rahukal  

jyotish shastra men har din ko ek adhipti diya gaya hai. jaise- ravivar ka surya, somvar ka chandra, manglvar ka mangal, budhvar ka budh, brihaspativar ka guru, shukravar ka shukra v shanivar ka shani. isi prakar din ke khandon ko bhi ath bhagon men vibhajit kar unko alg-alag adhishthata diye gaye hain. inhin men se ek khand ka adhishthata rahu hota hai. isi khand ko rahukal ki sangya di gai hai. rahukal men kiye gaye kam ya to purn hi nahin hote ya nishfal ho jate hain.

isilie rahukal men koi bhi shubh karya nahin kiya jata. kuch logon ka manna yah bhi hai ki is samay men kiye gaye karyon men anisht hone ki sanbhavna rahti hai. lekin mukhyatah aisa mana jata hai ki rahukal men koi bhi shubh karya praranbh nahin karna chahie aur yadi karya ka praranbh rahukal ke shuru hone se pahle hi ho chuka hai to ise karte rahna chahie kyonki rahukal ko keval kisi bhi shubh karya ka praranbh karne ke lie ashubh mana gaya hai na ki karya ko purn karne ke lie. rahukal men ghar se bahar niklna bhi ashubh mana gaya hai lekin yadi ap kisi karya vishesh ke lie rahukal praranbh hone se purva hi nikal chuke hain to apko rahukal ke samay apni yatra sthagit karne ki avashyakta nahin hai. rahukal ka vishesh prachalan dakshin-bharat men hai aur ise vahan rahukalam ke nam se jana jata hai.

yah uttar bharat men ab kafi prachlit hone laga hai evan ise muhurÿa ke ang ke rup men svikar kar liya gaya hai. rahu ko naisargik ashubh karak grah mana gaya hai, gochar men rahu ke prabhav men jo samay hota hai us samay rahu se sanbandhit karya kiye jayen to unmen sakaratmak parinam prapt hota hai. is samay rahu ki shanti ke lie yagya kiye ja sakte hain. is avdhi men shubh grahon ke lie yagya aur unse sanbandhit karya ko karne men rahu badhak hota hai shubh grahon ki puja v yagya is avdhi men karne par parinam apurn prapt hota hai. atah kisi karya ko shuru karne se pahle rahukal ka vichar kar liya jae to parinam men anukulta ki sanbhavna adhik rahti hai.

jyotish shastra ke anusar is samay shuru kiya gaya koi bhi shubh karya ya kharidi-bikri ko shubh nahin mana jata. rahukal men shuru kiye gaye kisi bhi shubh karya men hamesha koi n koi vighn ata hai, agar is samay men koi bhi vyapar praranbh kiya gaya ho to vah ghate men akar band ho jata hai. is kal men kharida gaya koi bhi vahan, makan, jevrat, anya koi bhi vastu shubh falkari nahin hoti. dakshin bharat ke log rahukal ko atyadhik mahatva dete hain. rahukal men vivah, sagai, dharmik karya, grih pravesh, sheyar, sona, ghar kharidna athva kisi naye vyavsay ka shubharanbh karna, ye sabhi shubh karya rahukal men purn rupen varjit mane jate hain. rahukal ka vichar kisi naye karya ka sutrapat karne hetu nahin kiya jata hai, parantu jo karya pahle se praranbh kiye ja chuke hain ve jari rakhe ja sakte hain.

apni kundli men rajyogon ki jankari paen brihat kundli fal riport men

rahukal ganna

rahukal ganna ke lie dinman ko ath barabar bhagon men bant liya jata hai. yadi suryoday ko samanyatah pratah 6 baje man liya jaye aur suryast ko 6 baje sayan to dinman 12 ghanton ka hota hai. ise ath se vibhajit karne par ek khand derh ghante ka hota hai. pratham khand men rahukal kabhi bhi nahin hota. somvar ka dvitiya khand rahukal hota hai, isi prakar shanivar ko tritiya khand, shukravar ko chaturth, budhvar ko pancham khand, guruvar ko chatha khand manglvar ko saptam khand aur ravivar ko ashtam khand rahukal ka hota hai.

