jyotish v ank jyotish ke dvara bhavishya kathan jatak ke janam hote hi aranbh hota hai. magar aj vigyan ke yug men manushya prakritti par vijay prapt karne ka prayatn nirantar kar raha hai. ram charit manas ke kathan ”jahi vidhi rakhe ram tahi vidhi rahie“ men aj ke manushya ka vishvas samapt ho gaya hai. chikitsa shastra ke anusar shalya kriya ab jatil nahin rah gai hai atah vyakul man vigyan ka sahara lekar garbhit avastha men hi ane vali jivatma ko lekar chintit ho uthta hai.
inhin sabhi tathyon ko dhyan men rakhakar is lekh ki rachna ki gai hai. santan larka ho ya larki uske vyavsay ki chinta svabhavik hai. anevali santan daektar, jaj, vakil, injiniyar, sangitkar ya neta banegi v kis vyavsay men jayegi, uske mastishk ka vikas kaisa hoga? ise ham ank jyotish se sunishchit kar sakte hain. vaigyanik shodh ke uprant yah siddh ho chuka hai ki vyakti ki soch aur vichardhara par mastishk ke vishesh bhagon ka prabhav aur niyantran hota hai. hamara mastishk niche diye chitra ke anusar do bhagon men vibhakt hota hai.
mastishk ke sanpurn vikas ke lie yah avashyak hai ki uske donon hisse saman rup se viksit hone chahie par samanya manushya ke jivan ke donon bhag viksit hone ke bad bhi ek bhag vishesh rup se prabhavi rahta hai. daye golarddh ke prabhavi vyakti bahirmukhi hote hain v bayen golarddh ke prabhavi vyakti antarmukhi hote hain. prakriti ki is den ka vishleshan kiya gaya aur paya ki mulank 1, 3, 4, 5 v 9 vale vyaktiyon ka bayen ki tulna men dayan golarddh adhik sakriya hota hai. ye log (mulank 1, 3, 4, 5, 9) kisi bhi kam ko svayan hi karne men vishvas rakhte hain.
buy detail numerology report
karyon ko talte nahin hai. isi karan yah asani se saflta prapt kar lete hain. paisa kamane ki adbhut kshamata ke karan hi ye samaj men pratishthit ho jate hain. mulank 2,6,7,8 vale vyaktiyon ka dayen ki tulna men mastishk ka bayan bhag adhik sakriya rahta hai. in mulankon vale vyakti antarmukhi hote hain. inki drishti men yah sansar matra dhanarjan ke lie hi nahin apitu gyanarjan ke lie bhi hai. atah prerna inke lie mahatvapurn hoti hai. ye hamesha hriday ki sunakar uske anusar vyavhar karte hen. bhautik drishti se ye vifal ho sakte hain, par mansik drishti se ye jivan ka anand uthate hain. mulank ke antirikt, vyakti ka vyavhar bhi mastishk vikas men sahayak hota hai. udaharan ke lie ek vyakti ka mulank 7 hai aur vah apne adhik karya bayen hath se karta hai
to aisa vyakti mansik ke sath-sath dhanarjan men bhi adhik vishvas karta hai. bayen hath ka adhik prayog karne se uske mastishk ka danya bhag bhi viksit ho jata hai. jivan men unchaiyon ko pane ke lie mastishk ka purn vikas adhik mahatva rakhta hai. jis dinank ko vyakti ka janm hota hai, us mulank ke anusar bhagya prapti ho hi gai hai, vyavhar arthat karmon men sakriyata lakar sanpurn vikas kiya ja sakta hai. koi bhi jatak apni santan ke lie mulank v bhagyank ke anusar vyavsay ka chayan karta hai to uski santan ko jivan men saflta prapt hoti hai.
kuch vyavsay is prakar ke hote hain jismen vyakti ko apne mulank ke anusar apna vyavsay chayan karna hota hai, jaise ki jyotishi, shikshak ya chikitsak ka karya. agar janm tithi ka pata n ho to namank dvara bhi vyavsay ka chayan kar sakte hain.
ank 1: inke lie hukumat, prashasak, netritva, adhikari, abhushan, jauhri ka karya, svarnakarita, vidyut ki vastuen, chikitsa, medikal stor, jyotish, ann ka vyavsay, bhuprabandh, mukhyavas ya uchch sthan prapti, makanon ki thekedari, rajnitik karya, shatranj ke khel, agni seva karya, sainya vibhag, rajdut, pradhan pad, jalapraday vibhag, shramshil karya adi ke kshetra men rojgar-vyapar karna labhaprad rahega.
ank 2: inke lie rojgar-vyapar hetu ye kshetra anukul rahenge, jaise dravya padarth, teliya karya, samudra yatra, mukhyavas ya uchch sthan prapti, pashu vyavsay, chini mil, ann ka vyavsay, tairaki, raspurn padarth, dudh, dahi, ghrit, kagaj, jal, krishi evan chini ke vyavsay evan aushdhi vikreta, bhraman karya, ejent, pratinidhitva, sanpadan, lekhan, sangit, abhinay, nritya, bhuprabandh, makanon ki thekedari, chikitsa, moti, har, mani, manikya, ratn ityadi ka kray-vikray, patthar tatha bhugarbh ityadi ke karya.
