- yadi upri badha ki koi pareshani kisi vyakti vishesh ko hai, to uske sage-sanbandhi yah prayog kar sakte hainah jis din hast nakshatra ho, parantu dagdha adi tithi, var ya bhadra n ho, us din chanpa ki jar la kar, uske sath tulsi, kali mirch rakhakar, vyakti ko gale men tabij ya kapre men bandh kar pahna den.
- trifla churn ke bare men adhisankhya log jante hain, jo harar, bahera, anvla se banta hai. us bahede ke per ka patta yadi koi purvafalguni nakshatra men lakar apne ghar men sanbhal kar rakh de, to prabal se prabal shatru ke mantra, totkon, abhichar adi ka prabhav usapar nahin hoga.
- ghar se rupye-paise gayab ho gaye, vyavsay men barakat ruk gayi ya hoti hi nahin hai. koi n koi ghar men bimar rahta hai, bimari ghar se niklti hi nahin hai kabhi ghar men kahin ag lag jati hain, kabhi saman se ghar men durgandh ati hai athva sone ke jevron ka rang ur jata hai, ghar men bachchon ki shadi, santan, tarakki hoti hi nahin, to aisi samasyaen, pitri dosh, pret dosh ya anya vyakti dvara koi totka, upay kara dene ke karan sanbhav hota hai.
yahan spasht samajh len ki ghar ke pitar ganga snan, brahman bhojan, dan, shrimadbhagavat saptah adi se santusht ho jate hanai. ve apke purvaj hanai, atah unke lie totke, mantradi upyog men nahin laye jane chahie. parantu anya pret dosh hone par athva anya vyakti dvara ghar men totka adi kara dene par nidan mukti ke lie upayon ka sahara lena hi hoga. kya ghar men pratidin larai-jhagre barh rahe hain ? pratyek karya men badhaen a rahi hain ? kya aisa lagta hai ki ghar men devtaon ki kripa nahin hai ? tab ek sadharan sa upay, 21 din tak, bina naga kiye, karen. suryast ke samay sham ko adha kilo gay ka kachcha dudh le aen. snan karen. shuddh dhule hue saf vastra pahnen.
kisi saf-suthre, manje hue bartan men dudh nikal len (dal den). is dudh men 9 bund shuddh shahad ki dalen. makan ke sabse upri bhag yani chat se shahad mishrit dudh ke sabhi sthanon par niche tak, ghar ke har kamre men, gailri men, jine men, iske chinte lagaen arthat koi sthan n choren jo dudh ke chinte se bach jaen. (makan ke mukhya darvaje tak jaen tatha shesh bache dudh ko darvaje ke bahar, dhar dete hue, gira den. is sanpurn kriya ko karte hue apne isht devta ka dhyan karte rahane. 21 din tak yah kriya karne par ghar shuddh ho jaega.
- is mantra ko japne se pahle 12 angul palash ki lakri ki ek achchi kil bana len. fir is mantra se 1000 bar jap kar abhimantrit karen. jahan yah kil gari jaegi, vah ghar bhut-pret adi dosh se mukt hoga. mantra: un shan shan shin shin shan shun shun shain shain shon shaun shan shanah svah sah svaha.
- agar kisi vyakti ko bhut-pret badha ho to uska dhiraj barhaen. uske age dhup tatha agarabatti jalaen. kisi devi, devta ka foto lagaen. agar hanuman ji ka foto ho, to bahut achcha hai. koi chaku, churi-kainchi uske samne rakh dane. bhut-pret ko galti se apashabd n kahen . isse ashant atma ko krodh a jata hai. us bhut pret se kshama yachna karen tatha usse uski mang puch kar, us mang ko puri karen, to vah us vyakti ko chor kar chala jata hai.
- apne bal kanghi kar ke kabhi kanghi men n rakhen. balon ko nikal kar, usapar thuk dal kar, bahar faneke. fir kisi prakar ka jadu-tona hone ka bhay nahin rahta hai .
- apne kapre utar kar usapar pani ka chinta jarur den. bahar se kiye gae kisi bhi prayog ka asar khatm ho jaega. isse jadu-tona nahin hoga .
- kisi ki khushbudar chij lagane ki koshish n karen, varna jadu-tona ho sakta hai. isse bach kar rahna chahie.
- bhut badha men kale dhature ki jar ravivar ko banh men bandhne se labh prapt hota hai.
- lahsun ke ras men hing ko pis kar mila kar, bhutagrast ko sunghaven, to bhut bhag jata hai.
- billi ki vishtha ki dhuni dene se pret badha dur ho jati hai .