varsha ka purvanuman: jyotishiya drishti se varshanuman ke lie mediniya jyotish men anek paddhatiyan hain. inmen nimn vishyon ka vishleshan kiya jata hai:
1.sanvatsar,
2.sanvatsar ka raja,
3.meghesh,
4.surya ka adrra pravesh,
5.megh,
6.rohini vas,
7.stanbh,
8.nag,
9.trinari chakra,
10.saptanari chakra,
11.kurm chakra,
12.nakshatra sankhya bodhak chakra,
13.varsha bodhak chakra aur
14.grah gochar.
iske atirikt akashiya lakshan evan meghon ke garbh vichar ke anusar bhi varsha ka anuman lagae jane ki paddhatiyan hanai. jiv-jantuon, pashu-pakshiyon evan kire-makoron ki gatividhiyon se bhi varsha ka purvanuman lagaya jata hai. is varsh sanvat 2063 vikari namak sanvatsar hai jiska svami surya hai.
mediniya jyotish ke anusar iske karan varsha men vilanb ho sakta hai. is varsh sanvatsar ka raja evan meghesh guru hai jo adhik evan vistrit varsha dene men saksham hai. surya kark lagn men adrra men pravesh karega jo achchi varsha ka suchak hai. is varsh pushkar namak megh hai jo kam varsha ka sanket deta hai. parvat par rohini vas kam varsha ka suchak hai.
jal stanbh ;87ahddh evan narendra namak nag bahut achchi varsha ka suchak hai. kurm chakra dakshin pashchim bharat men adhik varsha ka dyotak hai. kul milakar mediniya jyotish ke anusar is varsh achchi varsha ka anuman hai. mediniya jyotish ki adhikansh vidhiyan pure vishva ke lie manya hoti hain, ek sthan ke lie nahin jabki varsha kisi ek sthan par adhik hoti hai to kisi dusre sthan par kam.
yahi karan hai ki varsha ke anuman ke lie jyotish ka upyog bahut hi nyun raha hai evan mediniya jyotish bhi purnarup se upyukt nahin hai. fyuchar paeint dvara nai paddhati viksit ki gai hai. is paddhati men kisi bhi sthan ka pichle varshon ki varsha ke ankron ko grahon ki chal par achchadit kar yah gyat kiya jata hai ki kaun sa grah kis sthan par kitni varsha dene men saksham hai evan bhavishya ki grah sthiti ki ganna kar varsha ka purvanuman lagaya jata hai.
is ganna ke anusar, jo ki dilli ke lie 1953 se 2003 tak ki varsha ki ganna par adharit hai, nimn yog samne ae hain: surya, budh evan shukra mithun, kark v sinh rashiyon men atyadhik varsha dete hain evan vrishchik men nyunatam. surya pushya v ashlesha nakshatron men adhikatam v svati men nyunatam, budh ashlesha v magha men adhikatam aur vishakha, anuradha aur jyeshtha men nyunatam tatha shukra magha men adhikatam v mul men nyunatam varsha deta hai.
mangal jaise-jaise uchchata ki or barhta hai, varsha kam aur uske nich hone par adhikatam hoti hai. punarvasu, purva falguni v uttara falguni nakshatron men yah adhikatam evan uttarasharh v shravan nakshatron men nyunatam varsha deta hai. guru mangal ke viprit uchch hone par sarvottam, lekin nich ke samip kunbh rashi men nyunatam varsha deta hai, svati aur anuradha nakshatron men adhikatam v jyeshtha men nyunatam varsha deta hai.
shani kark v sinh rashi men evan ashlesha nakshatra men nyunatam varsha deta hai. rahu min rashi v uttarabhadrapad nakshatra men nyunatam varsha deta hai. chandrama sabhi rashiyon evan nakshatron men saman varsha deta hai. guru v mangal jitna surya ke samip hote hain utni adhik varsha hoti hai. mangal se guru tisre, satven v gyarhven sthanon men adhikatam varsha deta hai.
mangal se shani dur hone par arthat panchven, chathe aur satven bhavon men adhikatam varsha deta hai jabki rahu mangal se pahle, chaithe tatha dasven men adhikatam aur barhven men nyunatam varsha deta hai. budh aur shukra mangal ke samip ane par adhik varsha dene men saksham hanai. rahu budh se dusre, tisre, chathe, satven v dasven bhav men adhikatam varsha deta hai jabki chaithe, athven aur barhven men nyunatam.
guru budh ke samip ane par adhik aur dur jane par kam varsha deta hai. uparyukt sabhi tathya keval dilli ke lie manya hain jo ki pichle 50 varshon ki varsha par adharit hain. in sabhi yogon ke adhyayan ke anusar is varsh dilli men mansun uttam hone ki asha hai.
mansun ka praranbh 23 jun tin din ko ho sakta hai. jun ke ant v julai ke prathmardh men varsha achchi rahegi, agast ke madhya men svatantrata divas v krishn janmashtami ke avasar par varsha hone ke asar hain. sitanbar men varsha kshin hoti jaegi.
dilli men 2006 men paryapt varsha hone ki sanbhavna hai. taduprant 2007 men apekshakrit kuch kam aur 2008 men bahut kam varsha hone ki sanbhavna hai. 2009 v 2010 men suvrishti ke hi sanket hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!