ank 3: inke lie vastra udyog, dhabe, restorent, hotal, pan ki dukan, adhyapan, updeshak, vyakhyata, pradhyapak, rajdut, mantri, kanun ke salahkar, vakil, nyayadhish, sachiv, dut karya, klark, chikitsa karya, bainking ke karya, dalal, arhat, vigyapanakarta, abhineta, selsamain, taipist, steno, jal jahaj men karyakarta, pulis vibhag, darshanashastri, jyotish, prabandhak evan jaliya vyapar adi ke kshetra men rojgar, vyapar karna hitakar rahega.
ank 4: inke lie daru, spirit, tel, mitti ka tel, ark, itra, rel vibhag, vayusena, jalday vibhag, kuligiri, taknishiyan, rangsaj, abhiyantriki, nakshanvis, darji, barhai ka karya, dijain ke chape ka karya, babu, telifon aepretar, steno, taipist, shilpakar, patrakar, sangrahakarta, vidyut karya, vakta, updeshak, rajya karmachari, khanij majdur, thekedar, motar chalak adi ke kshetra men rojgar-vyapar karna hitakar rahega.
ank 5: inke lie tar aur telifon vibhag, jyotish, selsamain, dakaghar, postamain, bima vibhag, bainking, bajat nirman, relve injiniyarani, sanpadak, tanbaku vyavsay, rediyo vyavsay, lekhak, patrakar, anuvadak, rajniti sanbandhi karya, mudranalay, sanchar vyavastha, pa77ustak vikreta, pustakalay, laibreriyan, yatayat sanbandhi karya, itihas, khoj evan puratatva vibhag, avishkarak, munim, paryatak evan buddhi bal ke samast karya adi ke kshetra men rojgar-vyapar karna adhik labhaprad rahega.
ank 6: inke lie restorent, hotal, dhabe, bhojnalay, shilpakar, dijayanar, mahajni karya, sangitagya, upanyaskar, natyakar, kahanikar, bagvani, vastra vyavsayi, abhineta, itra, tel aur anya teliya padartho ke vikreta, pushp vikreta, vastrabhushan vyavsay, resham, terilin, terin, uni vastradi ke vikreta, mishthan vyavsay, gharisaji, nrityabhinay aur kavya tatha sahityoparjan, jyotish, sarvajnik karya, samaj seva, das vritti, yatayat, mudranalay, khadya vibhag sanbandhi samast karya adi ke kshetra men rojgar vyapar karna adhik labhaprad rahega.
ank 7: inke lie tairaki, abhinay, film vyavsay, vayu seva, paryatan, draivar ka karya, babugiri, jal jahaj ke karya, patrakarita, sanpadan karya, rabar, tayar, tyub, plastik vark, lalit kala sanbandhi karya, rajyadhikari, jasusi, taral padarthon ka kray-vikray, jadu ke karya, jyotish, kutnitik karya, niyantrak, bhumigat padarthon ka vyavsay evan transmitar, rediyo, anuvadak adi ke karya kshetra men rojgar-vyapar karna hitakar rahega.
ank 8: inke lie kasarat, khel-kud, kud-fand, pulis aur sainya vibhag, thekedari, tin chaddar adi ka karya, kuligiri, ladyu udyog, vakalat, jyotish karya, vaigyanik karya, murgi palan, bagbani, koyla aur lakri ka vyavsay, gharisaj, nyay vetta, netritva, niti nirdharak, dharma-karm, yagyadi katrta, adhyapan, sangitagya adi karya ke kshetra rojgar-vyapar hetu adhik upyukt rahenge.
ank 9: inke lie sangathan, sangh sanchalak, niyantrak, chikitsa, jyotish, dharmopdeshak, sainya vibhag, gola-barud, atishbaji ka vyavsay, vakalat, aushdhi vikreta, lauh tatha anya dhatu sanbandhi karya athva prabhuta sanbandhit karya karna anukul rahega.
faladesh ke samanya niyam
1. janm dinank men ane vale sabhi ank yathasthan sthapit karen.
2. shatabdi ke do ank varg men kahin bhi nahin darshaen.
3. yadi ank yog kundli men adhikansh ank atmik v mansik hain to vyakti daektar, vakil, injiniyar, kalakar, sangitkar v neta ban sakta hai. vyavsay men safal hota hai. jatak achchi unnati karta hai v safal hota hai.
4. yadi ank yog kundli men adhikansh ank bhautik v kam atmik ank ho to jivan sangharshamay hota hai. sarkari sevaon men archnen ati hai. hani ki ashankaen rahti hai. ye jatak manav seva karne vale, sanyasi man ke hote hain. inki buri adten inhen hani pahunchati hai. isse grihasth jivan ashant ho jata hai.
5. yadi ank yog kundli men adhik mansik ank ho to aise vyakti svarthi hote hain. ye vyapar men khyati prapt karte hain. inka grihasth jivan ashant ho jane ki sanbhavna rahti hai.
6. yadi ank yog kundli men adhikansh mansik ank ho tatha kam atmik ank ho to aise vyakti sanpann hote hain aur unka grihasth jivan sukhad hota hai.
7. yadi ank yog kundli men ane vale sabhi ank bayen golarddh ke hai to jatak ke mastishk ka bayan bhag adhik sakriya hoga. yadi sabhi ank dayen golarddh ke hain to jatak ke mastishk ka dayan bhag adhik sakriya hoga. yadi kuch ank bayen v kuch ank dayen golarddh ke hain to jatak ke mastishk ka purn vikas hoga.