bhartiya sanskriti evan sabhyata men vaise to sabhi solah sanskaron ka apna-apna mahatva hai lekin vivah sanskar ka sanpurn sanskaron men vishisht sthan hai. bhartiya sabhyata men vivah sanskar ka santanotpatti se hi adhik tatparya hai. ghar men santan hona shubh mana jata hai.
dharmik drishti se manushya par jo pitririn hota hai vah santan prapti ke bad samapt hota hai. kuch aise bhi log hote hain jinko daktar, vaidya adi dvara ilaj karne par bhi santan nahin hoti hai. jahan manushya ke sabhi bhautik prayas vifal ho jate hain vahan adhyatmik upay karne se karya saflta ke dvar khulte hain.
jin logon ko santan hone men badhaen a rahi hon athva manovanchit santan ki ichcha ho, unhen apne ghar men santan gopal yantra ko sthapit karke santan gopal mantra ki sadhna karni chahie. is yantra ke sammukh baithakar santan gopal mantra ka nitya shraddha evan vishvas purvak jap karne se sundar, sushil, susanskrit santan ki prapti hoti hai. sankshipt pujan evan sthapna vidhi: kisi shubh muhurt men athva brihaspativar ko athva budhvar ke din pratahkal ke samay is yantra ko panchamrit se abhishek karke panchopchar pujan karke ghar ke pujasthal men sthapit karen. nitya nimn mantra ka ek mala jap karen.
santan gopal mantra ¬ devkisut govind ! vasudev jagatpate, dehi me tanyan krishnan ! tvamhan sharnangat.. rudraksh ki utpatti devadidev mahadev bhagvan shiv ke dayarupi ashruon se hui hai. rudraksh param pavitra tatha bhagvan shiv ka svarup hai. rudraksh bhinna-bhinn mukhon men paye jate hain. sabhi rudraksh mul rup se shiv ke pratik hain, lekin mukhon ke adhar par shastron men inko alg-alag devtaon ka svarup mana gaya hai.
inhen alg-alag karyon men saflta ke lie dharan kiya jata hai. jin logon ko santan sukh evan santan prapti ki kamna ho unhen dasmukhi rudraksh evan charmukhi rudraksh dharan karna chahie. dasmukhi rudraksh svayan bhagvan vishnu ka svarup hai. kaha bhi gaya haiah dashavaktro mahasen sakshatdevojnardanah. char mukhi rudraksh svayan brahma ka svarup hai. kaha gaya hai: chaturvaktrah svayan brahma. char mukhi rudraksh sansar ke utpattikarta brahmaji ka svarup hone se santan prapti evan vanshvriddhi ke lie labhdayak hota hai. dasmukhi rudraksh sansar ke palanakarta vishnu ka svarup hai. ise dharan karne se santansukh evan manovanchit santan prapti men ane vali badhaon ka shaman hota hai.
in donon rudrakshon ko sanyukt rup se gale men dharan karne se santan evan santan sukh ki prapti hoti hai. sankshipt dharan vidhi: in rudrakshon ko apni samathrya anusar sone men ya chandi men jarvakar sone ya chandi ki chen men athva lal dhage men somvar, guruvar ke din dharan karen. dharan karne se purva inka gangajal, dudh, dahi, ghi, madhu, shakkar se abhishek karke chandan, dhup dip se pujan karen tatha nitya nimn mantra ka pratidin ek mala jap karen. mantra: ¬ hran hrin hrun santan sukhan kuru kuru svaha. anyatha santan gopal mantra bhi jap sakte hain.