rahu aur ketu ka jyotish men mahatva jyotish men rahu aur ketu ko chaya grah mana gaya hai. ye rahu aur ketu kya hain, aur chaya grah se kya tatparya hai? rahu aur ketu khagoliya binud hain jo chandra ke prithvi ke charon or chakkar lagane se bante hain. kyonki ye keval ganit ke adhar par bante hain, islie kalpanik hain aur inka koi bhautik astitva nahin hai. isilie ye chaya grah kahlate hain. chaya grah ka arth kisi grah ki chaya se nahin hai apitu jyotish men ve sab bindu jinka bhautik astitva nahin hai, lekin jyotishiya mahatva hai, chaya grah kahlate hain jaise gulik, mandi, yam, kal, mrityu, yamghantak, arddhaprahar, dhum, vyatipat, parivesh, indrachap v upketu adi. ye sabhi chaya grah ki shreni men ate hain aur inki ganna surya v lagn ki ganna par adharit hoti hai. jyotish men kai bar chaya grah ka mahatva atyadhik ho jata hai kyonki ye grah arthat bindu manushya ke jivan par vishesh prabhav dalte hain. prithvi surya ki parikrama ek samatal men karti hai. chandra bhi prithvi ki parikrama ek samatal men karta hai. lekin yah prithvi ke samatal se ek kon par rahta hai. donon samatal ek dusre ko ek rekha par katte hain. ek bindu se chandra upar aur dusre se niche jata hai. inhin binduon ko rahu aur ketu ki sangya di gai hai. surya, chandra, rahu evan ketu jab ek rekha men a jate hain, to chandra aur surya grahan lagte hain. jab rahu aur ketu ki dhuri ke ek or sabhi grah a jate hain, to kal sarp yog ki utpatti hoti hai. rahu aur ketu ka prabhav keval manushya par hi nahin balki sanpurn bhumandal par mahsus kiya ja sakta hai. jab bhi rahu ya ketu ke sath surya aur chandra a jate hain to grahan yog banta hai. grahan ke samay puri prithvi par kuch andhera cha jata hai evan samudra men jvar utpann hote hain. jyotish men rahu aur ketu ke dvara anek yogon ka nirman hota hai. inmen kal sarp yog sarvadhik charchit hai. rahu v ketu se banne vale kuch mukhya yog nimnalikhit hain. rahu aur ketu ke madhya sabhi grahon ke a jane se kal sarp yog banta hai. kal sarp yog ki sthiti men jis bhav men rahu sthit hota hai us bhav ki hani hoti hai. surya aur rahu ki yuti ke karan pitri dosh ka nimarn hota hai, jisse jatak ke kutunb ki hani hoti hai ya use vishesh kasht ka samna karna parta hai. char grah rahu se yut hon to malananaprad yog ka nirman hota hai. isse jatak ko rajkiya vaibhav aur sanpatti ki prapti hoti hai. rahu v guru ki yuti se guru chandal yog banta hai jiske falasvarup jatak kapti v avishvasi hota hai. shukra v rahu ki yuti se abhotvak yog, budh v rahu ki yuti se jaratva, shani v rahu ki yuti se nandi, mangal v rahu ki yuti se angarak evan surya aur chandra ke sath rahu ya ketu ki yuti se grahan yog ka nirman hota hai. shani v rahu ki yuti nandi yog ka nirman karti hai, jisse jatak yash, sukh aur samriddhi ka svami hota hai, lekin jis bhav men yah yuti hoti hai, us bhav ke kasht pradan karti hai jaise lagn men rog, dvitiya men dhan sankat, tritiya men parakram ki hani, chaturth men mata ko kasht, pancham men santan ko kasht, saptam men jivnsathi ko kasht, dasham men vyavsay men asthirta adi. barhven bhav men ketu mukti pradan karta hai. gyarhven bhav men rahu shakti yog ka nirman karta hai, jiske karan jatak samaj men atyant prabhavshali hota hai. sath hi pancham ketu jatak ko daivagyata pradan karta hai aur jyotish adi men uski ruchi jagata hai. chandra aur rahu lagn men hon to jatak ko bhut-pret janya badhaon ka samna karna parta hai. uski manahsthiti kamjor rahti hai. rahu adhishthit bhav ka svami tisre bhav ke svami ke sath ho to sarp bhay yog ka nirman hota hai. upar varnit tathyon se yah spasht ho jata hai ki jatak ke jivan men rahu aur ketu ki bhumika aham hoti hai. dasha fal men bhi rahu ki 18 varsh ki lanbi avdhi iski mahatta ko darshati hai. gochar men iski gati 18 varsh hone ke karan shani ke bad yah dusra sarvadhik mahatvapurn grah hai. rahu aur ketu ka sidha sanbandh chandra se hone ke karan inka mahatva pratham shreni men a jata hai kyonki chandra se prithvi ki duri anya sabhi grahon ki tulna men sabse kam hone ke karan prithvi par iska prabhav sabse adhik parta hai. atah rahu ko sada apne anukul banae rakhen aur iske lie nimnalikhit mantra ka niyamit rup se jap karen. ¬ ardhakayan mahaviryan chandradityavimardanam. sinhikagarbhasambhutan tan rahun pranmamyaham.
Kya aapko lekh pasand aaya?
Subscribe