ayurvedik drishtikon danton ki jaron men mavad par jata hai jisse masure aur jaren kamjor ho jati hain. dant dhile hokar girne lagte hain. jabre men mavad lagatar banta aur bahta rahta hai jiske karan khane ke sath vah pet men jata rahta hai, jiske karan samast svasthya par bahut hi bura asar parta hai.
payriya rog ke karn
1. safai ka abhav: khane-pine ke uprant danton ke bich khali sthan par bhojan ka kuch ansh fansa rahta hai jo bad men sarne lagta hai. iske karan danton par maila jamna, dant pile ya kale parna, danton se mavad ana, munh se durgandh ana adi kasht utpann hota hai. danton men kira lagta hai aur danat khokhle hokar, hilne lagte hain aur gir jate hain. khane-pine ki aniyamitta khane-pine ki aniyamitta ke karan bhi danaton men rog utpann hote hain. bhojan men kailshiyam floraid tatha vitamin ‘si’ aur ‘di’ ki kami se dant kamjor parne lagte hain. danton men dentin aur enamel kamjor ho jate hain. jo tanbaku adi ka sevan karte hain, unke danton par ek pili si papri par jati hai
jise ‘tartara’ kahte hain. isse danton ka enamel kamjor parakar nasht ho jata hai. garm khana khane ke turant bad barf jaisa thanda pani pine se danton ke dentin aur enamel men dararen paida ho jati hain jisse kit kitanu paida hone lagte hain. danton ke kharab hone tatha payriya rog hone men pani ki bhi mahatvapurn bhumika hai. pani men thori matra men florayad hona labhdayak hai, kintu iski adhik matra danton ko bhurbhura bana deti hai, jisse ve asani se tutne lagte hain. kabj tatha danton ke rogon ka bhi sidha sanbandh hai.pet kharab hone se dant kharab tatha dant kharab hone se pet kharab ho jata hai.
payriya rog se bachav evan upchar
- pratidin pratahkal aur ratri sone se pahle danton ki safai avashyak hai. safai ke lie achcha dantmanjan ya pest achche brash ya anguli ka istemal karna chahie jisse masuron ki malish bhi ho.
- laung aur namak ko pisakar churn banakar danton par anguli se malne se danton ka hilna ruk jata hai.
- nila thotha aur safed kattha donon ko barabar matra men len aur inhen tave par bhunakar achchi tarah milakar mahin churn bana len. isse din men 2-3 bar anguli se masuron ki malish karen aur bad men kulla kar munh saf karne se masuron ki sujan, unmen dard ya durgandh ana samapt ho jata hai.
- pipal ki chal ka churn banakar dantane aur masuron ki malish karne se danton ka hilna tatha dard thik ho jata hai.
- jale hue anvle men thora sendha namak milakar, sarson ke tel ke sath masuron aur danton ki malish se payriya rog dur ho jata hai.
- nim ki pattiyan, kali mirch, kale namak ka rojana sevan karna chahie. isse rakt saf hota hai aur payriya men ane vale mavad samapt ho jate hain.
-fitkri ko tave par failakar churn karen aur barabar matra men namak aur thora sa khane vala soda (sodiyam bai karbonet) mila len. yah ek manjan ban jata hai. ratri sone se pahle masuron ki is manjan se malish karen. isse payriya thik hokar dant aur masure majbut hote hain.
jyotishiya drishtikon: jyotish men kal purush ki kudli men dvitiya bhav mukh ka hai. isi se dantane ki sundrta ka anuman lagaya jata hai. dvitiya bhav ke dushprabhavon men rahne se bhi dant sanbandhi rog utpann hote hain.
danton ke mukhya tin bhag hote hain. pahla aur dusra bhag enamel aur dentin ka hai jo thos evan haddinuma hai iska netritva surya karta hai. tisre bhag men rakt shiraen hoti hain. iska netritva chandra aur mangal karte hain. payriya men mavad ka mahatva adhik hota hai jo rakt ke dushit hone se hota hai. surya, chandra, mangal, dvitiya bhav v dvitiyesh jab dushprabhavon men ate hain to payriya rog utpann hota hai.
vibhinn lagnon men payriya rog ke jyotishiya yog
mesh: lagnesh mangal shashth bhav ya ashtam bhav men chandrayukt ho, dvitiyesh shukra aur budh dvitiya bhav men rahu se yukt ya drisht ho to dant sanbandhi rog utpann karta hai.
vrish: guru v chandra dvitiya bhav men, rahu ketu se yukt drisht ho, lagnesh shukra ast ho, surya-shani se yukt ho aur mangal ashtam bhav men ho to jatak ko payriya hota hai.
mithun: lagnesh budh surya se ast hokar shashth bhav men, rahu se ya ketu se yukt ya drisht ho, guru dasham bhav men vakri ho to jatak ko payriya rog deta hai. karka: lagnesh chandra dvitiya bhav men surya evan budh se yukt ho aur rahu-ketu se drisht ya yukt ho. mangal saptam, ashtam ya ekadash bhav men shani se hi drisht ya yukt ho to payriya ho sakta hai.
sinh: lagnesh surya, rahu-ketu se yukt hokar kisi bhi bhav men ho, mangal vakri ho aur shani ki drishti chandra ya dvitiya bhav men ho to jatak ko payriya ho sakta hai.
kanya: surya dvitiya bhav men chandra yukt evan rahu-ketu se drisht ho, mangal ashtam bhav ya ekadash bhav men ho, guru shashth, ashtam ya dasham bhav men shani se yukt ya drisht ho to jatak ko payriya hota hai.
tula: guru dvitiya bhav men rahu v ketu se yukt ya drisht ho, surya ashtam bhav men, chandra se yukt ho, mangal shani se yukt hokar ekadash bhav men ho to payriya hota hai.
vrishchik: lagnesh guru shashth ya ashtam bhav men shani se yukt ya drisht ho, surya, shukra dvitiya bhav men rahu-ketu se yukt ya drisht ho, chandra, mangal se yukt hokar kisi bhi bhav men ho to payriya hota hai.
dhanu: lagnesh guru shashth ya ashtam bhav men shani se yukt ya drisht ho, surya-shukra dvitiya bhav men rahu-ketu se yukt ya drisht ho aur chandra mangal se yukt hokar kisi bhi bhav men ho to payriya hota hai.
makr: guru dvitiya bhav men chandra mangal evan rahu-ketu se drisht ya yukt ho, surya shani se yukt ya drisht hokar kisi bhi bhav men ho to payriya hota hai.
kunbh: chandra-mangal dvitiya bhav men rahu-ketu se yukt ho, lagnesh shani vakri ho aur guru se drisht ya yukt ho to jatak ko payriya rog ho sakta hai.
min: dvitiya mangal chandra se yukt hokar shashth ya ashtam bhav men ho, shukra-shani se yukt hokar dvitiya bhav men rahu ya ketu se drisht ya yukt ho to jatak ko payriya ho sakta hai.