janm kundli ya prashn kundli ke adhyayan ke lie prayog men lae jane vale mahatvapurn siddhanton men se ek hain, grahon ki prithktajanak drishti ka siddhant. chayatmajah pangudivakreshu khetaddhayon dishti yatra nij prabhavam. nunan prithkta vishyaddhi tasmaddashame yatha rajyanyasmahuah.. surya, shani aur rahu - in tinon men se koi do grah kisi ek bhav par sanyukt drishti dalte hain to us bhav ke sukh ka nash ho jata hai.
in tin grahon ke atirikt dvadshesh, jis rashi men rahu hai us rashi ka svami bhi prithktajanak drishti ka prabhav rakhta hai. shubh grah ki sthiti men yah prabhav kam ya jyada ho sakta hai. yadi lagn par in grahon ki drishti ho to vyakti atmaghati, ya khud ki galtiyon se marnasann ho jata hai. aise vyakti tunkmijaji, chirchire ya avsad se pirit bhi ho sakte hain.
yadi dvitiya bhav par yah prithktajanak prabhav ho to vyakti ke dhan ka nash ho jata hai, ya use kutumb se prithak hona par sakta hai. sath hi vani ya drishti dosh bhi ho sakta hai. chaturth bhav par is yog ke prabhav se bhumi, bhavan, vahan, adi ka tyag ya mata ke sukh se virakt rahna par sakta hai. saptam bhav par iske prabhav se vivah men badha, avivahit sthiti, jivnsathi se talak ya mrityu bhi sanbhav hai.
vyapar ki kami ya vyapar yog ka abhav bhi usse hota hai. yadi drishti dasven bhav par ho to vyakti karmahin ho sakta hai, aisi dasha mane bare se bare khandan men janm lene ke bavjud vah kangal jaisa ho sakta hai. ekadash bhav par iske prabhav se vyakti ko apne parishram ka labh nahin mil pata hai, use shram ki apeksha labh kam milta hai ya hani uthani par sakti hai.
is prakar ke yogon ke dushprabhavoen ko samjhne ke lie kuch kanudliyon ka adhyayan kiya jae :
pratham kanudli lete hain shrimti soniya ganadhi ki-
udaharan kundli 1: inka janm 9 dinsabar 1946 ko itli ke turin men ratri 9ah30 baje hua. kark lagn ki kundli men shani lagnasth hokar saptam drishti se saptam bhav ko tatha rahu ekadash bhav se navam drishti se saptam bhav ko dekh raha hai. yah donon grahon ki purn prithktanajak drishti saptam bhav par hai aur iske dushprabhav se pati se viyog hua. shrimti soniya ganadhi ki kundli men shani aur rahu ke karan saptam bhav ke sukh se prithktajanak drishti ka dushprabhav shani ki mahadsha men rahu ki anrtadasha ke samyavdhi men hua. dinank 7/4/1990 se dinank 13/2/1993 tak ke samay ki yah dasha saptam bhav ke sukh ke lie vinashkari siddh hui. ullekhniya hai ki mai 1991 men rajiv gandhi ki hatya hui thi.
udaharan kundli 2: prastut dusri kundli rashtrapita mahatma gandhi ki hai, jinka janm 2 aktubar 1869 ko porbandar men pratah 8ah24 par tula lagn men hua tha. kundli men shani dvitiya bhav men vidyaman hai tatha tritiya drishti se chaturth bhav ko dekh raha hai. chaturth bhav par rahu ki saptam drishti dashmen bhav se bhi hai. gandhi ji ki kundli ke anusar rahu ki mahadsha men shani ki anrtadasha dinank 13/3/1927 se dinank 19/1/1930 tak rahi. yah to sarvavidit hai is avdhi men gandhi ji ne desh ki svatantrata ke lie apna ghar, sukh, sanpÿia sabka tyag kar diya tha evan jel yatra ki thi.
udaharan kundli -3: jatak ka janm 11 janvri 1971 ko pratah 5ah30 par jaypur men hua. dhanulagn men surya ki saptam drishti saptam bhav par, rahu ki pancham aur shani ki tritiya drishti saptam bhav par sthit hai jiske prabhav se jatak ke vivah men anek badhaen ain, dinank 10/5/2000 se 16/3/03 ke madhya shani ki mahadsha men rahu ki anrtadasha mane mangetar ne atmahatya ki thi. iske pashchat ek talakshuda mahila se vivah nishchit hua aur rishta tut gaya. ukt grahon ki tantrik paddhati se shanti karvane ke pashchat 34 varsh ki ayu men vivah hua.
udaharan kundli -4: rashtriya star ke rajneta ki hai. 3 jun 1930 ko 4ah25 subah ki janm lene vale is jatak ki mesh lagn ki kundli hai. lagnesh lagn men hi rahu ke sath baithakar rahu ke saman prithktajanak drishti se saptam bhav ko dekh raha hai, atah inka vivah nahin ho saka. vivah ke yog ke samay surya ki mahadsha, sinh par rahu aur shani ki drishti fir chandra ki dasha, jis par bhi shani v rahu ki drishti, fir mangal ki mahadsha 1977 tak rahi. is samay tak vivah ki umra hi nikal chuki thi. atah uprokt adhyayan se spasht hai ki surya shani aur rahu ki sanyukt drishti, bhav ka nash karte hi hain. yadi samay rahte gahrai se adhyayan karke dashakal ki ganna karke vidhivat shanti karayi jae to bhav nash, sukh ki kami jaisi samasya ka samadhan kiya ja sakta hai. yadi ukt grahon ki tantrokt paddhati se shanti karayi jati hai to saflta avashya milti hai.