in setupti ke kul devta rahe hain. raja guh svayan tatha unke vanshaj tab se ab tak rameshvaram se gahra sanpark rakhte rahe hain. aj bhi ramnathpuram ke setupti athva raja ke vanshaj (san 1970 men shri es ramnath setupti) shri rameshvaram devasthanam sanchalak mandal ke adhyaksh rahe hain. rameshvaram ek tapu ka nam hai. is tapu men sabse mukhya darshaniya sthal hai- rameshvar, ramlingeshvar athva ramnathasvami ka mandir. rameshvar tapu ke purvi sagar tat par sthit yah mandir dravir vastukla ka bejor namuna hai. mandir ki shilpakala dekhne layak hai. stanbhon par ki gai barik karigri bhi darshaniya hai. is mandir ki sabse vikhyat sanrchna hai bharat ka sabse bara parkota. yah purva se pashchim 197 mitar aur uttar se dakshin 133 mitar lanba hai. parkote ki chairai 6 mitar aur unchai 9 mitar hai. mandir ke pravesh dvar par 38.4 mitar uncha tavar (gopurm) hai. lagabhag 6 hekteyar men bane is mandir men 22 kuen hain. machuaron ko chorakar is dvip ke lagabhag sabhi nivasiyon ki jivika darshanarthiyon par hi nirbhar hai. rameshvar mandir men vishalakshi ji ki bagal men nau jyotirling hain jo lankapti vibhishan dvara sthapit hain. mul ling vale garbhagrih tatha anba devi ke mandir ka nirman barhvin shatabdi men shrilanka ke raja parakram bahu ne kiya tha. pandrahvin shatabdi men ramnathpuram ke raja udaiyan setupti aur nagapattim ke nikatasth nagur nivasi ek vaishya ne sanyukt rup se 78 fut gopur tatha parkoton ka nirman karvaya tha. madurai ke ek dhanadhya bhakt ne devi mandir ki marammat karvai thi. 16vin shatabdi men mandir ke dakshin bhag ke dvitiya parkote divar ka nirman tirumlai setupti namak raja ne karvaya tha. devi mandir ke dvar par unki tatha unke putra raghunath setupti ki murtiyan sthapit hain. aj bhi pratyek shukravar ki rat unhen mala pahnakar sammanit kiya jata hai. isi shatabdi men madurai ke raja vishvanath nayak ke adhinasth ek raja chinn udaiyan setupti kattattevr’ ne nandi mandap tatha kuch anya nirman karya sanpann kiya tha. is nandi mandap ka akar 22 fut lanba, 12 fut chaira aur 17 fut uncha hai. 17vin shatabdi men dalvay setupti ne purva disha ke gopur ka ek ansh banvaya. atharhvin shatabdi ke praranbh men ravivijay raghunath setupti namak raja ne devi-devta ke shayngrih tatha devi ke garbhagrih ke samne ek mandap ka nirman karaya. isi shatabdi men muttu ramling setupti ne bahri parkote ka nirman karya purn karaya. unki tatha unke do mantriyon ki shilamurtiyan purvi parkote ke uttari dvar par aj bhi dekhi ja sakti hain. san 1897 se 1904 ke madhya devkottai ke ‘¬. aru. vansh’ valon ne apne kutunb parivar ki dharmik nidhi se dhanrashi nikalakar purva ke nau dvar vale 126 fut unche gopur ka nirman karaya. 1907 se 1925 ke madhya inhin ke kutunb parivar valon ne garbhagrih ki marammat karvai. sadharan pattharon ke parkoton ko kale pattharon ke parkoton men parivartit karvaya. sabhi sthalon par shuddh vayu aur prakash ki vyavastha bhi ki. in sabke atirikt 27-2-1947 ko sanpurn mandir ka ashtabandhan mahakunbhabhishek bhi karvaya. is prakar ramnath svami ka yah mandir ramayan kal se ab tak kai logon ke dvara shanaiah shanaiah nirmit hote hue aj is bhavyata tak pahuncha hai. lekin fir bhi ramnath puram riyasat ke setuptiyon athva rajaon ki bhumika mahatvapurn rahi hai. mandir ke pashchimi parkote tatha pashchimi gopuradvar se setumadhav mandir jane vale marg jahan milte hain; vah sthan shatranj patti ke saman dikhai dene ke karan chaturang mandapam athva shatranji mandp’ kahlata hai. vasantots ke shubh avasar par isi mandap men mandir ki murtiyon ko alankrit kar pradarshanarth rakha jata hai. ramnathpuram ke setuptiyon/rajaon ki or se asharh aur magh mahinon men chathe din ka utsav aj bhi yahin par karaya jata hai. ramnathpuram jila mukhyalay, tahsil mukhyalay tatha vikas khand mukhyalay hai.
Kya aapko lekh pasand aaya?
Subscribe