agastya sanhita men kaha hai: chaitra mas ke shukla paksh ki navmi tithi men pavitra punarvasu nakshatra men guru navansh men panch grahon ke uchch rashi men sthit hone par, mesh men surya ke prapt hone par tatha kark lagn men kaushalya maharani se (maharaj dasharath ke angan men) parabrahm parmatma ka avirbhav hua. usi din sada upvas rupi vrat karna chahie. usi din raghunath ke bhakt prithvi par jagaran karen. yah tithi madhyahn kalavyapini grahan karen. yadi chaitra shukla navmi tithi punarvasu nakshatra yukt hokar madhyahnavyapini ho, to vah mahapunyaprad hoti hai. kaha bhi hai: chaitra mas ki navmi tithi men svayan hari, ram ke rup men utpann hue. yadi punarvasu nakshatra se navmi tithi sanyukt ho, to sanpurn kamnaon ko dene vali hoti hai.
yah ram navmi karoron surya grahon se adhik faldayak hoti hai. sanpurn bharatavarsh men hindu parivaron men vishesh rup se maryada purushottam ram ka yah janm mahotsav manaya jata hai. pratyek ram mandir men bhakton dvara shri ram ka gungan kiya jata hai. sthan-sthan par kai din purva se hi gosvami tulsidas ke amar kavya ‘ramchrit mans’ ka path, ‘hare ram hare ram ram ram hare hare . hare krishn hare krishn krishn krishn hare hare..’ mahamantra ka jap, divya ram katha, shri ram ki pratima ka panchamrit se abhishek, gandhodk-shuddhodak snan, dhup, dip, naivedyadi se panchopchar evan shodshopchar puja, nritya, git, bhajan adi ke karyakram sanand sanpann kiye jate hain. baba tulsidas ne shri ramchrit manas ki rachna isi din se ayodhya men aranbh ki thi. bhagvan shri ram ki janmasthali ayodhya men is din bara bhari mela lagta hai.
dur-dur ke anchlon se aye bhakt jan ram lala ke darshan evan saryu snan se krit kritya hokar adipurush ki atit lilaon men kho jate hain. devta bhi is param utsav ko dekhne ke lie nij vimanon aur vahnon par baithakar is alaukik chata ka anand lete hain. bhakton dvara vibhinn prakar ki artiyan, stotra path, prarthanaen ki jati hain. punah pushpanjli, kshama prarthana aur bhog-prasad evan bhandare ke bhi vishal ayojan sanpann hote hain. satyata hai ki jo ek bar prabhu ram ke sammukh ho jata hai, uske karoron janm ke patak nasht ho jate hain. sanmukh hohi jivan mohin jab hin. janm koti agh nashin tab hin.. yah vrat sabhi varnon ke nar-nariyon ko saman rup se karna shreyaskar hai, kyonki bhagvan ram ki maryadaen janmanas ke lie vishesh labhkari hain. bhai ka bhai ke prati, mata ka putra ke prati, putra ka pita ke prati, pati ka patni ke prati, patni ka pati ke prati, vir ka vir ke prati, shatru ka shatru ke prati, mitra ka mitra ke prati, putra ka mata ke prati adi jo kartavya hain, ve bhagvan shri ram ke charitra se hi prapt hain. manushya jivan ke char purusharth (dharma-artha-kam-moksha) is vrat se siddh ho jate hain.
yah vah ram hai, jo kan-kan men vyapt hai, jar chetan men vyapt hai, urja shakti ko pravahit karne vala hai. yah peram se pragat hone vala ram hai- hari vyapak sarvatra samana, prem se pragat hohi main jana. atah aise maryada purushottam sabke antaryami parabrahm parmatma sachchidanand svarup tapatray nashak shri ram ke yugal charnon men kotishah sashtang pranam: nilambujashyamlkomlangan sitasmaropitvambhagam. panau mahasaykcharuchapan, namami raman raghuvanshnatham.. shri ramachandrachrnau mansa smarami, shri ramachandra charnau vachsa grinami. shri ramachandra charnau shirsa namami, shri ramachandra charnau sharnan prapadye.. shri ram jay ram jay jay ram. dharm ki jay ho, adharm ka nash ho, praniyon men sadbhavna ho, vishva ka kalyan ho, sanatan dharm ki jay ho. vichar shuddhi ke lie: take jug pad kamal manavaun. jasu kripan niramal mati pavaun.n jivan sudharne ke lie: mori sudharihi so sab bhanti. jasu kripa nahin kripa aghati.. buddhi ko dharm men lagane ke lie: jag mangal gunagram ram ke. dan mukuti dhan dharam dham ke.. prarabdh dosh nivritti ke lie: mantra mahamni bishay byal ke. metat kathin kuank bhal ke..
mangal kalyan ke lie: mangal bhavan amangal hari. dravau so dasharath ajir bihari.. karyasiddhi ke lie: jehi bidhi nath hoi hit mora. karhu so begi das main tora.. bhagavaddarshan ki vyakulta ke lie: ur abhilash nirantar hoi. dekhiya nayan param prabhu soi.. putra prapti ke lie: prem magan kaushalya nisi din jat n jan. sut saneh bas mata balchrit kar gan.. vivah karya ke lie: devi puji pad kamal tumhare. sur nar muni sab ho hin sukhare.. suni siya satya asis hamari. pujihi man kamna tumhari.. gupt manorath siddhi ke lie: mor manorath janhu nike. bashu sada ur pur sabhi ke.. shankar bhagvan ki prasannata ke lie: asutosh tumh avathar dani. arti harhu din janu jani.. pap nash ke lie: ram ram kahi je jamuhahin. tinhahi n pap punj samuhahin.. bhagavat bhakti ki vriddhi ke lie: sita ram charan rati more. anudin barhau anugrah tore..
bhagvan ke charnon ki priti ke lieah yah bar magaun kripaniketa. bashu hriday shri anuj sameta.. sanpurn manorthon ki siddhi ke lie bhav bheshaj raghunath jas sunhi je n aru nari. tinh kar sakal manorath siddh karhin trisirari.. kinkartavyavimurhavastha ke samy: taru pallav mahun raha lukai. karai vichar karaun ka bhai.. mansik durbalata ko dur karne ke lie: garur sumeru renu sam tahi. ram kripa kari chitva jahi.. sankat nash ke lie: din dayal biridu sanbhari. harhu nath mam sankat bhari.. yatra men durghatana se bachav ke lie chalat biman kolahal hoi. jay raghuvir kahai sabu koi.. sukh-sanpatti ke lie: jo sakam nar sunhin je gavhin. sukh sanpti nana vidhi pavhin.. hardik ichcha ki purti ke lieah jo ichcha karihhu man mahin. hari prasad kachu durlabh nahin..