nimn talika men var anusar rahukal ka lagabhag samay diya gaya hai:

rahukal keval din men hi mana gaya hai. lekin kuch vidvan ratrikal ke lie bhi iski ganna karte hain. ratri men vahi khand rahukal hota hai jo din men hota hai. yadi somvar ko 07:30 se 9 baje tak rahukal hota hai to ratri men bhi sayan 07:30 se 9 baje tak rahukal hoga. age di gai talika ki ganna keval asani ke lie di gai hai. sukshm ganna men suryoday v suryast ka sahi samay lena chahie aur uske anusar dinman v rahukal ki ganna karni chahie. chunki suryoday v suryast pratidin badlte rahte hain atah rahukal ka samay bhi pratidin badlta rahta hai. isi prakar suryoday v suryast sthan ke akshansh, rekhansh ke anusar bhi badlte rahte hain. atah rahukal sthan v dinank donon ke anurup badlta rahta hai.

udaharan ke lie yadi dilli men 1 aprail 2013, somvar ko suryoday v suryast len. suryaeday 6:12, suryast 18:37, dinman = 18:37 - 6:12 = 12:25 ghante, khand = 12:25/8 = 1:33 mint

pratham khand 6:12 se 7:45, dvitiya khand 7:45 se 9:18 tak, chunki somvar ko dvitiya khand rahukal ka hota hai atah spasht rahukal pratah 7:45 se 9:18 tak hua. ratri men bhi rahukal 19:45 se 21:18 tak hoga. kuch vidvanon ka manna hai ki rahukal ke lie arddh binb ka suryoday v suryast ka samay lena chahie n ki binb sparsh hone ka. dusre aisa bhi manna hai ki suryoday adi ke lie darshit suryoday kal nahin lena chahie balki jyamitiya suryoday kal lena chahie jismen ki paravartan aur unchai adi ki shuddhi nahin ki gai ho. inka aisa manna hai ki jyamitiya suryoday surya darshan ke bad men hota hai. lekin paravartan ke karan surya kuch minat purva hi dikhne lagta hai.

kariyar se juri kisi bhi samasya ka jyotishiya upay paen hamare kariyar eksapart jyotishi se.

jyotishiya gannaon men hamen darshan kal n lekar, grahon ke madhya se rekha khinchakar ganna karni chahie.rahukal ka kuch dinon par jyada prabhav hota hai, jaise- shanivar ko iska prabhav sarvadhik mana gaya hai. kyonki shanivar ko iska kal lagabhag 9:00 se 10:30 baje tak hota hai aur yahi samay hota hai ek am admi ka apne vyavsay par jane ya karya shuru karne ka. atah is din rahukal ka vishesh dhyan rakhna labhkari rahta hai. manglvar, shukravar v ravivar ko bhi rahukal vishesh prabhavshali mana gaya hai. rahukal ko yad karne ki saral vidhi: kaun se din rahukal kis khand men parta hai janne ke ke lie is saral vakya ko yad kar len-

daharan ke lie - yadi ap manglvar ka rahukal janna chahte hain to upar talika ke anusar satvan khand (turban = tuesday = satvan khand 15:00 - 16:30) rahukal hoga.

rahukal ke samay ki ganna karne ke lie ek aur vakya ki sahayta le sakte hain:

jis var ki rahukal ki ganna karni ho us var ka shabd le len. jaise- yadi guruvar ko rahukal ki ganna karni hai to uska shabd . hai yah angreji varnamala ka pratham akshar hai to 1 men iska adha arthat ) jorakar samay prapt hua 1:30 baje. yahi rahukal ka guruvar ko praranbhik kal hua. isi prakar shanivar ka shabd hai thvavjainsas ismen th varnamala ka chatha akshar hai. 6 men 6/2 jorne se prapt hua 9:00. atah shanivar ko 9 baje rahukal praranbh hoga.

yahan ek bat spasht kar dena chahenge ki rahukal chaighriya, hora, gulik kal v mandi kal se purn bhinn hai. rahukal v chaighriya ki ganna purnatah ek saman hai. lekin manglvar ko shubh chaighriya ke kal men, rahukal mana gaya hai evan guruvar ko amrit chaighriya kal men rahukal hota hai. atah chaighriya ka upyog karne vale logon ke lie jo kal shreshth mana gaya hai, vahi kal rahukal ki drishti se varjit hai. isi prakar hora bhi rahukal se bhinn hai. hora men grahane ki hora hoti hai lekin rahu-ketu ki koi hora nahin hoti hai.

jivan ki sabhi samasyaon se mukti prapt karne ke lie yahan klik karen !